صدقوا اللي يقولون هم العرس ولا هم الضرس

**الشبث** · 20-09-2005 03:04

[align=center]اقرب مستوصف خاص وشلوه

وعلمك بالشر

وتقلد تحيتي[/align]

**راعي الطيب** · 20-09-2005 03:16

المشاركة الأصلية كتبت بواسطة عبدالعزيز

انا قبلك صابن الوجع لكن من السوس ماهو اللثة هكا الحين ورحت للمستوصف حق الحارة ويوم دخلت على الدكتورة والا مصرية.ن اليا اقفت تقول مرسدس وايت ماء ولااقبلت تقول دركتر ... قالت أئعد بزمرة وانا انخرع وانجضع على السرير وقالت فين اللي بيوقعك ووالله يالربع اني شاورت له على ضرسي الايمن وهي الله لايوريك تخدرون وتشتغل بالايسر بنت أبا الطعمية حسبي الله عليه

ومن زود الذلة حتى ماعلمت اهلي .. هذا طبعاً يوم عمري سبع ويوم وصلت ال19اللي هو عمري الآن رحت لمستوصف سلامات عطي الله وظبطو لي الاثنين كلهن بتلابيس ويقال لي ان مامثلهم ابد ابد بعلاج اللثة ... هذا عند الدكتور احمد الاردني عندهم

وعندك بعد لمستوصف التخصيص اللي بشارع الملك فيصل اسعاره برخص الهدس وشغله نظيف ومايحتاج له فتح ملف وشغل نصب فاضي وهذا كل ماهذا انظف عنده

[align=center]يا هلا باخوي عبد العزيز

يا ملا اللي خذيت عقل البنت وضيعت بين ضروسك زين ما شالتهن كلهن وانت فاتحن افمك وتراعي له
اجل وبراسك عند الدكتور هذا اللي تقول عليه الاردني هذا وبما ان المستوصف قريب لكم نبيك توسط لنا عندوه تخبر لازم واسطه وقتنا هذا كله

المشكله الملوي من زود النذاله خرب على اللي تحته وعلى اللي بالجهه الثانيه وصرت اكل بسنوني اللي قدام تقل حصاده بسم الله علي

تشكر اخوي عزوز على هالمرور وعلى هالنكبه اقصد على هالموقف [/align]

**راعي الطيب** · 20-09-2005 03:21

[align=center]
شبيثان يالله حيوه

والله اني ما ادري الوالد والوالده يقولون لا تشيله والله اني ما ادري شكلي باتسر شايله شايله

بس مدري الوالده تقول دور لك على مطوع وخله يقرا عليه يقولون انه له قرايه هالضرس وانا ما ادري اقول مو معقوله لاهو مجنون ولا بوه بلا يجوز ليش لا

يعطيك العافيه على هالمرور الكريم هذا منك

لا هنت [/align]

**عبدالعزيز** · 20-09-2005 03:22

مار نسيت انا

مدامكم مغلقين درزن ليه ماتستقدمون دكتور يسمكركم ويديور؟

واما الدكتور والله ماتنفع معه الواسطة ولا ابشر به لو هي تحصل
وأوصيك بالمكاسر ترن اول ماجيته قال لي التلبيسة بخمس مية وتممت له وقبل الكشف دخلت علينا بنت.ن الضاهر ان سنونه منتثراتن بافمه حسب مافهمت من حالته اللي تحتاج لتقويم وهي تكاسر الدكتور الياما اندبلت قاعة تسبدي انا ماهو عاد هو وهو ينزل له الف من ستة الاف ويوم طلعت وانا اغدي لك معوه تقل بوسط مبسط خضره ويالله بالله نزل لي مية ... كااااااااااسر طع شوري تر حتى دخاترة هالوقت فش تح

**راعي الطيب** · 20-09-2005 03:33

[align=center]تسان الدكتور يفكن من هالوجع لو يبي زود عليهن اعطيتوه

ماهي مشكله بالفلوس(( ترا محفول مكفول )) يعني لا يهمك تخبر توي جاي للعجوز

من جده بعد طول غياب يعني زي ما انت خابر[/align]

**مجواد** · 21-09-2005 22:04

ياااااااااااااااخي الغالي

رح لدكتورر ويفضل يكون سوري او سعودي ذو خبرة لاتروح عند مبتدئ واوعااااااااااااااا المصري المصري

ولازم تسحب العصب والسعر اتوقع عادة 800 960 فاستعجل واستخير

والله صرت اخاف على سنك

**سيدة القـــــلم** · 21-09-2005 22:37

[align=center]طيــع شوري .. مافيكـ إلا الشمّم .. اشرب مــره .. ون شاءلله ماتشوف الا العافـــيه.. .. ..

ღ
ღ
ღ
تحياتي
عشـق القصـيد[/align]

**راعي الطيب** · 22-09-2005 14:09

المشاركة الأصلية كتبت بواسطة مجواد

ياااااااااااااااخي الغالي

[align=center]هلا بك يالطربه[/align]

رح لدكتورر ويفضل يكون سوري او سعودي ذو خبرة لاتروح عند مبتدئ واوعااااااااااااااا المصري المصري

[align=center]دعايه للسوريين او السعوديين هذي والا اعلان[/align]

ولازم تسحب العصب والسعر اتوقع عادة 800 960 فاستعجل واستخير

[align=center]شوف هو ضرس ان جاز له ويبي يتسنع معاي حياه الله وان ما بغا اللي حطه حط غيره واجد وان راح ما نقصن ضروسي وان قعد ما زادن[/align]

والله صرت اخاف على سنك

[align=center]يا بعد حيي انت والله وش لك بوه خله يولي يعله ما يرد[/align]

[align=center]اخي مجواد تسلم يالغالي على هالمشاعر الاخويه هذي واسف اذا فيه بكلامي تعدي[/align]

**راعي الطيب** · 22-09-2005 14:12

المشاركة الأصلية كتبت بواسطة سيدة القـــــلم

[align=center]طيــع شوري .. مافيكـ إلا الشمّم .. اشرب مــره .. ون شاءلله ماتشوف الا العافـــيه.. .. ..
ღ
ღ
ღ
تحياتي
عشـق القصـيد[/align]

[align=center]الله يعافيتس
اختي عشق القصيد يعني لازم اللي عندي شمم طيب ولا تزعلين وشوفي اللي صار اليوم تحت

لا هنتي وما قصرتي[/align]

**راعي الطيب** · 22-09-2005 14:26

[align=center]ابشركم ان شاء الله اني تعافيت

والفضل لله ثم لاخوي عبد العزيز بشوره علي وزي ما قال الشاعر شارو بشورهم علي والديه

والوالده الله يخليه ولا يحرمن منه (قولوا اميييييين)

اليوم رحت لمستوصف سلاحيي اقصد سلامات ويوم وصلت وافتح ملف واطلع للدكتور
(مهو الدكتوره)

واول ما دخلت قلت تكفى يا دكتور عندي اربع ضروس وكلهن خربهن الملعون هذا تشوفه قال ايه قلت حيلك بهن قال اجلس ويقوم يجيب من هالسكاريب والسكاكين والابر ويحط بفمي

شوي واحس اني ماكلن لي طماطه على كبره واجي ابي ابلع ريقي الله يكرمكم وانا اعجز وبغيت استفرغ يقول لي افطرت قلت لا قال متى علمك بالاكل قلت من قبل امس عشاء قال ليش قلت
وانت وش دخلك انا جاي ابيك تشيل ضرسي مهو تنشدن عن عشاء وغداي تسنك صادز تعال للبيت وابشر باللي يعشيك بس بعد ما تشيل هالضروس هذولي لي قال ما يحتاج نشيلهن كلهن بس واحد وهو ضرس العقل (صدقت امي يوم تقول دور لك على مططوع يقراء عليه)
المهم يالربع مالكم بطويله وهو يقعد يسمكر تقل يسمكر له بحراثه مهو بافم بشر وهو يشيله حسيت انه للحين باقي شي ما شاله وسالته قال هذا هو شف وانا اشوفه مير الله لا يوريكم ما تقل ضرس بشر والسوسه فاتحتن بوه تشليح وصاير تقل حفرة بنشري كله اسود من داخل يملا اللي
تبون الصراحه بغيت اصوروه واجيب لكم صورته واخلي الاخوان والاخوات هنا يسوون له تشرييح

المهم اني شلته والحمد لله احس اني تعافيت يعله ما يصيب الرفيدز

وبقا الدور على الباقين من العايله والله يستر...........

اشكر كل من رد منك يا اخواني على هالموضوع واتمنى انكم ما تزعلون من طريقة شرحي لانه فيها من القذاره شوي بس وش اسوي هذا اللي صار

اخص بالشكر اخوي عزوز واتمنى انه ما زعل من كلامي عليه

لا هنتوا [/align]يالعزوه