[align=center]السلام عليكم ورحمة الله وبركاته
وعمي مخاوي معليش على التأخير مثلك عارف الصيف شوب وحبينا نبرد عند الأصدقاء بلبنان ونتزحلق على الثلج ونلهم منه انا والعيال وتحياتي لكل مواطنات ومواطني الفلة
الوكــــــــــــــــــــــــــــــــــــ ـــــــاد
مرة بحدا سفراتي لأنجلترا كنت حاضر مهرجان البوب الغنائي للفنان جستن تايمبرلك وفرقة ويست لايف وNYSC ولا يهونون الباك ستريت بويز وقلت ياولد عاد عقبها ليه ما أروح أتمشى في الريف قلت بروح لمدينة لفربول وبالمرة أسلم على العيال هناك
(الله يعين على الرسميات هناك )
الوكاد مالكم بالطويلة وأنا أتمشى بالغابات هناك ( أبرك من قرود أبها وعسير ) وقلت ابرتاح على شجرة الوكاد مالقيت ( المفهي معي طول الوقت يركز من الأن لأن الأكشن بدا )
وانا أراعي كذا ولا شي يلمع بالقاع وأجي اطلعه والا طلع مصباح قلت معقولة الانجليز عندهم مثل خرابيطنا سندباد وخويه علي بابا أبوجذلة ( معليش عندي ملاحظة عليه النصاب مرة جذلته يمين ومرة يسار معقدني من يوم انا صغبر )
الوكاد شفت عليه كتابة وقلت ابمسح التراب واقراها
مادريت ألا دخان كثير تقول كفر محترق وهو يطلع من المصباح واحد كنه كبت دلال حق القديمين ولابس سديري وبنطلون بدون فنيلة كنه من عرابجة أمريكا حقين الدبابات
وهو يصيح شبيك لبيك قلت الله يلعنك خرعتني بس طس عني انت وريحتك الخايسة قال أعذرني محبوس في المصباح أكثر من 300 سنة وماعندي دش أتروش وهو يقول أمرني أي شي تبيه أنا حاضر وانا أفكر قلت ياولد خلني أخذه معي للسعودية علشان يدبر أموري قلت هيه أنت أسمك اييش؟؟؟؟ فال أنا ريتشارد الوكاد قلت أسمع أسمك صعب بس تدري أبسميك مناحي؟؟؟؟
زعل وقال أنا أبوي مسميني على رتشارد قلب الأسد قلت أسمع انت ووجهك قلب اسد مقفى عنز أنت أسمك مناحي خلاص الوكاد قلت له أندعس بالمصباح السحري وأنا أخذه معي للسعودية
الوكاد يوم جينا السعودية لبسته شماغ وعقال وثوب وانا أتمشى معاه لقينا شباب يفحطون الرجال أنغث وقلت مناحي عندك ياهم وأنا باقف على أول الشارع أنتظرت 10-15-25-45- دقيقة الوكاد عقب ساعة جاني مناحي وعلى ووجهه طبعة كفر ورابط براسه علم ونص ملامح وجه متغيره وقال والله عجزت عنهم قلت اركب بنروح للأحوال أبيك تمسك سرا عني
الوكاد لقينا سرا طويل كنه سور الصين العظيم وقلت اذلف انت ووجهك وخلص أوراقي بسرعة
انتظرت 10-15-25-45 دقيقة الوكاد انه بعد ساعتين وربع جاني وبحلقه خرامه ومعلقين دباسة بأذنه وشعره فيه دبابيس سود حقات الأوراق طبعا بعد ما كملت عليه طراقات خذيته معي للبيت يغسل الحوش بس كذا عناد ومرة أول ماطلعت من باب البيت لقيت وغدان متكين على سيارتي ويدخنون رحت لمناحي وقلت له عندك ياهم أنتظرت10-15-25-45دقيقة الوكاد عقب ساعة جاني خايب الرجا وشماغه على متنه ذراعه عليه مكاوي الغبي ضحكوا عليه وكووه بيده علشان تطلع أقوى
ويقول أبغا خمس ريالات ابغا اشتري دخان خرمان
الوكاد خانقته وضربته مادريت الا الرجال قام يبكي ويصيح كسر خاطري وقلت شفيك فال أنتم ياسعوديين مطالبكم صعبة مهو زيينا في بريطانيا هناك أن عقدوك ومع حب خشوم وتطلب تلقاه يبي حفلة شاي بالهايد بارك او ويك إند على البحر هو وأهله او ياكل دونات هو وخويته على العشاء وقام ينخاني ويبيني ارجعه لبريطانيا وقلت ياولد مادام مامنه فود خلني أقلعه وأفتك من مصاريفه وكروز الدخان وعيال الحارة ألي كل ليله جايبهم عندي بالملحق ولعب بلوت ( الملاعين مردووه )
المهم قلعته على أول طيارة
وبعدها بـ 9 شهور
رحت لجدة اتمشا وانا عند أشارة طق على الجزاز واحد المسكين شحاذ نزلت الجزاز والا الرجال عرفني قلت انت منهو؟؟؟؟؟؟ ( ترارارارارارارارا ) =موسيقى تصويرية
قال انا مناحي قلت أي مناحي قال راعي المصباح قلت اركب بسرعة ركب المسكين وحالته مرة صعبة وقلت شفيك قال عقب مانزلتي جاني واحد سعودي ولقاني وقال اباخذك معي المهم الرجال سماني (حمتو) وقام يطلب مني طلبات كثيرة وصعبة لين انتهت قواي السخرية وصرت ما أقدر أسوي أي شي بعدها فالي أسمع أبغاك تطس وما أشوف وجهك إلا أخر الشهر ومعاك 4 الاف ريال
ومنها وانا اشحذ بالشوارع علشان اجيب الفلوس
خذيت المسكين لمطعم وقلت اكسب فيه اجر الوكاد اول مانزل الطلب مادريت الا واحد يصيح
حمتو ياكلب يا (طوووووووووووووووط ) =منع من الرقابة
وين الفلوس ناظرت والا مناحي فام يتراعد ويتصافقن رجلينه اثريه معزب مناحي ولا بسرعة البرق هج مناحي وحتى ماحط اللقمة في حلقه ومنها ماشفته إلى يومك هذا
وشكـــــــــــــــــــــــــــــــــــــ ــــــــــرا الموذي
ملاحظة : تقبل التبرعات لمناحي على رقم الحساب الموحد 99996666622222
معليش طولت عليكم علشان مايزعل مني مخاوي ولا تهنون كلكم لاني مطول
اهدي سلامي الحار لابو سلطان و لعمي الغالي أبو غازي[/align]
رد مع اقتباس
[/align]
المفضلات