[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صباحكم \ مساءكم جوع امنيه
بعيداً عن اي دواعي امنيــــه .!!
كانت في مكان ما ( اشناب الاسامي ) واصبحت ( جيش المصير )
هي هنا رغم انها مقيده بسلاسل ارتياب .
صوره مع التحيه الى الرفيق عمرو موسى !!
!
!
!
!
يا صباح الجوع بعيـون الحرامـي = وسط حي مسيلمه وابـن الوزيـر
قبح الله صاحب المجـد العصامـي = ماترك شرهه على بشـت الفقيـر
نزوة البـارود مـازارت منامـي = يومهم حطو علـى جفنـي خفيـر
ياعبيد القوم صرتو لـي عمامـي = من عقب ماني على قومـي اميـر
عن مقـام الـذل عـز الله مقامـي = يالصغير اللي سرق عرش الكبيـر
وياسلام الله علـى هتلـر سلامـي = عد ماجالـه مـن امريكـا نذيـر
مايـرد القـدس تطييـر الحمامـي = لاتصدق سالفـة جيـش المصيـر
امـةِ تسعـى لتطبيـع النعـامـي = اشهد انه من نسـل بنـي النظيـر
لو على يعرب نبي نوكل محامـي = مانوكـل بـوش والقاضـي بليـر
يا يسوع اللندنـي عطنـي مدامـي = واشرب بصحة ندا الامر الاخيـر
غني لي واطرب على رجفة عظامي = صوفر البلبل على صوت الصفيـر
وحدة الموضوع في حرفي امامـي = تشبه اللـي يلعـب بحـد الشطيـر
لاتظن الخوف يثلـم لـي حسامـي = يالجفير ابن الجفيـر ابـن الجفيـر
والله انـي ماتجنـيـت بكـلامـي = مايبيـح المعضلـه كفـر الاجيـر
مايمـل الحمـل يامتنـي سنامـي = لكن القشـه تبـي ظهـر البعيـر
وانت يامهجـة فـؤادي ياغرامـي = رح عسى الله يسعدك خـل الوبيـر
ماتشكل ياهـوى ثلـث اهتمامـي = دام ثلثينـي تبـي جبـر الكسيـر
مايساير مركبـك موجـة غمامـي = ماتبـل الكبـد يالبحـر الغـزيـر
والهوى والجوع واشناب الاسامـي = ماتوكل عيش يالتـرف الصغيـر [/poem]
رد مع اقتباس
المشاركة الأصلية كتبت بواسطة محمد الوبير
المفضلات