اعجبتن شفته بقناة الزوراء العراقية
هذهـ القناة التي تجد فيها كل ما يتعلق بالموروثات الشعبية ،،،
لكن للأسف ما يحضرني اسم الشاعــــر
عسى تعجبكم !!
[poem=font="Simplified Arabic,5,white,bold,normal" bkcolor="black" bkimage="" border="none,medium,gray" type=1 line=0 align=center use=ex num="0,black"]
يالله يالمطلوب تستر عيوبنا =عند اخويانا وربعنا واصدقانا
وتكفينا شر من لا يودنا=الين تقفي عن دياره خطانا
ياساتر الخلات عن كل ماخفا=اطلبك يالمعبود تسدد خطانا
وعسانا بالمجد رمز من الوفا=من شان يذكر عند جيل ورانا
وتجعل لنا حظ الى جا ذكرنا=عند الرجال الطيبين الذهانا
لعلهم كان ذكرونى بهرجهم=يصيرلي بين النشاما مكانا
وان دار هرج بين ذولا وذولا=عسى لنا بالمجد ناقف عسانا
وعساني اخذ متهمي من مديحهم=بالطيب بين الملا واخويانا
لى صار حنا من بدينا وكنا=محد شكانا ولاشكونا قصرانا
وردها من يعرف السر عنا=للي عرف من وين مقطع صفانا
والا الذى يجهلنا مايهمنا=لو قال بالخفا اكثر ما شقانا
والرجل دايم له محب ومبغظ=وهذى امور كلها ما تخفانا
ومن لاعرف معدنك مـايثمنك=لو كان تنزل بالطويل البيانا
ومدح بليا فعل يعيب صاحبه=ومن لامـدحوه الناس ماله مكانا
وحنا نجازي كل شخص بطيبنا=واذا تردا ما رفعنا عصانا
وخوينا محسوب منا وفينا=وهذا دليل من دلايل وفانا
الى حس ميلات الزمان واشتكا=محسوب عضو مقطعه من عضانا
وله منزله بشامخ الود والعلا=ونستر عيوبه عن عيون قبلانا
وقصيرنا معزوز من فوق روسنا=سلم لهلنا درسوه حفدانا
ولاناخذ العقّيل في جاهل العرب=ولا نبغض الغالين لجل جهلانا
ومن لا يبين حزة الضيق موقفه=وقت الرخا كل شطير اللسانا
ومن لا يتحمل حزة الضيق صاحبه=يبقا وحيد في زمانه يهانا
ومن لا يحسب للامور وعواقبه=لو كان صعب الراس يرجع ليانا
ومن عارض القالات بالسيف العوج=خطر عليه من السيوف المتانا
ومن لايحكــم العقل من قبل يبتدي=بتاليه يصعب عليه المثانا
ومن طارد الشدات يبلش ويبتلي=والملح والجمر الغضا ما يتدانا
وصبر الفتى في الضيق يرفع بقيمته=ويرفع قدره عن الهيال الطمانا
لاشك نفسيات ناس علينا=ماينعرف وش قصدهـــا من ورانا
ولا همنى من يشعل النار بالحطب=لو شب ناره مالحق مستوانا
لاشك بعض الناس ماقول كلهم=صديق لكنه يحد اللسانا
هذا وانا والله ما أقبل العيا =خص الى من الغشيم ابتلانا
نعطيه علم يقنعه كان يقتنع =وان ماقتنع سلم العرب في ندانا
نقول جرب والتجاريب غامضة=اما نجحت او ذقت دورة رحانا
واقول له مثل ماقال عنتر لصاحبه=عقب الثلاثة يستعد لى لقانا
وهذا وكثر الهرج مافيه فايدة=وعسى الولي من كل شر يحمانا [/poem]
وسلامتكم
رد مع اقتباس
المفضلات