{ ساعدوني لو سمحتوي ياالنشامى }

[عطرالشمال]

السلام عليكم ورحمة الله وبركاته

اخواني واخواتي الكرام

اعرف انكم نشامى وشقرديه

ودائما تفزعون للي ينخاكم

لو سمحتوا ابي قصيدة سامرية ( الذيب يايمه عوى يابعد حيي )

عندي السامريه بس ابيها مقروءه لانني احيانن مادري وش

يقولون وهم يعرضون السامريه

بس بشرط ابيها كامله عندي السامريه ثنتين وحده قصيره ووحده طويله شوي


الله يخليكم لا تخذلوني


اختـــكم

عطــر الشمال

[المطنوخ]

اسدحي الطويله والقصيره ياما يفرجه ربتس


والله انها مارتن علي مير اصبري ياما يجي ابوفيصل يمكن يذكرن به


اسمحي لي على هالمداخله الدفشه

[راعي الوقيد]

لو سمحتوا ابي قصيدة سامرية ( الذيب يايمه عوى يابعد حيي )

عندي السامريه بس ابيها مقروءه لانني احيانن مادري وش

يقولون وهم يعرضون السامريه

هذي السامرية مسموعة

الذيب يايمه عوا

وهذي هي مقرؤة

[poem=font="Simplified Arabic,5,white,bold,normal" bkcolor="black" bkimage="" border="none,medium,gray" type=2 line=0 align=center use=ex num="0,black"]
الذيب يايمه عوا ،، يابعدحيي = واصبحت اجاوبه العوا ،، لعنبو حيه

ادري من الجوع التوا ،، يابعدحيي =والا تذكر له خوي ،، لعنبو حيه

وش حيلة القلب انشوا ،، يابعدحيي = فرقاه تشويني شوي ،، لعنبو حيه

القلب يصفق بالهوا ،، يابعدحيي=وانا لحبه ملتوي ،، لعنبو حيه

ياليت يوم انه قوا ،، يابعدحيي=تذكر اللي ما قوي ،، لعنبو حيه

دليت اجاوبه العوا ،، يابعدحيي=ذيب تذكر له خوي ،، لعنبو حيه[/poem]

والمعذرة على التأخير

هااااهـ يالمطنوخ ما تذكرته

تحيتي وسلاااااااااااامي ...

[المطنوخ]

اي تسيف
ويوم بغيت اقوله وانت تبثه قبلي

[عطرالشمال]

اخوي الكريم المطنوح

اشكرك على مرورك

تقبل تحيتي


اختك


عطرالشمال

[عطرالشمال]

هلا وغلا

اخوي الكريم والنشمي

راعي الوقيـد

اشكرك من كل قلبي

وكلمة شكر لا توفيك حقك

الله يسعدك ويوفقك

يالنشمي ماقصرت الله يعطيك العافيه


تقبل تحيتي

اختـك

عطر الشمال

[عطرالشمال]

[align=center]اخوي الغالي

راعي الوقيد

فيه ناس يقولون ان الذيب يايمه عوا

له عدة كتابات هل صحيح


يعني يقولون الذيب يايمه عوا ....بعدين مادري وش يقولون يطرون الجبل

وماادري وشو

تحياااتي

[/align]

[أبو روز]

الذيب يا يمه عوا بالجبل مرباه
قصدك كذا يا غالي
هناك عدة كلمات لهذه القصيده وفيه ناس يغيرون في كلماتها لكني اوعدك بها ان شاء الله

[سعد الشمرى]

عزاللة سامرية طيبة ونعم بالى قايلة ولى اذكرة ولى اكتبة والى نشرة واذا بوة مسموعة وديى بة

[راعي الوقيد]

[align=center]السلام عليكم والرحمة

هذي الرواية الثانية للقصيدة وهي قصيدة اخرى تختلف عن الاولى


[poem=font="MS Sans Serif,5,white,bold,normal" bkcolor="darkblue" bkimage="" border="none,4,gray" type=0 line=0 align=center use=ex num="0,black"]
الـذيـب يـايـمـه عـــوا=والــجــبــل مـــربـــاه
شبـعـان يـمـه ويـعـوي=مــــدري وش نــوحــه
خلي علـى الفرقـا نـوا=والــجــبــل مـــربـــاه
اللي كـوى قلبـي كـوي=مــــدري وش نــوحــه
شـوفــه لـخـفَّـاقـي دوا=والــجــبــل مـــربـــاه
قلبـي يضيـق ويلـتـوي=مــــدري وش نــوحــه
جينـا نبـي نلعـب سـوا=والــجــبــل مـــربـــاه
أبيـه بالملـعـب خــوي=مــــدري وش نــوحــه
يقـول لـي مـالـك لــوا=والــجــبــل مـــربـــاه
وانـا بعـون الله قــوي=مــــدري وش نــوحــه
حبـل المـوده ماانـطـوا=والــجــبــل مـــربـــاه
واشوف خلـي منطـوي=مــــدري وش نــوحــه
عوده من الزين ارتوى=والــجــبــل مـــربـــاه
ضبيٍ وبه عرق بـدوي=مــــدري وش نــوحــه [/poem]

لكم التحية

والسلاااااااام ...[/align]