(( استضافة عضو )) 6 !!!

[راعي الطيب]

[msg]يالله حيه ........ ياهلا والله ومرحبا .......غديك كثرت من الاسئله........[/msg]

بسم الله الرحمن الرحيم
اخواني واخواتي
السلام عليكم ورحمة الله وبركاته
اول شي كل عام وانتم بخير وصحه وسلامه واسال الله ان
يرزقنا صيام هذا الشهر والفضيل وحسن قيامه وان يبلغنا ليلة القدر
اعذروني على التلقف (بغا يطيح حنتسي وانا انطقه) واعذروني مره ثانيه على هاللقافه اللي مدري شلون طرا ببالي كم سعال لاخونا الضيف وما لقيت طريقه غير اني استضيفه لكم لمدة ثلاثه ايام يحتمل انه تزيد .
الضيف العزيز على قلوبنا واللي دايم متواجد بيننا اما بالفله او بالمضايف الاخرى اما برد طريف او بموضوع جديد ممتع ومشوق وهو خفيف الدم وطيب وخلووووووق وانا من الناس اللي اغليه واقرا ردوده وتعال دورن عاد ولو تحطوه على الجرح تسان بري من زمان بس هو بخلان علينا ومحتكر لوه حاجه لحالوه ..... وشهي؟؟؟؟؟؟؟؟؟
( راح اقولكم عليه باخر الصفحه)
اليوم الكل سيعرفه عن قرب
>>
>>
بس عليكم بووووه يا اعضاء المضايف
>>
غردزووووووه بالاسئله
>>
اخواني اكيد اشتقتوا تبون تعرفن منهو الضيف ؟؟؟؟؟
>>
>>
>>
>>
>>
>>
رحبـــــــــــــــوا مــــــــعاي باخونا
(( الـــمـــخــاوي ))
اهلا وسهلا بك ضيفا لمدة ثلاث ايام واكيد انهن راح يزيدن بوجود الشباب
ابي اسعل وابي اترك المجال لااخوان خلهم يشوفون شغلهم معاك
والله يعينك
س1 / البطاقه الشخصيه الله لايهينك ؟
س2 / كم عمرك ؟
س3 / اين تقطن ( اقصد تسكن ) ؟
س4 / كيف تعرفت على المضايف واصبحت مشرفا للفله ؟
س5 / كلمه توجهها لكل من : المشرف العام - الحنشل - شنقل - ابو غازي - بو رائد - الشبث - بحر الشوق - راعي الطيب - المطنوخ - قطراوي - ام اسم طويل ( كلي بكم اعجاب) - تعاليل - الزقروطي
ايه نسيت و اخوي عبدالعزيز ...............
هذولا اللي اعرفهم واذا فيه احد راح نجيب اسمه بهذا.......
الله يعينك اخوي ((( المخاوي)))

على فكره يالربع الحاجه اللي مسوي عليه احتكار هي هالاستضافه
يعني ما يبي احد يستضيف الا هو .........

[احمد الهاجرى]

ههههههههههههههههههههههه

ههههههههههههههههههههههه


ماتوقعها هجمه مرتده تسلم والله ياراعي الطيب جبتها صح


مرحبا بامشرفنا العزيز المخاوي

يالله حيه والشهر عليك مبارك عساك من صوامه وقوامه امين


بوه مثل يقول ذق ياموت ماذوقت العرب انا اطالب الربع ان يمددولك 6 ايام

بدل الثلاثه ايام


مانطولها


السؤال

بصفتك مشرف للفله الا ترا ان الفله هي القلب النابض للمضايف؟ ولماذا


السؤال الثاني

منهو خليفتك في الاشراف على الفله لو تقاعدت؟



السؤال الخامس بعد المئه والخمسين

تسم عمر ابو غازي وهل هو وصل الى التخريف او لا؟

السؤال الواحد والاربعون

الا تلاحظ ان الرحاااااااال والمطنوخ معاد تماسكو بشوش؟


هذا ولنا رجعه ان شاء الله

[المخاوي]

توهقت

هههههههههه

يوم دخلت صفحة المضايف لاوالله موضوع استضافة عضو 6
واخر رد احمد الهاجري والله وانا افهي لي شوي وافتح افمي
قلت اسم الله انا مستضيف احد وناسيه وش العلم واقوم اتفطن
للعضو اللي انا مستضيفه يعني صدقت صراحه اني منزلن هالموضوع
مشت علي لكن ابي اتفطن منهو العضو هههههه مار ماش
الفكر احتاس والمخ ضرب شوط وبعض الفيوز ولعت
تسمرت لي شوين قمت اتلفت يمين ونوبن يسارا عدل بدل
لامار مافيه فايده استدلخت تخبرون صيام قلت ياولد
مالي الا ادخل الموضوع واشوف السالفه ويوم دخلت
على طول عويناتي يم كاتب الموضوع الا والله راعي الطيب
وهي تضرب الفيوز الباقيه ههههه قلت ياولد يمكن مقلب
الله يستر بس من الكاميرا الا طير شلوى
متمرتسين بصدر المجلس راعي محل طبعاً ويسولف
والله واقرا الموضوع وقلبي ناغزن ان فيه شي بس مادري وشو
وكل مالي ادحدر الا والله استضافه لكن منهو هالعضو مادري
وانا انصلق حمى حيلي ذبحتن الشفايه وانا المح اسمي
يومني تعديتوا قلت هااه لالا غديني متوهم وانكس باثري
الا والله هذا المخاوي قلت لا والله الا صادوك ولاسميت

راعي الطيب

اول شي اطالبك بدل خرعه
والثانيه انا صايم ما أقدر ارد
والثالثه حسبي الله على بليسك والله انك فاجأتن بهالاستضافه
ياخوي وشلون فطنت عليك وسويته

على العموم مشكور ياراعي الطيب على الكلمات الطيبه
وهذا من طيبك وطيب معدنك ولك بالقلب يا أخي كل التقدير
وفائق والاحترام والله لايهينك يالغالي

بس لايغرك ترن اتظاهر بالطيبه وخفة الدم
والا انا علتن على التسبد هههه

الظاهر انك تبي تفضح بي وتكشف المستور

هالحين الخرعه توه مافكت مني وام الركب طارحتن
خلن القط انفاسي واركد لي شوي وجايكم

بس هاااه ثلاث ايام لاتزيد

[راعي الطيب]

اخوي ابو هااجر

يا هلا وغلا بك بهالمتصفح هذا

والهجمه المرتده قدامه الملعب وتوه ما وصلت حتى الدائره

نورت يالغالي كاول عضو يقرا بس نبي زود على هالاسئله هذي
ما تكفي ولا تسمن وتغني من جووووع



وهذا الضيف حيلكم بووه

[راعي الطيب]

راعي الطيب
اول شي اطالبك بدل خرعه
والثانيه انا صايم ما أقدر ارد
والثالثه حسبي الله على بليسك والله انك فاجأتن بهالاستضافه
ياخوي وشلون فطنت عليك وسويته

توك ما خذيت ال 15% وتبي بدل خرعه بعد

ثاني شي والله يالعشير انا من زمان ودي اسوي هالشي هذا
وقلت يا ولد لا يزعل تدري عاد انت غالي وما تهون علي
قلت خله بعدين واسال يوم سالت واحدن من الربع هنا قال حيلك بوه
قلت ما يزعل قال لا قلت اجل مر عقب صلاة الجمعه
وتلقا المويضيع موجود بالفله

على العموم مشكور ياراعي الطيب على الكلمات الطيبه
وهذا من طيبك وطيب معدنك ولك بالقلب يا أخي كل التقدير
وفائق والاحترام والله لايهينك يالغالي
بس لايغرك ترن اتظاهر بالطيبه وخفة الدم
والا انا علتن على التسبد هههه
الظاهر انك تبي تفضح بي وتكشف المستور

العفو وانا ما سويت شي وهاللي قلت قليل عند اللي يواجهك
ويتعرف عليك ويماشيك يالغالي
ومشكووور على هالمدح وتبي تسذبن بعد تقول انك مهو طيب
شنقل موجود ونبي نسعله عنك ونشوووف

هالحين الخرعه توه مافكت مني وام الركب طارحتن
خلن القط انفاسي واركد لي شوي وجايكم
بس هاااه ثلاث ايام لاتزيد

نحتريك يالغالي بس لا تطول علينا وعلى فكره الاستضافه مددناه ترا
يعني على قولة المثل من هالمراح ماكو رواح

[الشبث]

المخاوي

خخخخخخخخخخخ


راح فيها هههههههههه



راعي الطيب عزالله انك جربعتوه هههه



المخاوي انا عندي لك سؤال واحد هالحين


ويامني افطرت ياقرد عينك





من هي بلد المليون شهيد

ومنهم هالشهداء




وتقلدوا تحيتي

[المخاوي]

يالله اني بوجهك لاتخيب لي ..... رجاوي


س1 / البطاقه الشخصيه الله لايهينك ؟

اووووه تصدق نسيتها بثوبي اللي بالبيت ... ماش حظك ماهو لهناك
لا والذاكره بعد لك عليه بس اصبر لحظه اذكر ان ينقالي

ابو خالد


س2 / كم عمرك ؟

يومني احوبي وابو خليف يصب القهوه
وانا اصغر من شنقل بثلاث سنين الا شهر ونص
والاصمعي هكالحين خاطن شاربوه وانا بزمالي
ومتفاائل يوم عرسوه وانا امي حاملن بي
وراعي الوقيد يسوق الحصنيه يوم امي تفطمن

بالثلاثينيات ماوصلت الاربعين


س3 / اين تقطن ( اقصد تسكن ) ؟

كنا قطينن على لينه ومنه لزبالا واذكر انا قيلنا بالجميمه وعقبه نكسنا للتيسيه
حدري من الدهناء وحنا نشلع لام القلبان وقنا وحنا نقيض بهن وجبه امرحنا من
دونه ماوصلناه واذكرولنا النيصيه يشبع به الحوار وحنا نربع به وحنا نشمل ياما
وصلنا المتك وسمي بذلك لربطه بين الحجره والنفود وحنا ننتك بوه كم سنه ياما
طلعت هالفلل والقصور وحرفناه لضواحي هالشرقيه غربن من الخليج العربي


س4 / كيف تعرفت على المضايف واصبحت مشرفا للفله ؟

تعرفت على المضائف عن طريق :

اخي وصديقي العزيز الشاعر / فلاح السعد

اذكر انوه كان مسيرن علي لو ليله وذكر لي مضايف شمر ودعاني اليها
فله كل الشكر والامتنان ابو ضاري على هذه الدعوه المبروكه

اما كيف اصبحت مشرفاً على الفله فتم تكليفي عن طريق المشرف العام .


كلمه توجهها لكل من :

المشرف العام

ماذا عساي ان اقول في هذا الشهم الكريم ومهما قلت او عبرت
عن مافي نفسي فلن اوفيه حقه فهو راعي الاوله وله كل الفضل بعد الله سبحانه وتعالى
في جمعانا هذه وتعرفنا على بعض فأسأل الله العلي العظيم في هذا الشهر الكريم
ان يمد في عمره وان يسهل دربه وان يوفقه لما يحبه ويرضاه وان يجزاه عنا خير الجزاء.


الحنشل

أخ عزيز علي تعرفت عليه منذ وقت قريب ولكن يعلم الله كأني اعرفه
من زمان انسان طيب لايحمل لاحقداً ولا ضغينه وعلى فكره فهو انسان واصل
لاتنقطع مكالماته او رسائله واقول له واصل في عطائك واتمنى ان تتحفنا
بمواضيعك الشيقه واقول له ترا المضيف الاسلامي في حاجتك


شنقل

يطيب لي ان ادلعه بشنقولي تعرفت عليه في بيته
لا وعلى مفطح بعد اخ عزيز وله مكانه خاصه في قلبي ماتمل من
سوالفه والضحكه ماتفارقوه وله مواضيع جديره بالمتابعه اَمل أن نرى
لك مواضيع فلاليه كسابق عهدك فنحن ننتظر شوقاً لقلمك يا أبا احمد



ابو غازي

وش أقول وش أخلي لو امدح فيه الى رمضان الجاي ما أوفيه حقه
انسان فيه كل الصفات الطيبه قلبه ابيض كبياض اللبن الصافي وهو شامخ
كشماخة الجبال اولى اهتمامه للمضايف واعطاها جل وقته ومن المشجعين
للاعضاء وكل الاعضاء عنده سيان لايفرق بين احد ولو تغيب عنوه ساعه
قال وين فلان أطال الله في عمرك يا أبا غازي ولاتحرمنا من اَرائك وتوجيهاتك السديده



بو رائد

شاعر المواقف ( وشاعر وحكيم الفله ) انسان طيب ورحوم
ما ان يرى اي اختلاف يهب سريعاً لحله بو رائد لاتحرمنا من عطائك
والاحظ غيابك عن الفله ترانا فاقدينك واطالبك بتدسيمنا بلنا كم موضوع وكم قصيده



الشبث

فيلسوف الفله والله وستين نعم وبدون مجامله له بصماته الواضحه بالفله
وهو من الاعضاء اللذين حافظوا على مضيف الفله ومواضيعه تشهد بذلك ولا غنا
بالفلة عنه انا من المتابعين لما يسطر قلمه ويعجبني اسلوبه أدام الله قلمك ياشبثان
ولاتباعد عنا فمواضيعك هي كالمغذي للمريض



بحر الشوق

تصدق اغليتوه من قال ( كتبت الشعر بالفله ) شاعر متمكن وانسان
خلوق أتمنى ان لايبخل علينا بشاعريته يعني كل ماهذا يمرنا وياخذ لوه فنجال
اشقر ولاينسانا من القصائد الفلاليه



راعي الطيب

وين الشوزن قربوه لي اسم على مسمى
الف مبروك على تخرجك من معهد الطيران وعقبال تعيينك في برج
مطار جيزان قصدي حايل هههه أتمنى ان أرى لك مواضيع في الفله
فراعي الطيب لايجي منه الا كل طيب



المطنوخ


هذا شمعة الفله له اسلوب قل مثيله كتاباته مميزه وفريده من نوعها
مواضيعه شيقه ولا اخفيك باني من المتابعين له وبشده وعندما ارى له موضوع
صدقني يسفهل حجاجي واضبط الشاهي ولكن هالايام اشوف انوه
بخلان علينا مادري هو تغلي والا مشغووول
اخو طنخه لنا بك هقوتن طيبه فلاتبخل علينا من دررك الثمينه



قطراوي

عضو نشط ووعدنا بمواضيع من تصميمه ونحن بانتظارها



ام اسم طويل ( كلي بكم اعجاب)

هذي عاد يبيله دفترين ابو 100 على شان
نكتب عنه عضوه مرحه وشرسه لها تعليقات جداً جميله عند قرائتي
لها ما امسك روحي من الضحك وين الغياب يا ك.ب.ا
فالفله تنتظر سهامك الخطافه وموضوعاتك الرنانه



تعاليل

اقووول رجعن بس الكاس لاهل الفله
ودنا انها تعللنا بالفله بمواضيع تفل الحجاج



الزقروطي

يحب النقد البناء والتوجيه السليم ومن هذا المنطلق
اقول له لك اسلوب جميل اتمنى ان تستغله في كتاباتك وخل الماسنجر عنك ههههه



عبدالعزيز

تعرف لافي ابو صياح راعي الشاص وستين نعم والله
حلولات لوهو قريب مننا يذكرون عندوه لوه فنجالن يطير العماس ويجلب الناس
اداري ناجح تحمل المسؤوليه وهو قدها وله تعليقات تسدحك من الضحك
ولي عتب عليه لقلة مروره للفله وعدم اعطائها وجه ياخوي عطنا
لو طرف هالاذن على هالشدق

هذولا اللي اعرفهم واذا فيه احد راح نجيب اسمه بهذا.......
الله يعينك اخوي ((( المخاوي)))

لالالالالالالا خلاص فكنااا عويذة الله من شرك


الا ياربي وانا داخلن عليييك افيييييييييييه هو ما أذن المذن


راعي الطيب ياخوي تراك اهلكتن

تسلم ولايسلم ردي العزايم

[شنقل]

اطرحووووووه
ههههههههه
هههههههه
راعي الطيب وين تلطفت له
عزالله انك جبته
<<<< توه مفطر مع بعض الدوخه
ومتحضن له صحن تشريب وصحين لقيمات
مخ مخ
استلم يافلااااااان
1/ محطة السفانيه اللي عندكم به قشطة المراعي
ترانا مقطعوين بمشعاب لنا يومين من قشطة المراعي
2/ دوري الطايره هو بدى باستراحتكم والا لا
3/ جهز نفسك عشان افتتاح مخيمنا (( هات معك مقص وبشت))
4/ افضل ثلاث مواضيع مرت عليك بالفله
5/ المشرف السابق مقتاح 14 الله يذكروه بالخير كانت له مقوله شهيره
((( سحقاااا للمنقول)) وانت ماقولك بالمنقول
6/ عضو من المضايف تتمنى تشوف خشته
7/ زامك الحين هوليل والا نهااار
8/ وش رايك بالستايل الجديد بعد ان رفع الايجار ابو سلطان على المشرفين والاداريين
((( الله يذكر الستايل الادغم))
ولي نكسه

[المخاوي]

^
^
وش غير هالطرحه ياهو ثبتن تثبيت مادري منين طلع لي

شنقولي تكفا رشفه من هالصحين

[المخاوي]

احمد الهاجرى

ههههههههههههههههههههههه
ههههههههههههههههههههههه

خخخخخخخخخخخخخخخخخخ
خخخخخخخخخخخخخخخخخخ

مرحبا بامشرفنا العزيز المخاوي
يالله حيه والشهر عليك مبارك عساك من صوامه وقوامه امين

الله يبقيك ياراعي الذود وعساه علينا وعليكم يتبارك وان لايحرمنا واياكم الاجر

بوه مثل يقول ذق ياموت ماذوقت العرب انا اطالب الربع ان يمددولك 6 ايام
بدل الثلاثه ايام

وبوه مثل يقول جاك الموت ياتارك الصلاة الوعد قدام

السؤال
بصفتك مشرف للفله الا ترا ان الفله هي القلب النابض للمضايف؟ ولماذا

بما انها بصفتي كمشرف نعم فهي القلب والشوايا كلهن
والله ياخوك انا ارى بأنها منتزه وحديقة المضايف يرتاح صدرك بها وتجد الفي فيها وبها مالذ وطاب وتجد فيها راحة البال بعيداً عن الازعاج والغبار ويقصدها كل من ضاق صدره وانعقدت حجانه

السؤال الثاني
منهو خليفتك في الاشراف على الفله لو تقاعدت؟

يقولون بعد التقاعد تقدر تكمل على بند الاجوووور

السؤال الخامس بعد المئه والخمسين
تسم عمر ابو غازي وهل هو وصل الى التخريف او لا؟

ياكثر اسئلتك
يقولون انوه لاحقن الكسوف
العام مثل هالحزه طب اول الفيضه وهالحين وكاد انوه منصف به
الله يعطيه طولت العمر

السؤال الواحد والاربعون
الا تلاحظ ان الرحاااااااال والمطنوخ معاد تماسكو بشوش؟

وشنوحك قمت تنكس نكوس
تدري ليه بس لاتعلم طاح بهالذهانه المحروووم وغير اسموه واخو طنخه مايدري انوه الرحااااااااال

هذا ولنا رجعه ان شاء الله

حياك الله وابرك الساعات بس لاتحرث عن الخافي