سيداتي انساتي ساداتي واخواني وخيواتي
السلام عليكم ورحمة الله وبركاته
اليكم هذا النقل للمباراة الكبيره بين فريق المخاوي وفريق الاصيل
فريق المخاوي يتكون من 10 لاعبين وهم :
المخاوي ، الشبث ، ابو غازي ، شنقل ، راعي الطيب ، المطنوخ ، الحنشل ، ابو مرشد
والباقين مالهم سمات واضحه بالمباراة وواحد منهم مطرود من المباراة السابقه وانحرم
هالمباراة
وفريق الاصيل يتكون من 11 وبعضهم غايب لظروف تداوليه وهم :
ابو ثووب (بس هالمره لعب بلبس رياضه) ، عبدالعزيز ، المحروم ، قطراوي،
راعي الردميه ، الزقروطي ، ابو خليف
بدأت المباراة والكوره الان مع الشبث
ويتقدم على الجهه اليمنى من الملعب ويفتح لوه ابو غازي ويقول ناول احسن لك يا شبوث
ويجي شنقل ويقول لشبوث لا تعطيه للشايب ابو غازي عطن اياه
وهو يزعل ابو غازي وهو يطلع من الملعب وهو يجيب المخطر ويلحق شنقل
وهو يوقف المباراة الحكم طائي الجبل ولايزال ابو غازي يكحت شنقل هو و الهيلاهوب الاصفر
اويحي عز الله راحوا العيال وهو يفزع راعي الطيب يبي يفك شنقل احتراماً للعشره اللي بينهم
وهو يزعل عليه ابو غازي وهو يلذعوه بالركبه وعلى الورتس تقل وسم خلفه
وهو يجي الفريق الطبي فزاع بقيادة اخو سعدى وجايب جهاز الاشعه معوه لوسط الملعب
وهو يزعل عليه ابو غازي ويقول لوه انت وش جايبك انا عجزت اقضب اخوك شنقلوه
تعال انت وخذه بدالوه
عاد اخو سعدى ما من لياقه وهو ينحاش وهو يشوتوه ابو غازي بالمخطر وهو ينشب بركبة المحروم
وهي تزعل العروس عاد كانت حاظرة و بين الجمهور على ابو غازي وهم على ابواب العرس
الوكاد يالربع جا المخاوي يبي يفزع ويفكهم
وهو يجي الحكم ويطرد ابو غازي بكرت احمر
المهم استانفت المباراة وهي تصير هجمه مرتده على فريق المخاوي وقائد الهجمه راعي الردميه
يوم صار قدام الحارس راعي الطيب وهو يرفع رجلوه يبي يسدد مثل رفعة كابتن ماجد
(يصير زاويه قائمه) المهم وهو يصير يرجف راعي الطيب وهو يغمض عويناتوه
يوم شاته راعي الردميه ايه تخبرون بدوي ومتعافي ابو طفله وهي تجي مثل النار
والشرار وراه تقل عجه
وهي ترن راعي الطيب بالوجه يمار الزقروطي يموه وهو عقب الضربه يقضب الزقروطي وهو
يقول ابشركم قضبت الكوره عاد راعي الردميه ما صدق كورتوه يقضبه هالدفش الحارس
يوم راحت العجه ويراعون الا هو ماسكن الزقروطي مع راسوه الا و الزقروطي من صيد امس
الا يا دافع البلا يوم راعو لوجه راعي الطيب الا عيونوه تدمع تقل طماط ضاربتوه الشمس
الوكاد استانف اللعب والكوره هالحين مع شنقل هو و الاهيلاهوب الاصفر وهو يحط رجلوه
على مرمى مناكد عاد مناكد ماشاء الله طويل وراسوه متعدي العارضه من فوق
المهم وهو يمسك الجناح الايمن ويعدي من الاصيل
وهو يشقلوه بشكل مقصي وهو يصفر الحكم
الاصيل : خير يا حكم ما سويت شي
قال الحكم : ليش منت لابس الله يكرمكم دلاقيات اطلع برا كرت احمر
وهو يزعل وهو يفك الشارة الكبتنيه وهو يعطيه لابو خليف ايه المهم شات الفاول المطنوخ
وهو يشوته حما حيلوه وهي تطلع برا وهو يجيه الحنشل ليش يا طنخان سويت كذا
قال بغيت ابنط بالكوره بزاوية 90 قال ليتك حركته شوي شوي ولا قطيته كذا
المهم الكوره مع عزوز
وهو يفتح البخاخ وهو يدعس يم راعي الطيب وهو ينطحوه ابو مرشد ايه يا عزوز
ابو مرشد : مالك فكه مني ما خذه منك ماخذه
قال عزوز : ما تاخذ الا رضمه (مع احترامي لابو مرشد لا يزعل)
قال ابو مرشد : هين نشوف وهم يتحاورون ويتراوغون ويقعدون الين غابت الشمس
يوم صاروا يلهثون وهو يجي عوينات السروق(احتياط مع المخاوي) وهو ياخذه من قدام
عزوز وهو يقضب هذي --------> يم مناكد اويحك يا مناكد
المهم وهو يشوته وهي تدخل كوبري بمناكد قوووووووووووووووووووووووووووووول
وهو يقوم يناطط ويرقص ويسوي مثل هذولاك اللي يشيلون ويحطون تقل يهزون لهم وغدان
ويجي الشبث ويوقف بصفوه وهو يجي المخاوي ويقول لهم يالله شباب بسرعه خلونا نحافظ
على هالهدف خلونا نرجع كلنا دفاع (خافوا من عزوز لانوه توعدهم بزعل هو وابو خليف)
عاد ابو خليف ما تقل بمباراة وكابتن يتمشى وياكل فستق ويقول الا وا حلولات عصير الليمون
ودلة القهوة المهم نعود للمباراة ويسنتر قطراوي عاد قطراوي اليوم غايب عن المبارة ليش ؟؟؟؟
المهم وهو يشوته لابو خليف وهو يجي ابو خليف ويقول لقطراوي هو انت اليا شفتن
مو فاضي تعطينياه ليش وهو يتحاما لوه وهو يشوتوه بالكرشه وهو يطيح قطراوي يمار
هو من صيد اول امس وهو يجي عزوز من زود الروح الرياضيه وهو يشوت الكوره برا
المهم صفر الحكم نهاية المباراة بفوز فريق المخاوي 1/0 على فريق ابو ثووب
يا بعد حيي ابو ثووب جلس بوسط الملعب وهو يجيه ابو الشناقل من زود الروح الوطنيه
وهو يفسخ فنيلتوه وهو يعطيه لابو ثووب قال ابو ثووب : فنيلتي عليه دم من ضربتك اللي مشوين
وماني معطيك اياه مير هين وعدك بالنادي بكرا اذا ما جيتك بابو جلنبوا هين انا اوريك
وهو يجي الشبث بفرحة الفوز وهو ياخذ من فنايلوه وهو يقط على الجمهور خوذوا
يوم شافوه عزوز من القهر قال شبوث خذ فنايلك ودهن لمغسلة ابو خليف لا والله اجمعهن
واحرق بهن
المهم وهم يجتمعون وبفرحة الفوز وهم يشيلون المحروم وابو عوينات السروق يما
انفضخت قلوبهم
والى اللقا مع سالفتن جديده من سوالف ابو طفله
اعتذر عن بعض الكتابات للاخوان الاعزاء
الف شكر لكم واتمنى ان هالمشاركه تعجبكم
رد مع اقتباس
المفضلات