[glow=000000][align=center]السلام عليكم ورحمة الله وبركاته[/align][/glow]
[align=center]كان الشيخ/ راكان بن حثلين كثير التردد على حائل في وقته وذلك
لزيارة بن رشيد وكان شاعرا مجيدا وفي احد زياراته لصديقه بن رشيد
الشاعر الأمير/ حمود العبيد اخبره انه انشد قصيده لايستطيع احد من
الشعار مجاراتها فقال له حمود العبيد وماهي ؟ فقال بن حثلين :-[/align]
[poem=font="Simplified Arabic,5,white,bold,normal" bkcolor="black" bkimage="" border="solid,4,white" type=1 line=0 align=center use=ex num="0,black"]
عزات ياقلب تزايد شطونه=لاقلت زلت عبرته جا بدلها
واخلي اللي في محاجر عيونه=خيل مشاهير تطارد بهلها
يهل مراديم النظا اللي تجونه=ردوا سلامي نافل اللي نقلها
اتلا العلم به يوم قفت ضعونه=يم النفود وحد مقطع سهلها[/poem]
[align=center]فقال الامير / حمود العبيد عندنا الشاعر اللي يجيب افضل منه فقال راكان اذا
فيه شاعر يستطيع يجيب مثله له ناقتين من اطيب نياقي, فنادى الامير / حمود
العبيد الشاعر/ فهد الفويه واخبره عمّا حصل بينه وبين الشيخ راكان
فقال الفويه الرد حاضر متى ماطلبت حتى لو هالحين فقال حمود لا
ابي الرد الليله بعد ماينفضون الضيوف من عشاهم للقهوة فقال الفويه
حاضر (يامحفوظ ).
فلما انفضوا من العشاء تكلم بن حثلين وقال وين شاعركم ياشمر
فقال حمود العبيد موجود عطنا مردك يالفويه فقال :-[/align]
[poem=font="Simplified Arabic,5,white,bold,normal" bkcolor="black" bkimage="" border="solid,4,white" type=1 line=0 align=center use=ex num="0,black"]
اقول بيت ماحلا من فنونه=آخذ جدايدها وأخلي سملها
وقلبي علي قامت تصافق ركونه=ودليت اجيب القاف من محتملها
وبالكبد نار كنهم يشعلونه=حــٌرق صناديق الضماير شعلها
على حبيب فوتت بي طعونه=مرت علــٌي وصوبتني قبلها
أتلى العلم به والخدم يتبعونه=أقفت تعد خطاه تمشي مهلها
علي دين(ن) ماظهر مثل لونه=عندي فلا والله يخلق مثلها
كود القمر اليا ظهر من مزونه=يوضي على سكن الوعر مع سهلها
الخشم سلة خنجر يصقلونه=والملح والقبلة معازل جذلها
حسن التهايا كالقحاوي سنونه=بين الشفايا تقل يمرس عسلها
والبطن كالديباج لو تلمسونه=جديد ماعمر المزين شغلها
قلبي اليا راعيت شذرة عيونه=نثر عليها دودها ثم اكلها
وش سعر بالقلب لو تفتشونه=دود على بسرة ضميري دهلها
أبا اتمنى منوة تفهمونه=هني منهو للمودة غسلها
إما غسلته ربعنا يفضحونه=قلبي يبينها ويدرون اهلها[/poem]
[align=center]ولما انتهى الشاعر/فهد الفويه من قصيدته .اقتنع ابن حثلين ومن حضر معه
بأن قصيدة الفويه هي الأفضل وأوفى بن حثلين بوعده الذي وعده لـ حمود العبيد[/align]
[align=center]وتقبلوا تحياتي[/align]
رد مع اقتباس
المفضلات