الزقر وتاثيره ...

**اخو سعدى** · 07-11-2005 00:50

سلاااااام

وهو يزقره هكالزقره اللي طيرت عقله ..
زقره اي تنهزروه اي تمردغوه او لا مالها دخل ..

هههههههههههه

الزقر هو من الاساليب المستخدمه لتربيه الابناء
قديما ومازاااااااااااال الى هالساعه ...

عاد انتم من خبرتكم ووجهه نظركم وش رايكم
بهالظاهره ... ومامدى تاثيرها على الابناء

وخصوصا .. اذا كبروا ... هههههه

اللي يعتاز ترجمه عندكم عزوز ... والملاك غيداء ...

تصبحون ع خير او لا ... مهي يمهن ...

المهم ... يسلموووووووووو

**راعي الطيب** · 07-11-2005 04:07

وهو يوقول لوه يا ملا ال going يعني يا ملا الذهاب

الزقر او التنهزر عاده قديمه ولا تزال موجوده الا هالحين

بصراحه لها تاثير كبير على شخصية الطفل او الشاب الين ما يكبر

لك اتلشكر اخو سعدى على هالموضوع اللي قطيتوه ومدري وين رحت وش هالعجله الله يهديك

وبعدين ابي اسالك

متى تجون لحايل انت وابو احمد ؟؟؟؟؟؟؟؟ الرجال متكبر علينا ما يرد حتى على الجوال

**اخو سعدى** · 09-11-2005 01:42

هو انت تشوف يا راعي الطيب ..

انت تشوف هالبرد اللي جانا يااااخااي ...

صددز تربيه الوغدان يبيلها ..

لكن الصلاح من الله ..

خاص لراعي الطيب ...

شنقل .. خرج ولم يعد الى الحين ههههه

**شنقل** · 09-11-2005 08:09

^
^
^
^

والله لو تدري وين مكاان شنقل الحين

تسااااان علوووووم

اخو سعدى

بالنسبه للزقر

ماراح فيهااا الا جيلنا حناااااااااااا

اما هالجيل التالي

من 1405 وجااااااااااي

هذولا مالحقهم زقرررر

لان ابوانهم خفت الخلاااافه عنهم‌

**اخو سعدى** · 09-11-2005 09:41

وينك ..

يامذهوووووووووب .. وشعندك بس تهرف ..

اي والله هالجيل التااالي .. جيلن مرهف مايعرفون الهرف
هههههههههههه

**بـنـت النـور** · 09-11-2005 21:26

اخو سعدى

سلمت لطرحك القيم

والزقر له تأثير قوي على نفسيه الطفل خاصه اذا حصل امام احد ..

دمتم بنور

**المطنوخ** · 09-11-2005 22:01

بعض الزقر ماينفع مع بعض الوغدان لانهم يعاندون

وكل ممنوع مرغوب

فا انا اقول انصح الوغد وحذره من مخاطر الشي واذا مانفع صكّه بأكبر ماعندك<--ليتهم يسلمون من هالنصيحه

**المتوقد** · 09-11-2005 22:07

وهو يزقره هكالزقره اللي طيرت عقله ..
زقره اي تنهزروه اي تمردغوه او لا مالها دخل

..

وهو يوقول لوه يا ملا ال going يعني يا ملا الذهاب

وووووههههآآآيييي

أأخوى سعدى

أكثر من 70%

من الابناء ..تنتهي نكهتهم.....مع بداية الزقر..في كل بداية جيل

لــــذلك

أبنوا الشخصيه بترك الزقــــر

ودمتم بخير وحاله نفسيه أفضل

**سيدة القـــــلم** · 10-11-2005 02:07

الزقــر =التأنيب بقســـوه .. ( الهواش)

كــثره التأنيب للأبـــن وايذاءه نفسياً.. تجعلـ منه شخص مهزوز الشخصيـــه..

عديم الثقه بنفســـه.. ..

لابــد من المعاقبـــه والقســوه نوعاً ماً للأبناء.. كما يقال تألم حتى تتعلـــم..

ولكـــن دون المساس بكرامه الأبـــن او الأحتقار من شخصه امام الجميــع.. ..

وحتى لايكــون احد زبائــن العيادات النفسيه.. ..

شكراً لكـ اخو سعدى

**اخو سعدى** · 10-11-2005 02:17

هلا ببنت النووووووور

من العايدين ..

عقاب الاطفال وخصوصا امام مرى اشخاص
اخرين له تاثيرات خطيره على نفسيتهم ..

وحتى توبيخهم لوحدهم وكتم حريتهم
له تاثيرات جما ...

لكن التوبيخ يهوووون عند الضرب وامام الناس
قبل اسبوعين جاااي من الدوام ..
وانا اشوف واحد من الجيران .. يضرب ولده
عمره حوالي 10 سنوات وبالعقال وفي الشارع
وامام الجميع ...

هذا قمه التخلف والله ...