[align=center]قبل أيام قلائل وبالتحديد في ثامن ايام شهر ذو الحجه
اعتلتني نفحات ذلك اليوم بذكرى من رحل عن دنياي مودعا.
فكانت هذه الخربشة ذكريات تتوهج بين اضلعي
انثرها هنا[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
كلن على ليلاه يشكي مصابه=وانا حروفي تنزف الجرح عني
اشكي هموماً سببت لي كآبه=حتى بمنامي تسمع احيان وني
عشرين عامٍ شفت فيها الغرابــه=لامن نويت الشرق..! بالغرب جتني
كن الرياح اقدار .. حظي سطابه=تجري بما لايشتهي الحــظ مني
جرحاً مع الأيام ننســى صـوابـه=وجرحاً أليمٍ .. دك في صغر سني
مرحوم ياللي راح بااطيب شبابه=بعلمٍ يقود الوجه .. راح وتركني
توني صغير ٍ ما خطـر لي غيابـه=ودعـت عينه وحظنه اللي حظني
بعـده حيـاتي كل حــزنٍ لفــابه=دربي طويلٍ واثقل اليتــم متنـي
ماكنت اصدق يوم هلــوا ترابــه=( مبصـر فقـد عينـاه )كنه وكني
راح وتركني للزمن تحـت نابــه=تصفق بي الأمواج والشط حزني
اسكن عيون العطف ! ظلي سحابه=وانا الكسير وجبر عظمي امتحني
{ي ب هـ} ثلاث حروف قلبي شقابه=اليـا سمعتــه بصـوت غيري طعني
{ ي ب هـ } عـذابي انفتح حيل بابه=يوم ان قبرك من كفوفك حرمنـــي
{ي ب هـ}ياليت تشوف ولدك سرابه=دمعاً تزايد لـيـل فــرحه تـجــنـــي
ليلة فـرح عمـري لفـونـي قـرابـه=وسجيت افـكر لـيت خـالد حضرني
( ي ب هـ )قصيدك بخط يدك تلابـه=لامن قريته .! دموع عيني فضحني
( ي ب هـ )حملت الشعر بعدك نيابه=واوفيت حرفك ان تعـدى سكنــي
وكلن على ليــلاه يشكــي مصابه=وذكرى رحيله قبل الأضحى لزمني
يـالله طلـبـتـك في يمينــه كتــابه=وتسكنـه جنـّـــه من نهوره تمنـي
يالله طلبـتـك وسط قبره ثوابـــه=نــورٍ على نــورٍ تزيـــده تهنــي[/poem]
[align=center]سلطان الشمري[/align]
المشاركة الأصلية كتبت بواسطة الدهور
المفضلات