المشاركة الأصلية كتبت بواسطة &آخر العنقود&
بسم الله الرحمن الرحيم
السلام عليكم ورحمة الله وبركاته
هذا اول موضوع لي بالمضايف
حتى ما كتبت ترحيب على طول نصيت الفلة مجودة(ن) العلوم لا ينفرطن
الموضوع رح يكون ذكريات طريفه مرينا فيها وللحين في الذاكره
اول موقف:
هالموقف بالصيف كنت بالحرم المكي الشريف كنت لابسه دسوس رجلين(نايلو ويزلقن) من زود الستر
أنا أخو العيال !!!!!
أثريتس بنت !!!!!!!!!!!!!
وأنا كنت هاقي هقوه إنتس ولد !!!!!!!!!!!
يافضيحتك يابوثوب
وحنا طالعين من الجمعه وانا انزل مع الدرج حق الحريم وساع شوي وانا بي لي عجله ليا صرت نازله مع الدرج (الله يصلحن) يمكن باقي خمس درجات وبلمح البصر جبتهن زحف على ظهري
ما وعيت الا انا منعويه بالاستراحه حقت الدرج والحريم يقولون بسم الله عليك وسلامات والمصريات فزعن يقولن شيلي البتاع ده علشان تتنفس وانا بهاللحظه ذابحتن الفشله(احس كل اللي بالحرم حتى السديس وابن طالب يدرون انه انا اللي طاحت)
أهم شي .. عسى الكامرات ماصورنتس ؟؟
على الهوا مباشره ينقلون صلاة الجمعه !!!!!
ابي اهرب بس قلت لا لا ما بي شين اول مره تشوفون وحده تطيح وانا اكمل مشواري وانا بنص الدرج الثاني وهي تندغن هكالمره قالت ارفعي عباتك ترا هي اللي طيحتك (يالله لهاللحين يدرون انه انا اللي طاحت) قلت طيب وانا احط رجلي و اهج ويوم وصلت الشقه واتفقد الاصابات الا كوعي انزلط وظهري انملع والى هالحين وانا احس بالفشله
القراده ياخيه ....
يقول إدوارد شلودر : خبطه تفوت ولا حد يموت
وفيه مره بالكليه طحت بالدرج بعد بس الناس بالمحاظرات وش تتوقعون سويت؟؟؟؟
قمزت
واتلفت فيه احد شافن؟؟؟!!
الامافيه احد شافن(الله ساترك وشوله تفضحين روحك؟؟)
ياخاله ... إنتي الظاهر تحبين هواية التزلج !!!!
كل مواضيعتس يومنتس وقعتي ...
أظن إن عندتس ماجستير في الوقوع على الدرج !!!!
وفيه مره من المرارير ()تخانقت انا وأخيي اللي اكبرمني على طول(طردا)يبيني اكوي ثوبه وانا اعيي وهي تقوم داحس والغبراء قال هين يام اربع عيون قلت الخلا بس الخلا
ويوم جاء من بكرا وحنا نقوم الصبح وكلن على مدرسته وجت الحصه الاولى وبنص الحصه الثانيه الا الخراشه تدق بالفصل(الخراشه=ساعه المنبه) وكلن يتلفت وانا اتلفت معهم والابلى فتحت افمه الا كل الفصل يراعون لي ويراعون لشنطتي وافتحه المطشيه الا هذي الخراشه واطفيه واعتذر
الحمد لله إنتس ماوقعتي على الدرج !!!
والابلى عصبيه وهي تعطيني درس عن الاهمال وعلى الاداره وتعهد والمهم انتقم قراقوش ؟؟
تخيلوا من بكره الحصه الاولى ابي اطلع كتابي توقعوا وش لقيت حاط هالقراقوش بشنطتي؟؟
؟؟
؟؟
؟؟
مفتاح الغاز
قلت هالحين يقولون هذي إرهابيه تبي تفضخ روسنا امس ساعه علشان التوقيت واليوم السلاح والهجوم.........
واركض انا وخوياتي
ونحطه بالدريشه ويوم جت الطلعه وانكس وآخذ مفتاح غازنا ويوم رحت للبيت وانتظر قراقوش وعلى مادخل لينا لوه بالجبهه بس بالمخده مهوبالمفتاح واعلم عليه الحكومه وهم يقولون لي تستاهلين ليه ماكويتي ثوبه امس؟؟ وانا ادندنه خليليه (سلاح الحريم
)
هالسلاح .. لازم يكون ضمن الأسلحه المحظوره في الشرق الأوسط
قلت حلولات من هابدته بالمفتاح بدال المخده دام اني ماني واصلتن لاحوض ولاروض
ومن ذاك اليوم وانا افتش شنطتي قبل اروح للمدرسه
وعلى قولتكم ::جيتكم عنهم مدري عنهم وهذا طوووووووووووول عرفي
وهذي اول مشاركه لا تفشلوني ردو وشدو من أزري وانقدوني ""
أختكم (آخر العنقود
)يعني القعده
هههههههههههههههههه
قود بايات
رد مع اقتباس
المفضلات