بسم الله الرحمن الرحيم
الشيخ عضيب بن موعد من الحريره من شمر
رجل اشتهر بالفروسيه والوسامه والتدين رحمه الله
يقولون مره كان متطرف عن ربعوه ونازل لحالوه وزوجتوه حامل يوم جاء اكاليوم وهو يركب فرسوه
ويقوم يتمشى عند الحلال وهو يجيه الراعي قال ياعمي ابشرك
قال عضيب خير انشالله قال الراعي مرتك جابت بنت وفرسك الفلانيه جابت مهره وناقتك الفلانيه جابت بكره قال عضيب الله يبشرك بالخير
نكس للبيت ويشب ناروه يوم جاء حول هالصفره "المغرب" هو يجيه اكالرجل طرقي
قال ياعضيب لاتسوي شي انا رجلٍ ماشي مار ابي اعلمك وانا بالطريق واجهت لي سربه والظاهر وجهه يمك مار كانك تطيع الشور لاتصبح بهذا ترهم يبون يصبّحونك
الوكاد وهو يسري عضيب وطول ليلوه يمشي يوم اصبحو وطب مع اكالنقره يامار هو وياهم وجه بوجه
يامار هالسربه اللي تناقل خيله وسلاحه
يامار مايدري وش يعمل قال انا مالي الا اني اطلب الفزوع وغديني القى من شمر حولي احد
وافزعوه وهو يقلب مع اثره يوم ابعد قال هاللحين وليه مارجع واخذ مرتي وبنتي والحلال بكيفوه
يوم رجع يامار مرتوه مفرعه وتشوشح مغشاته وهي تقوم تنخاوه
عضيب يارجالي
[poem=font="Simplified Arabic,4,white,bold,normal" bkcolor="transparent" bkimage="" border="double,medium,gray" type=1 line=0 align=center use=ex num="0,black"]
عضيب ياشوق الفتاه=عضيب ياحماي الجرير[/poem]
قال عضيب ياملا فرقى العين وهو يصلقه عليهم وهم يتطاردون وينصروه الله عليهم ويكسر السربه
"وقديما كان الرجل ياصار شجاع وداهيه وتحته فرسٍ طيبه اللي يامنه ردة ماترد ويانكفت ماتلحق
يكسر لوه عرب والامثله على ذلك كثيره منه ضيدان التمياط يوم هو يكسر 15فارس من مطير لحالوه كذلك ندا بن نهير كسر سربه من مطير وحده على الجال لحالوه وغيروه "
وكذلك يقولون ان عضيب نوى يحج وعضيب منزله شمال يوم جاء عند حايل
وهو يمر ابن رشيد يي يسلم عليه ""بالضبط لااعرف من من الرشيد اللي عاصر عضيب""
الوكاد يامار بن رشيد يسمع بوه ولاعمروه شافوه
يوم شافوه قال بن رشيد الوكاد ياعضيب انك شبعان من ثنتين قال عضيب
وشن ياطويل العمر قال بن رشيد طرد البنات وذبح الرجال _لان عضيب رجل فارس ووسيم_
قال عضيب اما البنات ياطويل العمر اذكر جتن وحده وانا بفراشي تعرض نفسه علي
وانا اقوم وافشله قلت انتي بنت حموله وبنت رجال ولاهي لك هالسوالف المهم افتشلت وراحت
يوم جاء الليلة الثانيه يامار هذه جايه وانا اقوم افشله مره ثانيه يامار مانفع به
وانا اضربه بلي عصا عندي وهي تروح وانا اقوم واصلي ركعتين
اما ذبح الرجال والله اني ماضرب الا اللي مناطحن واللي مقفي ماقول وين انت رايح
المهم يوم اكرموه بن رشيد وهو يمشي لمكه
قال بن رشيد شفتوه عضيب والله مايرجع من حجوه قالو الرجال ليه ياطويل العمر
قال بن رشيد عضيب ملك والملك ياحج مارجع_ولايقصد هنا ملك بمعنى ملك ولكن صفاتوه
فروسيتوه وهيبتوه كانوه ملك_
ويقال ان عضيب بالفعل مارجع من اكا الحج توفي هناك الله يرحمه
هذا اللي قدرنا الله عليه عساه جازت لكم انشالله
رد مع اقتباس
المفضلات