[poem=font="Simplified Arabic,6,orange,bold,normal" bkcolor="blue" bkimage="" border="none,4,gray" type=2 line=1 align=center use=ex num="0,black"]
الأرض سالت والسما غيم وبروق = وزان الربيع اللي للاحباب جمّاع
وخذيت لي في مرقب الشرق طاروق = يشيب له ياالهاجري راس وذراع
وقفت أراعي يمّ أجا من ورا الطوق = وأرفع يدي من بعد وأومي با الأصباع
بعض الزمان يصير للآدمي عـوق = غصبٍ عليه ألا للأيّام ينصاع
ياناقتي وش علمك أخلفتي النوق = وأخلفتي سلومٍ للأجواد وطبـاع
ماعلموك أني شرايين وعروق = ومراكبن يقودها للهوى شراع
ما علموك أني مثل كل مخلوق = يبكي من الفرقا ويشفق ويلتاع
لو الصبر له تاجرن وسط ها السوق = نشريه لو غلاّ به السعر طمّاع
ندفع به الغالي ونصبر على الشوق = لا شكّ ما للصبر باالسوق بيّاع
ماكلّ ما تطلب يجي لك على الذوق = وما كلّ خطٍّ ترسله ياصل بساع
كم من رخيصٍ صار باالمجتمع فوق = وكم شيخ قومٍ صار يزحف على القاع[/poem]
رد مع اقتباس
المفضلات