ندا بن نهير ومطير

[فواز الغسلان]

اخوي النجدي زان الحديث معك وحلا وبعد التحيه اقول


لايكون تقصد ان نزول الضفير ببقعاء كان غصب على هله وبحد السيف؟؟؟؟


بريك يقول : تسعين ليله جيرة الشيخ فيصل = كنه ربع يوم مع احب حبيب

فهذا يذكر انها (( جيره ))) ماهي بحد السيف . ولو كانت غصب ماقصد بريك القصايد يتوجد على

رحيلهم مثل قوله : عساك يادارن تلم المرشد = تهل عليك المرزمات الرعايد

على وجه شيخن من شيوخ المرشد = لهم عند ميلات الوهيد العوايد

اللي بنى للضيف بيتن مشيد = واهل الصر مايبنون بيت المجايد

لهم شارتن تهدى الدليل لياغدى = ولميع الضوى لالذ للعين نايد


فهذا الكلام هل يدل على وجود سيف او قوه او حرب بينهم؟؟؟

لذلك ارجوا يااخوي عدم قلب الحقايق وافساد علاقة الصداقه اللي بين فيصل وبريك ووصلت حتى

لاولادهم وقصة عقيل ولد فيصل مع نهيت ولد بريك مشهوره وقصيدة نهيت معروفه...

اما بقعاء وحايل فعلى عز العواجيه وقوتهم مادخلوهن ولادخلهن احد بالقوه لا الضفير ولاغيرهم الى

ان جاء وقت الاخوان عندما اجتمعت ودخل معهم سبع بيارق من شمر وعندها دخلوا حايل في عام

1340 هجريه وهذي حقايق تاريخيه ثابته بالاشعار لدى الجميع وثوب العريه مايكسي واذا عندك شاهد

يدل ان الضفير نزلوا بقعاء غصب على بريك واهله فأرجوا تزويدنا بها للفايده وتقبل تحياتي وشكري

للحوار يالغالي... (( الراوي ))

[النجـدي]

أهلا بك مجدداً أخي فواز ومساك الله بالخير

يعلم الله أني أحب هذي القبيلة (( شمر )) واحب أهل حايل وأحب أرض حايل مع جبالها الشامخه

نرجع إلى حديثا والحديث معك أخي شيق ومثلك نتعلم ونستفيد منه

معروف أن الظفير اثناء نزوحهم سكنوا بقعا مثل مانقول بهالوقت (( ترانزيت)) وصار بينهم وبين الأسعدي موده ومحبه حقيقيه ونعم الرجل ، أما حايل صحيح لم يستطع أحد دخولها بالقوه سوى الأخوان مع المحاولات العواجية التي كادت تاخذها لولا تصدي طيور شلوى وعلى طاري دخول حايل أيام الأخوان يقول واحد منهم والله أن آخر ليله بالحصار أنا كلن قام يشد ركايبه وزهابه الكل يبي يعود لديرته سبحان الله قدر الله ماشاء فعل تفتحت لهم أبواب حايل وشهادة حق أن محمد الطلال عجز الأخوان

هل تعتقد أن لو البيارق السبعه من شمر ماهي الأخوان لم يستطيعوا دخول حايل



وشكرا لك أخي فواز وبارك الله فيك

[altaey]

[align=center]اخي فواز
اشكرك على جهودك المميزة في هذا المنتدى
وللفائدة فقط
اسأل عن اصاب البيارق السبع[/align]

[فواز الغسلان]

اهلا وسهلا اخوي النجدي واشكرك على حسن المحاوره والتمسك بقواعد


الاختلاف وهو مالا يحسنه الا القليل ...


وانا متأكد لولا دخول بيارق شمر السبعه (( نصف شمر )) ماكان اقترب الاخوان من حايل


مجرد اقتراب واكبر دليل وقعة ( الصريف ) الطرفيه اللي اجتمع فيها 16 قبيله وماهزموا شمر


لانها كانت مجتمعه جميع .. هذا بالمقاييس اللي سبقت المعركه والا النصر والهزيمه بيد الله


وليس لها مقياس ثابت يالغالي .. تقبل تحياتي مجددا ,,,


(( الراوي )))

[فواز الغسلان]

اخوي المسير السايل عن البيارق السبعه حياك الله يالغالي



واهل البيارق ذكرهم غريب الشلاقي بقصايده المعروفه واذا ماحصلت عليها اطلبها عن


طريق الخاص وشكرا ...


(( الراوي )))

[ر11عي اللقيه]

اولا مساكم الله بالخير

واحب اقول للاخ الغالي فواز الغسلان ورغم اني لم اتشرف بلقاءك الا ان لك معزه بقلبي وهذا والله ليس

من باب المجامله والله على مااقوله شهيد

واما اخوي الظفيري فقبيلة الظفير قبيله عزيز علينا وهم ابناء عمنا فشمر والظفير من طيء وبينهم محبه واحترام

والرجال تغازى وتذابح وهذا مافيها عيب واما انك تستغرب من ان الظفير تستجير بالشيخ ضاري بن طواله

اخو صلفه فضاري هو خير من يستجار به وهو صاحب نخوه وحميه ومرجله وهذا لاينقص من الظفير اذا استجاروا به

واما قولك ان الظفير يدخلون بقعاء بالغصب فقد ظلمت حظك وانت تعرف ان اهل بقعاء اهل شجاعه ومرجله

ووشمر خاضعت العديد من المعارك ولم تستطع ولله الحمد اي قبيله ان تنتزع اي شبر من اراضينا بالقوه واكبر دليل عقاب وحجاب وغيره من الفرسان الذي ردوهم الطنايا على اعقابهم

ومثل ماذكر اخوي فواز فالاخوان لم يدخلوا حايل الا بعد دخول عدد كبير من شيوخ وفرسان شمر معهم مثل ملبس الجبرين وقتله للاسلم وهم يصلون وكذلك ندا بن نهير وابن هباس والحمزي وابن رمال وعقاب بن عجل

اخذ طليفيح وترك حايل فكل هذه الاسباب ادت الى سقوط حايل ... ومع ذلك فقد قاسى الاخوان في دخول حايل

فالوهب من الاسلم استطاعوا هزيمة سبع بيارق من الاخوان بقيادة ابن جديع الحربي وكذلك العقيد دعسان الهمزاني الذي استطاع قتل احد قادة الاخوان وهو من شمر واعتذر عن ذكر اسمه وكسب خيله عندما كان يقاوم في السبعان والروضه وجنوب حايل كما استطاع دعسان الهمزاني من قتل الهواوي والاتيان به لابن رشيد والهواوي من قادة الاخوان ... وفي النهاية قتل هذا الفاس الشهم وعمره لم يتجاوز 33سنه على يد الاخوان غدرا والذين قتلوه هم شمر .. فنعم لولا انضمام الكثير من شمر للاخوان لما استطاعوا دخول حايل

ونعم فيك اخوي النجدي وفي قبيلة الظفير العريقه ويكفي منكم اسرة الظفير والذي تفتخر فيها ليس الظفير فقط

بل حتى شمر لصلة القاربه التي تربطنا معكم

[خالد الشمري]

يااخوان الموضوع كان عن ندى بن نهيّر وقبيله مطير وكاتب الموضوع هو مشعل الغفيلي جزاه الله خير وارجعه بالسلامه

لكن الاحظ انه انحرف الموضوع الى سب بعض القيادات المعروفه ايام الاخوان وانا اقول
يالربع اللي دخل مع الاخوان وعاونهم كانو من جميع شمر وليس من طرف واحد فألافضل انكم تجنبوهم وهذا هو الافضل عندي وحقهم علينا مثل ماقال محمد عليه افضل الصلاه والسلام ((لاتسبو الاموات فانهم افضو الى ماقدمو )) مع اني غير راضي شخصيا على مشاركتهم جميعا دون استثناء في افواج الاخوان .

لكن ان يتحول الموضوع الى قذف اشخاص معينين هذا الطامه الكبرى فارجو من الجميع ان يحفظ لسانه من اللعن والقذف وان لايكون هالمنتدى اللي جمعنا وشرفّنا بمعرفه امثالكم انه يكون منبرللطعن و للخلاف (وليس الاختلاف) والتنقّص من اشخاص بعينهم .

[فواز الغسلان]

اخوي راع اللقيه رعاك الله وسدد خطاك على ماذكرت من ايضاحات جميله ولي تعقيب بسيط



ان ابن غضبان بن رمال رحمه الله تعالى لم يكن صاحب بيرق مع الاخوان وانما عمل بالبدايه صلح


مع احد قادة الاخوان من شمر فأرسل له غريب يتشره عليه ضمن القصيده اللي مطلعها :



يالله طلبتك ياوسيع المحاريف = فتاح بيبان الضعوف المواخيل


الى قوله :


ياحيف ياغضبان ياحيف ياحيف = تنسون مروين الغلب والشناشيل

وقوله :

وياحيف ياحلفك لزين التخاصيف = وهو حصني مستذيبن بالتهاويل


شم عن ديارن عافها الحيد ومريف = والرزق عند اللي يسوق الهماليل



فلما سمع غضبان القصيده مشى بالرمال لناحية سوريا سبع سنين لين هدى الوضع,,,


لكن اللي يسمع تشره غريب يحسب غضبان راع بيرق مع الاخوان ( قبل سقوط حايل )


((( اخوي العزيز خالد الشمري )))


مدام الحديث يدور في نطاق الادب والاحترام فلا يوجد مانع لقفله حتى لو خرج عن الموضوع طالما


ان النقاش فيه فايده وتوضيح وفي حدود ادب الحوار والرأي الاول والاخير لكم وتقبلوا تحياتي ,,,



((( الراوي )))

[فيصل حمود]

الأخ راعي اللقيه

مجرد توضيح بسيط للتاريخ

ذكر أسم عقاب ابن عجل من ضمن البيارق اللي مع الإخوان وهذا كلام غير صحيح وعار عن الصحه. عقاب أبن عجل كان من المدافعين المستميتين عن حائل حتي سقوطها وقد أصيب في تلك المعركه ولذلك غادر نجد الي الجزيره في العراق الي ان وافاه الأجل هناك.

أرجو الإبتعاد عن ذكر الأسماء واذا كان لابد من ذلك، فالرجاء توخي الدقه في ذلك.

تحياتي

[فواز الغسلان]

الأخ راعي اللقيه

مجرد توضيح بسيط للتاريخ

ذكر أسم عقاب ابن عجل من ضمن البيارق اللي مع الإخوان وهذا كلام غير صحيح وعار عن الصحه. عقاب أبن عجل كان من المدافعين المستميتين عن حائل حتي سقوطها وقد أصيب في تلك المعركه ولذلك غادر نجد الي الجزيره في العراق الي ان وافاه الأجل هناك.

أرجو الإبتعاد عن ذكر الأسماء واذا كان لابد من ذلك، فالرجاء توخي الدقه في ذلك.

تحياتي

شكرا اخوي فيصل للتوضيح وقد ذكرت انا من خلال التعليقات الماضيه


ان الشيخ ابن عجل لم يكن من اصحاب البيارق المذكورين0


تحياتي العطره الراوي00