الصوت صوت السميري والصدى مني!!!!!!!
أحبتي الرائعين في مضايف الأدب والشعر والألق .
هنا صوت فارع للشاعر المبدع/ عبدالرحمن السميري .
وصداه المتواضع من / ((بعيدالنظر))
أترككم مع هاتين القصيديتين أتمنى أن تجد القبول منكم
وعيدكم مبارك وسعيد
[poem=font="Simplified Arabic,5,white,bold,normal" bkcolor="transparent" bkimage="./images/backgrounds/26.gif" border="groove,10,black" type=2 line=0 align=center use=ex num="0,black"]
(( صوت))
لوإنهـا (ساعة زمن مـــرت) في بالي و انـدهـشـت!=(ماطاحت الدمـعـة - مطيـح اصحابي : من وسط العـيـون)
تمـوت نـفـس وتـنـدعس عِــزة وحـنـا : عشت عشت=نـرضى الهـوان بلا رضـا ! غصــب ٍ عن انفـسنا نهـــون!
والله ما اذكـر دمعـتي سالت (قـهـر) ولا جـهــشـت=الا بـعـد غـطـت دمــا اطفـال العـراق الـتـلفـزون!
(خـلـّـص خبر / بـدا خبر) من مجمل الاخبار : طشــت!=إلى مـتـى وحنـا كـذا : مـن دون حـتى تـنفـدون!
إلى متـى واكبـر طموحـات الـعـرب : كرسي و بشت؟=واليا اكلـت تاكـل بعض بـ سـنون والا بلا سنون
البارحة ليـلة تعلمت الطفـش منهـا : و ط ف ش ت !=لإن السهــر ماهـو جديـد وطبعـا ً : عـيوني تمون!
حاولت امشيـهـا / اطنشهـا : وفي الآآآآآآخر بـلـشــت!=كم راح شعـب؟ وانهـدم دولـة؟ و : نحن اللاحـقــون!
يااااااخذك يا (طيـر التعب) هو ليه في صدري؟ : عششت!=ما قـلت لك انـه : (قفص احباب) عـيـّــوا يـدخلون!
احـس نفـسي في الحيـاة الا ليـا منك نـبـشـت=ذرة حزن لـو مـرها النسناس و الـمـا : يـجـنـبـون!
انـتـه دخلت بلا سبب . وبـكل الاسبـاب إرتـعـشـت=وانا الذي لا عــاش في راحــة ولا هـم يحـزنـون!
ما اذكر (فـرحت) ولا حـقـدت ولا كرهت ولا غششت=وغيري حقـد. غيري كره غيري : وشفـهـم يضحكون!
ولو إنها (ساعة زمن مـرت) في بالي و انـدهشـــت=( ما طاحـت الدمعـة - مطيـح اصحابي : من وسـط العيون )
شعر / عبدالرحمن السميري
[/poem]
[poem=font="Simplified Arabic,5,white,bold,normal" bkcolor="transparent" bkimage="./images/backgrounds/62.gif" border="groove,10,black" type=2 line=0 align=center use=ex num="0,black"]
(( صدى ))
نقشت حرفك بالورق كنك على قلبي نقشت=ديّنتني ياسيّد المعنى وأنا كلي ديون
ياسيّدي قلي من أدغال التمني وش نبشت=لعل شعري والمشاعر جوف صدري يوقنون
ياسيّدي تدري بأني كل ما أقراك إنربشت=أستودعك كل القلوب اللي لصوتك يولعون
البارح النوم إنتحى سهران والغبشه غبشت=أقطف زماليق المعاني لادعاني كل لون
صاحي وأنا حرفي سلاحي لابطش همي بطشت=والحزن ماله وزن لاصار العمر كله طعون
البارحه يامستثير الجرح بي كني نبشت=ورديّتي من باب قلبي لين نضّاح العيون
عدّ المآسي كم وكم ياقلب قاسي لوجهشت=مادون حرّ الدمع شمع وصرت في سوقه زبون
هذا آنت ياقلب العنا راوي منا ولاّعطشت=كل أمنياتك في حياتك لا سحاب ولا مزون
برق الأماني ماهطل غيثه وعمرك ما أنتعشت=برقه سديم ومن قديم وفي موعيده ظنون
أنا اذكرإني لاذكرت أصغر همومي مارمشت=أسرح بلا موعد وأعود بمايعود الذاهبون
لوتجمع أشواك الطريق اللي تمرّه ما أنتقشت=كذا تصير أحلامنا وآمآلنا مال وبنون
ياسيّدي ساعة قريتك وإحتريتك وإنربشت=أستودعك كل القلوب اللي لصوتك يولعون
شعر / ((بعيدالنظر))
عبيدالله العرابي
[/poem][/QUOTE]
رد مع اقتباس
المفضلات