شمر هلي

**دامي الجرح** · 03-10-2001 01:39

دنيا غريبه زاد فيها كدرنا
..........@وزاد العنا من وقتنا وبعض الاسباب
والله يلولا المرجله ماصبرنا
......... @ولايحتمل وقــــتً محمــل بالأتعــاب
مع كل هذا بفعلنا ماقصرنا
......... @نفعل ليامن الردي بالــردى خـــاب
ومن باسنا بانضارنا ماأنحدرنا
..........@لو سكرت بوجيهنا كـل الابــواب
ولاهو غريبً فعلنا لاهدرنا
......... @عدونــــــا نسقــيه مًــر وتيـــزاب
حنا ليا منا ضربنا كسرنا
......... @وليـا صحبنـا ز لعيـون الاصحــــاب
ماهو جديدًمن قديم خبرنا
......... @قبيلـةً مشهودلـه عنــد الاجنــــــاب
شمر هلي لو صار قاسي دهرنا
..........@ياقـونا عنـد المصايب والاصعـــاب
حنا سناعيس طوالًً شبرنا
......... @من دوننـا تقصـر زحـازيـح واشنــــاب
حنا لفعل ايماننا ماحصرنا
..........@مهمــا نعد امجادنــا مالها حســاب
للجار عز وعز ضيفاً خطرنا
..........@افعالــنا مـاينكـره نـزه الانســاب
هذا وحنا لغيرنا ماحقرنا
..........@نعميـن بالاجـواد مـن كـل الاطنــــاب

هذه القصيدهاعجبتني وحبيت اني اشارك بها وهي لاخي وحبيبي
الشاعر الكبير :علي ابن غشم .

ارجو ان تنال اعجابكم .

**سنـعـوسـي** · 03-10-2001 02:17

بسم الله الرحمن الرحيم

قصيدة تحمل في طياتها الأعتزاز بتلك القبيلة العريقة القوية الكريمة 0
أيظا نعمين بالأجناب من كل الأطناب ،،، شكرا لك اخي على على ما أسميها بالمثمنه وشكرا لك دامي على اختيارك الرائع ،،،

**دامي الجرح** · 04-10-2001 05:08

الشكر كل الشكر لك اخي على هذه المشاعر الطيبه

واوعدكم ان شاالله بالمزيد؛والقادم اجمل باذن الله
::

::

::

ودمت لى يا اخي العزيز

اخوك: دامي الجرح

**فوفو** · 04-10-2001 07:50

يسلمو اخوي دامي الجراح ..وننتظر جديدك

هنيّك يوم "شمّر" يالشّمال اختارتك منزال

عرفت الحين و ش خلاّ الصباح تغرّد طيوره؟!

هنيّك "بالطّنَايا" كل يُوم يْدُوس بك خَيّال

أجل كل يوم وارضك من سحاب العز ممطوره

هنيّك.. والله يْعينك على الحسّاد والعذّال

يشوفون القمر فوقك.. وكلٍ يشتهي نوره