السلام عليكم ورحمة الله وبركاته
اولا وقبل عرض الاقتراح ودّي انبه على امور :
ـ اني لا انتقص من قدر احد
ـ هو مجرد اقتراح ورأي لا الزم به احد وهو خاص في هذا المضيف فقط ( مضيف قصّة وقصيدة والتّراث الشّعبي )
ـ لم اطرح الاقتراح الا بعد ان اخذت الاذن من الخال راعي الوقيد
بإختصار :
موضوعي يتعلق بالمضيف قصه وقصيده ..انتم تعرفون ياابناء العم اننا ننتمي لقبيله موروثه لايسعه كتب ولا منتديات وعلمه المهبول اللي يقول انا عندي قدر كبير منه لاتساع رقعه دولتهم واماكن تواجدهم وغزواتهم اللي ماتنحصي وفريّسهم اللي ماتنعد وعلومهم الطيبه اللي مافيه مثله من ناحيه الجيره والنخوه والكرم والفروسيه ....الخ
المقصد ليش نجيب سوالف غيرنا من القبائل بمنتدى قصه وقصيده
((انا مااطعن بأحد وكل قبيله به حقه ونعم بالاجواد منين ماكانو والفلاح مقسم بين الناس والطيب تطلعه ذراعه ))
بس يااخوان عسانا نستعرض بعض من موروثنا من قصص وعادات واشعار ازين من انا نتكلم عن واحد من قبيله يمكن حنا ماحنا ملّمين بسالفته او مدركين لابعاد القصه ونجحد فعل غيره و نطعن بقبيله اخرى له طرف بالسالفه وحنا ماعندنا خلفيه عن هالموضوع
بعض الاخوان يجهدون بأمور قبائل اخرى حنا مالنا علاقه بهم لامن قريب ولا من بعيد والمصيبه اننا نجلب وجع الراس (ليش افتح هالمجال من اصله )
((وفيه حل ممتاز طبعا هذا رأيي انا ولا افرضه على احد وهو ان يكون قسم الموروث الشعبي اللي بجنب السامريات المقروءه والمسموعه <<<< ابوك يالوصف
لاناس من غير قبيلتنا وكذالك السامريات مافي مانع من اشراك القبائل الاخرى ...بس نفس قسم قصه وقصيده معصيبس لشمر ))
الصراحه ماهو تعصب ولا تحيز لكن الواحد يسأل وش استعرضنا مثلا للثابت والزميل من سنجاره او الجحيش من الاسلم او الدغيره من عبده كامثله فقط وقس على ذالك فريّس شمر او اماكن تواجد شمر قديما وحديثا بالعراق بسوريا بنجد ....الخ
اتمنى اني وصلت الفكره وانه خدمن تعبيري وانه مايكون خانن <<<< امحق تعبير ترونن جايب ماوراي
رد مع اقتباس
المشاركة الأصلية كتبت بواسطة الزقروطــي
هيّن يالزقروطي دواك عندي بالشخبطه 
بس شكلك مافهمتن يابن العم
المفضلات