الأهداء لكل قلب يعيش بعيداً عن نصفه الآخر
في عيد الفطر المبارك ولكل من يشعر بالوحده
والحزن مع إقتراب أفراح الناس
أرجوا ان تسعدكم هذه المتواضعه,,,
[poem=font="Simplified Arabic,5,darkblue,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black"]
العام راح ولاحصل فيه تجديد=والعمر يمضي للأسف ماأستفيده
والعيد قرب وأنت في طلتك عيد=أقبل معه خل الليالي سعيده
خل الفرح ينبض بليا مواعيد=واللي مضى ودي معك أستعيده
حسنك مع الأيام ماقل ويزيد=الناس شابت وأنت قطعه فريده
قلبي عليك يخاف يادرة الغيد=قلبي يحب بصدق ياأحلى نشيده
ياما كتب لك ياقمر عيدك سعيد=في كرت مع ورد وحروف وقصيده
وش خانتي بالعيد لاصرت أنا بعيد=وأنتي مع هذي المشاعر بعيده
يابنت قربك بس في عيوني العيد=وإلا أعياد الناس ماهي جديده
[/poem]
أحمد الخالدي
رد مع اقتباس
المفضلات