السلام عليكم ورحمة الله وبركاته
يقولون ان من افضل القصيد اللي يكون عن شي ماتنوله او طالع عن ضيم حمانا الله واياكم منه وفيه مثلين الاول لكنعان الطيار وتوجده على مرته واللي مااستطاع انه يرجعه والثانيه محدى الهبداني زابنن على ابوخوذه وظايمينه ربعه عنزه
هذه قصيده الشيخ كنعان الطيار من مشائخ قبيلة عنزه يتوجد على مرته اللي تركته وعادت الى اهله وهي من شمر وكنعان لم يستطع رؤيتها بسبب الخوف من ابناء قبيله شمر يقول كنعان رحمة الله عليه :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يـــاراكـب من فـوق حـــر مشـذر = مادنـق الرقـاع يـرقع ارهـوقه
امة لـــفتـــــنا مـن عـما اتــــذكـر = وابوه تـــيـهي تـعـدد عــمـوقـه
يـشــبه نعام في جــذيـب تحــــدر = والا الـنداوي يوم ترخي سبوقه
ينصي قطين ساكنــيـن بالاجـــفر = تــلقى عشـيـري كنه البدر فوقه
ابو قرون كـــنهن ذيــــل الاشــقر = ريح الخضيري والعنابر نشوقه
لاوا عشـــيـري حال دونه مسطر =عـيال شــمـر هم حـماته وشوقه
حامين من سلمى الى حــد الاقور = مــحـرمـــيـن ضـدهــم مايـذوقه
وجدي عليها وجد مطعون الابهر = اقفى يجر مسـنجد مـن عـروقــه[/poem]
وهذي قصيده الشاعر محدى الهبداني رحمه الله وهو من شعار قبيلة عنزه بالشيخ الفارس عبدالكريم الجربا شيخ شمل قبائل شمر رحمه الله:
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالله يا خلاق صبح بثر ليـــــــــــل=باذنك عسى تسمع لعبدك سوالـــه
تفرع لمضهود وطا راسه الشيـــل=ما بين كاف ونون تنعش حوالــــه
يا دارنا عفناك من زايد الميـــــــــل=عيفة عديم شاف نقص الجلالــــــه
يا دار يا دار الخطا والتهاويــــــــل=حقك لمقلول الرفاقة نوالـــــــــــــه
يا دار ما يسكن بك الا قوي حيــــل=يقضي لحاجاته بسيفه لحالــــــــــه
يا ربعنا هيا نوينا المحاويــــــــــــل=نروح عن دار العيا والضلالــــــــه
سموا وطيعوني على الزمل ونشيل=لعبدالكريم اللي تذكر فعالـــــــــــــه
للشيخ نطاح الوجيه المقابيــــــــــل=ومن صكته غبر الليالي عنالـــــــه
الدار دار وكل دار بها كيـــــــــــــل=والرزق عند اللي عظيم جلالـــه[/poem]
اتمنى انه حالفن الصواب ..ولكم طولة العمر ولهم الرحمه
رد مع اقتباس
المشاركة الأصلية كتبت بواسطة خالد الشمري
المفضلات