أيام فاتت...حلقه (1)....!!!!

**المخاوي** · 28-09-2005 19:42

[align=center]احمد الهاجرى

يالله حيوه معوضين خير ان شاء الله

الا رفيدزك وش عمل مع سيارتوه هو مااكتشف السيل من وين

والشبث يبي بس اللي يحركوه علوموه حول العشق واجد

تسلم يابو هاجر ومرورك كنسيم الهواء العليل

[/align]

**المخاوي** · 28-09-2005 19:50

[align=center]يامرحبا براعي الطيب

والله يافلان فكنا الله لو هو واحدن غيروه تسان كرفتنا بالفرن وشوانا

الا اقعد واقعد واقعد تره تستاهل هالنفس القعده معه

بانتظار ماتجود به يالغالي

العذر والسموحه منك ابي اقتبس كلامك وارد عليه ضغطت زر التعديل وكتبت ردي ويوم فطنت الا صااار بردك هههههه

[/align]

**المخاوي** · 28-09-2005 20:02

[align=center]وأنا أشوف الفله منوره اليوم [/align]

[align=center]

المشاركة الأصلية كتبت بواسطة راعي الوقيد

المخاوي !!

الله يرجمكم والله يا انتم ضبطتوا الدور على سنغة عشرة

ههههههههه

عوذا رجم مرتن وحده

اكيد ان الميم اعترضت لك

عاااااد قباقب الله يجزاك خير << خووووش عزيمة

كلن ومايشتهيه هو يدوخ عليهن واغريناوه

عشت يالطربة على سالفة النفس ومحاسبتها

ومن قال بالله ماتحاسبه لنا ولك قبقب مشوي

لك التحيـــــــــــــة ،،،

والسلاااااااااااااام ...

ولك بالمثل ولا تحرمنا وجودك وتعليقاتك الظريفه

..

[/align]

**الأصيل** · 28-09-2005 21:06

المشاركة الأصلية كتبت بواسطة المخاوي

[align=center]
مساكم الله بالخير ياوجيه الخير

[align=center]مساك الله بالنور والسرور .. قهوه ياعيال [/align]

لكتاب الادب العربي الفصيح >> أنا اقول كتاب الادب العربي ماهو مضيف الادب العربي يابو ثوب انت توووحي

[align=center]أوحيك يابعدي .. وقام يمغصن بطني كل ما سمعت طاري هالعرب[/align]

يعني اذا حصل لوه وقت فراغ لابد انوه يحشر نفسوه حشر على شان لاتتفاقم

[align=center]منين لك (( تتفاقم ؟؟؟ )) أثريك منت بسيط [/align]

الامور وتخرج عن السيطره >>> دقه على اهل المضيف العام لاتعلمون أحد

[align=center]أيوه ياكبييييييييييير [/align]

أما انا ياطويلين العمر تروني كل ماهذا اعاتب نفسي واتشره عليه من حين الى حين ومن برهة الى برهه وايضاً من حقبة الى حقبه

[align=center]وربي إنك خطييير ..ياخي تصلح مدرب حراس مرمى[/align]

اَه يانية الخير يابو مقرن >> على طاريع تروه يسلم عليكم جميعاً

[align=center]عليك وعليه السلام .. والله إني قطعت الاتصال بوه منذ فتره وبرهه من الوقت[/align]

أهدى المناطق على الكوره الارضيه ولا تسمع غير نعيق الغربان

[align=center]
يالمخاوي .. وش هالأسلووووب ... تحس إنك على شواطي كاليفورنيا[/align]

وليلتن من الليالي الشيطانيه

[align=center]يلعن أبو مدري منو [/align]

جنت على نفسها براغش

[align=center]
وينكم ياأهل الأدب العربي وينكم ؟؟[/align]

تحياتي واشواقي الحاره لجميع اهل الفله

[/align]

[align=center]ترا لي عودة أخرى

لاتحسب أبي أترك الموضوع

للحين ما شبعت اقتباس[/align]

**عيون السروق** · 28-09-2005 21:45

[align=center]ههههههههههههههههههههههه

الله يرجكم ياكثر عجكم ،،

لو انا منوه تسان محرمدكم بمتسانكم ،،

مار مبين عليه انملص قلبوه ،،

بس عندي سؤال هو منهو اللي مات ،،

ودمتم،،،،،،،،،،،،،،،،،[/align]

**سلطان زمان** · 29-09-2005 01:51

على هالسالفه .. انت ميه ميه صعيدي .. اتوقع الجزء الثاني جادعلك واحدن بقليب .. وهلمو جرجرو.....

بس على طارئ ابن ادم اسيود راس ... وشو ابن ادم لو ياطا لغم كبر الذبانه غدا قطع تحوم عليه الذبان.... انا اعرف ابن ادم لو ينقطع نسمه شمام يموت....
اي بالله .. فيدة على ما قيل ... تسلم على هالسالفه ..

بس وبسيس .. وش صار عقبين على عشيقته بنت العمه .. اريت هو اعرس عليه..

**سرحــان** · 29-09-2005 02:14

المشاركة الأصلية كتبت بواسطة المخاوي

[align=center]
مساكم الله بالخير ياوجيه الخير

حقبه ماهي حقنه ياسرحان حقبه انت تشوف والا اكبر لك الكليمه لاتقوم تعذر ههههههه

تتبعوه اَه يانية الخير يابو مقرن >> على طاريع < هذي انا مافهمت معناها

تروه يسلم عليكم جميعاً

المهم ياجماعه الخير لقيت لي سالفتن قديمه شوي اثناء محاسبة هذه النفس الظاهر انه منخشتن عني بحدى هالمعاليدز قلت خلن افضح بهالنفس على شان تتوب ولا تعود مثل هالسوالف

هذا نوبتن من ( المرات ) انا وعشيرن لي ومعنا ثالث صديق عزيز على قلبي عندنا دوره باحدى المدن الراقيه وتعتبر من أهدى المناطق على الكوره الارضيه ولا تسمع غير نعيق الغربان

وليلتن من الليالي الشيطانيه راح هذا الصديق لديرتن مجاوره لنا للسلام على عمتوه طبعا هذا عذروه والا حنا عارفينن انوه رايحن ينذخ عند بنت العمه المذهوب

فجلست انا وعشيري نتجاذب اطراف الحديث سالفه بذنب سالفه وفعل جدي ومافعل جدك وغزينا وسطينا وهو بالمثل شوي الا بغينا نتكافخ بس اشوى انا مطفين النور مانشوف بعض

الوكاد سرى ليلنا وحنا على هالحال وبنفس الوقت نتحرى هالنذيخ متى يرجع شوي الا خرفشة عند الباب قلت بس جاء الرجال خلنا نسوي انفسنا نوما >>> بدى عاد الشيطان يمارس هوايتوه بهالنفس المسكينه ههههه وهو يدخل واذا ببنت شفاه تقول أشوى نوما >> يبي الفكه دابلينن تسبدوه قلت ايه هين جنت على نفسها براغش

والله وانا ازعج الصوت مهو سامري الا خليليه ودلي انوعر وابتسي وولول عشيري المسبوع فهمه ودلي يجاوبن بالصياح والنياح وهو يقمز ابن الحلال النذيخ اراخوا ابوي وشبلاكم ياعيال وش اللي جارين عليكم وكل مانشدنا زدنا بالصياح قال تكفون والله ان قلبي سقط حدري قلت عاد انا الله يرحموه الله يرحموه!!!! قال عشيري ياعلوه بحل ياعلوه بحل والله يوم ضاعت علوموه قال انا داخلن على الله ثم عليكم انكم تعلموني ركبي عجزن لايشيلنن وصفط ههههه وهو يقع ابن الحلال ويغدي لوه مناشقه قال منهو اللي مااات قلنا ياملا الجنه ياهكالوجه !!!!! قال منهو قلنا اذلف وراك ماحنا يمك ويوم شافنا هاللون وقطع الامل مننا وهو ينطلق مع الباب وهو يتعوذ ويسبح ويصفق يد بيد .... ويوم طلع وحنا يذبحنا الضحك وحنا نفتح الدريشه اللي من يم الشارع الا وهو يركض لعمارتن بجنبنا به خويانلنا عندهم مجلس وكل ليله يتعللون وحنا بهالحتسي جايينن منهم عقب العشاء وهو الله يجيركم يرثع بهم

قالوا سلامات يحسبونوه اما مطروح والا سارين بهالليل وهو مايدري بروحوه

وهو يصوت لواحدن بهم قال تعال ابيك وهو يطلع معوه برا قالوه وش بلاك يافلان عسى ماشر اشوف براطمك طالعاتن شبر على غير عادتهن

قال الذيب بالدزليب !!! وش العلم قال هاللون وهاللون وتركتهم وحالتهم مزريه ولاودك الصديدز يشوفهم هو ميتن احد من اخويانا ؟؟!! قال فال الله ولا فالك ماسمعت شي ياخوي هذولا العشاء وهم سارينن من عندنا مابهم خلاف قال هذاك العشاء!!! قال يالله معي نبي نشوفهم قال فكن يافلان والله ما أقدر اروح معك انا ابي اتحراك بهذا وهو يمشي من عندوه متجهن يمنا سريع الخطى

....!!!!!
حنى بهالحزه ضبطنا الامور ولعنا النور وسخنا القهوه والشاهي وقمنا نتضحك تسن ماعندنا من الشيطان طاري جانا الرجال وحنا نرحب ونهلي بوه ويوم شافنا على هالوضع طارت بوهتوه

وياخذ لوه شوين وهو مفهي قال انا ماشميت معوه شين قلنا منهو قال فلان ماجاكم قلنا ابد حنا نتحراوه ولا بغينا ننام وهو ماجاء قال الظاهر ان الرزل جاين من البحرين

قلنا ياولد انت وش سالفتك وهو يدزفي من عندنا ,, ويوم جاوه وهو يستلموه يالفاجر ياللي بك مابك يالسربوتي الظاهر ان عقلك مخليه ورا الجسر

شوي الا رفيقنا جاينا طاير وحنا على طول نطفي النور ودلي نصيح ههههه وهو يدخل علينا ليامار على وضعنا اللي خلانا بوه وهو ينجن الله لايبلى ياملعونين تراكم رثعتوبي والله ان عقلي يبي يطير علمونن وش السالفه بصراحه حنا ذلينا عقلوه يملص صارت السالفه خطيره

وحنا نقوم ونضحك قلنا يافلان سالفتنا مزوح تجي وتروح وهو يشتمنا ولاخلى كلمتن شينه ماقاله ونقمز حبة خشم ومطالب

الا زعلان الرجال وهو يطلع من الغرفه نبيه نبيه مار ماش وهو يدق الموتر سلف ويروح ونجلس اسبوع من الطلبات والزورات ونعزموه على السيف على مشوي سمك وروبيان وقباقب ماهو بس انتم ياأهل الكويت

ويالله سمح ....!!

افاء عقب مااملص قلبوه سمح وراحة رشفةماء
[align=center]والله ياهي اكله وطافة عليك[/align]
مايستفاد من القصه الاًنفة الذكر .....
ان كل واحد الله لايهينوه يحاسب نفسوه ويحشره مثل حشرتيله ويطلع لنا سالفتن نتونسبه واتركوا عنكم الشات والسوالف في بعض المواضيع وتمغيطه الى اكثر من 6 صفحات

تحياتي واشواقي الحاره لجميع اهل الفله

[/align]

[align=center]وتحياتي لك وتسلم والله [/align]

**المخاوي** · 29-09-2005 04:01

[align=center]

الأصيل
ترا لي عودة أخرى
لاتحسب أبي أترك الموضوع
للحين ما شبعت اقتباس

حيا الله ابو ثوب

طالعن من الشر

واقتبس لين تنبشم

وربي إنك خطييير ..ياخي تصلح مدرب حراس مرمى

وانت اخطر

... منهو اللي ضاحكن عليك وقايلن اني اسد المرمى

بانتظار عودتك الميمونه

[/align]

**المخاوي** · 29-09-2005 04:06

[align=center]

المشاركة الأصلية كتبت بواسطة عيون السروق

[align=center]ههههههههههههههههههههههه

الله يرجكم ياكثر عجكم ،،

الله لايرجك

لو انا منوه تسان محرمدكم بمتسانكم ،،

اشوى انوه ماهو انت

مار مبين عليه انملص قلبوه ،،

الفال ماهو لك

بس عندي سؤال هو منهو اللي مات ،،

عقل الرجال

ودمتم،،،،،،،،،،،،،،،،،

وسلمت ,,,,,,,,,,,,

[/align]