( شبّاك المواعيد ) / الا الحفر ......!!!
أحبتي هنا
كل عام والجميع بخير
الا الحفر
لحفر الباطن
و وحشة المكان
وذكرى حبّ باقيه
قصّة لم يكتب لها ان تدم طويلاً
ولكنها مازالت تنبض هنا
كانت ( نوره ) بطلتها الوحيده
و ..
شبّاك المواعيد
شاهدها الوحيد
قصيدة الحفر
ستكون ضمن ( احساس قلبين )
الذي سيرى النور قريباً جداً
.
.
.
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ترك الحفر ماكان يطري على البال=وماكنت أفكّر يوم ماشوف نوره
لين ذرفت دمعه وشفت الكحل سال=وقالتلي / وقّف والزمن حان دوره
ياما بنينا للهوى صروح وآمال=وأنهدّ صرح الحلم وانهدّ سوره
كانت تنوّر ليلتي كنّها هلال=كانت على ماقيل ثروه وثوره
لاجات شبّاك المواعيد يختال=من نشوته لاجات ماهو بطوره
واليوم شفني واقفٍ بين الأطلال=وشبّاكها تشبه أموري أموره
راحوا الرياض وخلوّا الدمع همال=وخلّوني اشكي ظلم وقتي وجوره
حزين في صدري من الحزن موّال=والحزن مشّى خافقي تحت شوره
اذكر زمان أوّل مواعيد و وصال=وليل الغرام تفوح دايم عطوره
ايام كنّا نلتقي مثل الأطفال=ونكره حضور الصبح نكره طيوره
نوب آتخيّل زولها ضمن الأزوال=ويفزّ قلبي كل ماقلت نوره
واللي بقالي حرف بالي وسلسال=ودفتر قصيد وشمعتينٍ وصوره
حتى الحفر من عقبهم صابه اهبال=جالس انوح وهاض مثلي شعوره
نوره تعالي شوفي الحب مازال=الحب باقي مابعد زال نوره
مدري وش أخبارك ولا أدري وش الحال=الفكر سارح وألف طاري يزوره
بنطرك لو تبطين وأن ماحصل فال=يا ظلم وقتك كان أبطى حضوره
عندي أمل وأن كان وقت اللقا طال=بصبر عسى مثلي تكوني صبوره
ودّي تعرف بقصّتي كل الأجيال=الا الحفر أخاف يفقد شعوره[/poem]
شكراً للزمن
وهذا الحزن المتكدّس هنا
رد مع اقتباس
المفضلات