انتم تدرون وش اسمي ؟؟
مهو الصحيحي .
اسمي عندكم الشبث صح ولا انا غلطان ؟
اللي مايعرف معنى الشبث ( هو طائر مغرد جميل الشكل يكثر في قرية ام رضمه )
اسمعوا بالله هالمواقف اللي صارت لي من هالاسم الغبر
قبل كل شي انا سميت نفسي الشبث لان خوياي اول بالحاره كانو يسموني الشبث
واستمر معي هالاسم بفريق الحاره . وكنت مدافع وبس انشب للواحد ليما اطلع روحوه
الوكاد يوم جتني دعوه علشان اسجل هنا مالقيت الا الشبث هههههه
وبصراحه صارت لي مواقف خلتن اتحسف على هالاسم وعندكم بعض ماصار لي :
بمخيم خويانا اللي بالخفجي اول ماشافني فيصل اللويش الله يذكروه بالخير قال اكيد انت الشبث
وكل ماجاء احد يسلم قالوه الشبث ( يعني يعرف باسمي ) طبعا اللي يسلم علي يكش من
اسمي وتقل يحتقرن هههههه
ومرتن من المرات وانا بالدوام جلست مع واحدن من الشباب وقمنا نسولف عن الانتر نت
وجبنا طاري النت وسالته عن المضايف وقلت لوه بالله تقراء المضايف
قال ايه
قلت عمرك دخلت فلة الحجاج
قال ايه دايم اجيه
قلت بالله وش رايك بفلان وفلان وفلان
قال والله كويسين
قلت والشبث
قال ياخي هذا خبل ؟!#$%
قلت افا ليه ؟
قال مدري احس ان اسموه مهو والعقل ولايف ههههههههههههههههههههههههه
قال ليه انت تعرفوه
قلت هاه لا اعرفوه بس بالنت
قال انت وش اسمك
قلت اسمي تعاليل ( ماعليش ياالاميره )
قال يعني بنت
قلت ياخي ماني بنت بس ابي اسحب بالشباب
ودار نقاش طويل بيني وبينوه ...............
ومره فيه واحد من الشباب سيرت عليه
وجلسنا نسولف ويسالن عن الفله ( هو مهو معنا بس يتابع المواضيع )
وفجأه دخل علينا ابوه وسلم علينا
ومن قرادة حظي ان ابوه يقراء المضايف
قال يبه هذا عبدالله بالمضايف اسموه الشبث
وهو يراعيلي ابوه وهو يبخ ( طلعت ضحكتوه فجأه )
قال بالله انت الشبث
قلت ( وانا طايحن وجهي ) ايوالله ياعمي
قال انت ياولدي مالقيت الا هالاسم
قلت عاد الشكوى لله
وبعد دا بيني وبينهم نقاش طووووووووووووووووووووووووووووووووووووووو ايل ....
وتقلدوا تحيتي
رد مع اقتباس
المفضلات