اه لـو قـلــــت اه
السلام عليكم ورحمة الله وبركاته
اه ياقلب ٍ يحده مـن زمانـه حـادي
واه ياكبد ٍ تجـرع مرهـا ملـهـوده
واه ياضرم على كفـي وعنـد زنـادي
اقتبس صوان ذاته من جبـال السـوده
مادريت اني بوادي واصدقـاى بـوادي
لين بانت لي ملامح من سكن برمـوده
في صلاح النيه امشي والمسيد وسادي
والصدا كلمه وكلمه صوتهـا مـردوده
كل ماهزت كياني قلـت شـى عـادي
ياحلو كاس العشارق يوم ذعذع نـوده
الرحى دارت وحارت والحياه جهـادي
والرجوله عند اهلهـا غايـة منشـوده
كل شاعر للقوافي يـوم صـاح ينـادي
بالجدايل تلعب الخفره وهـي مصيـوده
الحرار تصيد شـي نـوب ماينصـادي
والهدان ان دان حاله قاصر ٍ مـاروده
لو يتيه شوي عنها قيل يمكـن غـادي
لو حلف واقسم على انه مايخون عهوده
جمرتين ٍ في نحرها والحكـم جـلادي
ماتسر اللـي لقاهـا حجتـه وشهـوده
كحيلان اعتزابـه ليلـه المنقـادي
والمشاعر ترجمت لـه وده ومقصـوده
واه لوقلت اه واكثر زاد بـي عنـادي
مايكف عناد مثلي غير نصـب الحـوده
تقبلوا فائق احترامي وتقديري لكم
دمتم بالف خير
رد مع اقتباس
المفضلات