ياويش بناتٍ

[الاعصار]

الاخوة الزملاء
اخوي سالم الويباري
لي فترة حوالي شهر وانا احاول الدخول للمنتدى ولم استطع مع الاسف ولذلك اضطريت للتسجيل من جديد باسم الاعصار
المسدس وما يتعلق به مالك لوى اخوي سالم
تحياتي

[غيم الشمال]

صح لسانك اخوي الاعصار(مستور)
والله لي فتره وانا ادور مضيف الالغاز ومالقيته الا قبل يومين وكنت متوقع انه انحذف
ولما قريت الالغاز استغربت ان مستور ماهو مع اللي يرمعون حتى قريت هذا اللغز وعرفت انه انت الاعصار
وابي ارمع لرفع اللغز لانه لغز مليان ومايحتاج اللغازك كلها مليانه وانا من اشد المعجبين لالغازك خاصه
شرايك بالبطاريات والشاحن والفتى الجوال او اي شي يشتغل على البطاريات والشاحن
او الرضاعه والبز حق الطفل
الظاهر اني بديت اخبط بالرمعات بس لي رجعه
وش قصدك بدورنه يعني يخلنه يدور ولا يبحثن عنه
وللصعيبات واهن يمكن يكون مضعف للصعيبات
يعني عكس الظاهر من البيت يبين انه ضعيف لاني اخبرك تتلاعب بالالفاظ
وياتي ذكرهن معاهن يعني ياتي الذكر حقهن (زوجهن)
مهو ذكرهن من الذكر
واسف على الاطاله

[الاعصار]

غيم الشمال
ياهلا والله والف مرحبا والحمدلله على السلامه ومشتاقين والله لربوعنا ولمنتدانا الله يرجع هاك الايام
الرمعتين يالغالي مالك لوى
ودورنه نعم ماشاء الله عليك جعلنه يدور
للصعيبات واهن المقصود انه لن يتحمل الصعيبات
ذكرهن اي المسمى ذكر واللي معه بمسمى اناث
تقبل مني كل الود

[عساف التومي]

صح لسانك

.
ولي عوده

[الاعصار]

صح لسانك

.
ولي عوده

صح بدنك اخوي عساف وانتظر رمعتك يالغالي

[غيم الشمال]

طيب وشرايك برشاشات النجيل (الثيل) اللي تدور وترش الماء على النجيل
والفتى الزرع الصغير والذكر اللي(الهوز) حق الماء يسقي النجيل بالماء

[الاعصار]

اخوي غيم الشمال مالك لوى يالغالي
ولاتنسى الياحضرن ياتي ذكرهن معاهن..يعني انهن يحضرن لجل المهمه ويكون معهن ذكرهن .
وذكرهن ياخذ ويعطي لهالناشي
انتظر مرماعك القادم
تحيتي لك

[غيم الشمال]

والله حيرتني يامستور
طيب شرايك بالمشيمه والحبل السري
المشيمه تتكون من ثلاث طبقات وهي تغذي الجنين
والحبل السري ياخذ الفضلات الناتجه من غذاء الجنين اللي اخذه من المشيمه ويعطي بعد الجنين نفس الغذاء اللي تعطيه المشيمه للجنين

[الاعصار]

اخوي غيم الشمال
مالك لوى يالغالي والدعوى كلها بالجمادات
تحيتي لك

[ســـــفانـــــه]

والله صعب اللغز
بس البيت الاول يدل على انه آله
والبيت الثاني يدل على انه شي ينكسر او بسرعه يخرب يبيله عنايه يعني
والبيت الاخير يدل على انه شي يكهرب او يحرق
ما ادري قربت ولا لا؟؟؟