اخواني واخواتي الاعزاء
السلام عليكم ورحمة الله وبركاته
لما يجي زائر للمنتدى ويمر على عدد الاعضاء ويلقاه ماشاء الله والله يزيدهم كبير
وبنفسوه يمر على الصفحات وبكل المضايف ويتنقل من مضيف للثاني
يلقى النشيطين بالايام هذي ما يتعدون الخمسين او اقل
يسال نفسوه يقول معقوله انوه لهالدرجه الناس يشتركون ويتركون المنتدى او المضايف
طيب وش يلقون احسن من هالمضايف وليش تركوه اعضائه
اجل انا ماني مشترك او يجي واحد مدعو من شخص اخر ويشترك ترضيه لوه وبعده
شفتك ولا شفتوه 0
يكتب لوه كم موضوع واليا ما رد عليه غير واحد او اثنين يطلع
لا هذا غلط من الاعضاء ومن الكاتب الاعضاء ياخي رد او اقرا لو ترضيه انا متاكد ان بعض الشعراء يوم
يكتب ان بعض الاعضاء يرد بصح لسانك وهو ما قراء القصيده
و بعضهم يرد على قصه او موضوع بخوش سالفه وما قصرت او يعطيك العافيه او جزاك الله خير او لا
هنت 0
معقوله ان المشرف العام على المنتدى تاركهم ولا يسال عنهم وخاصه كتاب متميزيين وقديمين
امثال الغثه وابو غازي وابو مرزوق و ابو مشاري و الشمري محمد فهد وفيصل اللويش
وخلف الرويتع و مفتاح 14 ... و .... و... ووغيرهم كثير يعني لو بغيت اطلب من ابو سلطان
طلب ولا هو امر انوه يراسلهم باسم جميع الاعضاء ويطلبهم يرجعون واي واحد من الاخوان
اللي يعرف عنهم
اي شي يبلغنا او يبلغهم انهم يرجعون والمضايف ما تهم ابو سلطان لحالوه تهمنا
جميعا وحنا تعرفنا على اقلام وعلى كتاب وعلى اشخاص يندر وجودهم بهالوقت
حتى الاشخاص اللي يدخلون ويتخفون يقرون ويطلعون يعني انت مشترك شلون يعني
اليا لقيت اسمك بموضوع تهنئه او ترحيب تدخل وتشارك لا اللي نبيه انك تجي كلك وتشارك بيننا
حتى وجودك قارئ ما نبيه
انا ما اقول هالكلام علشان الاعضاء يردون على موضوعي وبس
لا علشان نحس اننا وزي ما عرفنا بعض بهالمضايف اننا اخوان ويد وحده حتى اللي يجي من
الزوار ويشوفنا كلنا موجودين يتحمس ويشارك المشرفين والاداريين يشاركون الاعضاء العاديين
بارائهم واقتراحاتهم حتى انوه فيه بعض الاعضاء يكونون حاقدين او ما هو حقد بس سوء تفاهم
على بعض بينهم
طيب يا اخي او يا اختي اللي بينكم ما يمنع انك تدخل وتشارك يعني ردك واحد تحكم على البقيه
انهم كلهم ولا شي ولا يملون عينك
انا ما اقول هالكلام الا من اللي اشوفوه انوه الواحد يكتب ويقعد فتره ثمن يختفي
او يطالب بشطب عضويته ليش؟؟؟؟
والله يحز بنفسي اني اليا شفت موضوع وداعا او مع السلامه مكتوب للاخوان
ما فيه احد معصوم من الزلل او من الغلطه واللي بوه خير هو اللي يكبر عقلوه وما يشيل الصغيره
على رفيدزوه
من هالمكان اطالب الاخوان اللي هنا بكلامي واتمنى من الاخ شنقل انوه يثبت هالموضوع ومن
جميع المشرفين انهم يحطون نسخه من هالموضوع بمضايفهم
اذا شفت اقبال وما فيه مانع من نقل هالموضوع الى جميع المضايف انا بنفسي
انشروه
ملاحظه اول شي اسف على الاطاله
وثاني شي الموضوع لاهو منقول من منتدى ثاني ولا شي انا اللي كتبتوه واتمنى انكم
ما تقولون انوه واحد موديني اكتب هالكلام
لا والله هالكلام من حبي للقرايه وحبي لتفتيش ماضي الصفحات
ولكم ارق التحيات واطيبها
اخوكم المخلص / ابو طفله
رد مع اقتباس
جميع من ذكرت لدي وسيله اتصال مع اغلبهم وسبق وان تم التحدث معهم واعلم ظروف انقطاعهم عن النت او قلّه دخولهم عن النت بشكل عااام والبعض تتم مراسلته او سؤال بعض الاعضاء الذي تربطه صداقه بهم .. ، وكلّي ثقه بأن متى مادخلوا للنت سوف نرى حضورهم بيننا ، ماعدا ابو غازي .. فهو غير منقطع وهو من ركائز المضايف حفظه الله ولا اعلم سبب ادراجه من ضمنهم ؟؟؟؟ ، الوحيد الذي فعلا لا توجد لدي وسيله اتصال سواء هاتفيه او مراسله هو اخي القلب العاصف ( محمد فهد الشمري ) وعسى المانع خير من انقطاعه عنّا
المفضلات