بسم الله الرحمن الرحيم
معركة لينه هي من المعارك القديمه واللي على دور مطلق الجربا "العيط"
والفارس راضي بن جدي
فبما ان المعركه هذي هي نهاية الفارس نومان الحسيني الظفيري
خلونا نسرد قصة نومان الحسني حتى نصل لمعركة لينه حتى تكون المناسبه مفهومه
مع العلم ان قصة نومان من اروع القصص واكثرها تشويقا
مع العلم ان اكثر الكتب جمعت المعركتين في معركه واحده
وقد قرات في كثير من المنتديات "امور ماله داعي"
"حتى تكون القصه مفهومه اكثر"
نومان الحسيني فارس اشتهر بالشجاعه والوسامه
وهو من قبيلة الظفير الشماليه ولكن بما ان حياته مع العريعر
من شيوخ بني خالد فكانت لهجته قد تكون جنوبيه نوعا ما حتى ان راضي بن جدي
وصفه باحد المعارك بالجنوبي
المهم بعد ان اصبح نومان من رجال بن عريعر اعطاه بن عريعر فرس ورمح
فكان قديما عند اهل الباديه "يزبرقون" الرمح ويسمونوه المشنشل
ومن اكثر مايحطون عليه اللي هو ريش النعام وكان يوجد هناك اناس متخصصين لفعل هالشي
اللي هو حبك الريش على الرمح واغلب ماتسويه النساء
المهم ان نومان سأل بعض شباب الخوالد قال تعرفون مره تحط الريش على الرمح
قالو: راعية اكالبيت
راح يمه وصوت لراعية البيت وطلعت اكالبنت قالت وش عندك يارجل
قال نومان سمعت انكم تحطون الريش على الرمح قالت بس بشرط قال شرطك
قالت البنت شرطي انك "تخضب" الريش بالدم يعني تصبغوه
قال نومان انا ماحطيت هالريش الا لهالشي
المهم حصلت للعريعر معركه مع شمر وكان من ضمن فريس شمر راضي بن جدي
المهم تطاردو نومان الحسيني وراضي بن جدي وانعزلو عن الفريس ودلو يتطاردون
ماواحد قدر على واحد اصبحو متكافئين فكان سبب الطراد عليلهم ذود من البل
والكل منهم عيا لايعطي الثاني قال راضي عندي الحل يامار بجنبهم جبل يقال لوه الابرق
وهو يحد راضي الابل على الجبل وهن ينقسمن
قال راضي : "قسمهن ابرقهن يالجنوبي تخيّر"
المهم تعاهدو راضي ونومان ماواحد يغزي على الثاني "
يوم رجعو لبيت بن عريعر اعجب بن عريعر بشجاعة نومان
قالوا الحاظرين ــ وكان نومان غايب ــ ياطويل العمر نومان ماهو شجاع مار هذي فرسوه "حشور"
بمعنى انه هي اللي ترمي بوه على الفرسان
سمع هم نومان قال :
[poem=font="Simplified Arabic,5,white,bold,normal" bkcolor="transparent" bkimage="" border="ridge,medium,gray" type=1 line=0 align=center use=ex num="0,black"]
قالوا حشور وقلت سوو سواتي=ارخو لهن ياكاربين المصاريع
قلايعي عشر وهن مقفياتي="بالنافعي" قطعت روس المداريع
اليا رضى مضنون عيني شفاتي=نازوع للذلان ضرابة الريع[/poem]
النافعي اللي هو سيفه
المهم قررو ا يغزون شمر
يوم دري نومان حاول انه يرفض وقال ياطويل العمر انا وراضي بيننا عهد ولا اقدر ابوق
قال بن عريعر ان الله اشاء الا اغزي شمر
وكان حجة بن عريعر ان لينه من املاكه ويريد استعادته من شمر
المهم مشو على شمر ويوم جو قبل لينه بالليل هم ينامون
والوعد على انهم الصبح يصبحون شمر
اما نومان ماقدر ينام فمن ضمن ماقال:
[poem=font="Simplified Arabic,5,white,bold,normal" bkcolor="transparent" bkimage="" border="groove,medium,gray" type=1 line=0 align=center use=ex num="0,black"]
ياسابقي ليلة قربنا للينه=ياواهجٍ بالصدر لو عنه تدرين
لو حط لك ذوب العسل ماتبينه=حيثك على حوض المنايا بتردين
يسهج قطاتك كل شلفا سنينه=عساك منها ياجوادي تعتقين
حمرا لنومان الحسيني ضنينه=تسوى مطارد تالي النوم بالعين
وانا عليها دون ربعي رهينه=انطح شبا المقبل وافك المخلين
لعيون من يزهى وشامه جبينه="اللي هرج لي ليلة الغزو ماشين"[/poem]
فصبحو شمر بالصباح وصارت معركة لينه "اللي انهزم به بن عريعر "
وقتل به نومان الحسيني واللي قتلوه هو الفارس راضي بن جدي
فرحم الله الجميع
راضي بن جدي من الويبار من عبده من شمر
فارس لايشق له غبار ولكننا مقصرين بحقه
واللحين اذا طلعتو من عند بقعاء تجيكم على يدكم اليمين قرى من ضمنها البراك والشعلانيه وغيره
فالشعلانيه حصلت به معركه بين شمر والروله وقتل به راضي بن جدي سبعه من الشعالين من شيوخ الروله وسميت باسمهم
***معلومه صغيره داري والله ماتخفاكم لكن قلنا خل نجيبه للي مايعرفه
الموضوع هذا ليس منقول ولايوجد لابمنتدى ولابكتاب لكن بعد مارأيت من تخبط ببعض المنتديات
لت خلينا نورد هاسالفه
هذا اللي عندنا نبي اللي عندكم من تعديل او تصحيح
المفضلات