السلام عليكم ورحمة الله وبركاته
اعتقد ان هالموضوع ماهو جديدعليكم لكن الغرض منه ابراز ماللنساء من ادوار ((في الشعر)) .المرأه كانت له مكانته ودوره المهم بإستنهاض الرجال بالغزو وله دور مهم بالاشاره على الرجل كما لها دور مهم بتربيته الاولاد والاهتمام بالبيت ............الخ
وسوف اقوم بعرض بعض اغراض الشعر وما للمرأه من اسهام فيه مع التأكيد ان الاغراض كثيره وسوف نعرضها على مرحلتين او اكثر
بالمدح
الشاعره عيده التبيناوية من الشريهة من عبدة من شمر كانت في ذلك الوقت تمشي مع خواله الجعفر من عبدة من شمر وخاله هو هذلول بن دوخي العطوني . صار غزو من قبيلة مطير واغارو على قطعو نجعان من الجعفر من شمر واخدو مطير ابل شاعرتنا وانهزموا ولحقو بهم الجعفر وردو الحلال ومن الفرسان الذي ردو الحلال الفارس مشل بن شريان بن عالي من العطون من الجعفر,والذي تمدحه عيده بقوله:
[poem=font="Simplified Arabic,6,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
البـل واهلهـا يفكونـه=لوهم شويـن وجهالـي
جت القلايـع يقودونـه=قامت تسولف ليا التالي
ويمين مشل مايشلونـه=عاشت يمينك ياابن عالي
كسابة المـدح ينخونـه=وعدُا عنه حامي التالي
ماهاب اللي حولو دونه=يوم ٍ به الرمي شعالـي [/poem]
في الرثاء
وهذه شاعره من الاسلم من شمر تترثي اخاها بعد مقتله بأحد الغزوات ايام حكم ابن رشيد :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
أمس الضحى عديت روس النوازي=يومي بي الذاري بروس المياهيف
عزاك يا برقٍ سرى باعتـزازي=عزك على خيان مدهج مطر صيف
يا خوي يا عايق عنود الجوازي=يا مدله الجيران ريف المناكيـــف
يفز ؛ قلبي قل ما قلت عــازي=لا شفت عقبه واحدٍ ينقل السيف
واهمي اللي بين الأضلاع لازي=يا قيل هذا مذخـره والتطاريف
وما أنساه ؛ لين (الهجن) تنسىالمغازي=وابن رشيدٍ بالعصى يطْرد الضيف
وإلا الرعيلـة يصْنعونه غوازي=وصوتٍ بسلمى يسمعونه هل السيف
[/poem]
بالتوجد
وهذي الشاعره كنه الرمالية من قبيلة شمر تتوجد على ربعه الرمالات من شمر :
[poem=font="Simplified Arabic,6,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الغوش ما احلى محازمهم=وا حلو غوش الرمـالات
يا زين صفـة ركايبهـم=من كـل ريـع مويقـات
يـا طيـر بالله سايلهـم=من حي منهم ومن مـات
سايل وجب لي علايمهـم=هو ما لهم بنجـد لفتـات
العـام هـذي منازلهـم=واليـوم يـم الحويطـات[/poem]
بالنخوه
وهذي وحيشه المشلحيه من شمر تنخى العقيد فايز بن هذيل من فريّس وامراء العمود من قبيلة شمر :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
قالت وحيشه ياملا وليه ما شيب = الشيب انا أشوفه على قذلتي لاح
يا غيبت ابن هذيل يا غيبت الذيب=ياعقاب مرقابٍ على مذرفه راح
ياراكبٍ حمرا تجيبه تحاضيب = تجدع يديها بالخلا تقل زناح
حمرا هميماً من خير المناجيب = اكواعها عن لمسة الزر طفاح
حمرا لينيشه بروس العراقيب =اسرع من الشيهان لاشاف ملواح
ركابها من عزوتي منقع الطيب=ضد الحريب ليا صاح با لنزل صياح
أربع ليال صدق ماهي تكاذيب =تلفي على إبن هذيل كساب الامداح
قل يبكيك سقفٍ يا ذعار الاجانيب = يضوي عليه من الشعب كل مصلاح
جانا ضعنهم مع دبشهم جناديب =صار الخطاء منهم علينا بالارواح
عجل علينا يا حصان الأطاليب = يلي مركابك على الخيل مسراح
من خشم عرنان للريع تقريب = حامينها العصلان في عنط الارماح [/poem]
اتمنى انه اعجبكم الموضوع وباقي اغراض الشعر بالجزء الثاني ان شاء الله
رد مع اقتباس
المفضلات