[align=center]
ياناقتي وش علمك أخلفتـي النـوق
وأخلفتـي سلـومٍ للأجـواد وطبـاع
ماعلموك أنـي شراييـن وعـروق
ومراكبـن يقودهـا للهوى شــراع
ما علموك أني مثـل كـل مخلـوق
يبكي من الفرقـا ويشفـق ويلتـاع
لو الصبر له تاجرن وسط ها السوق
نشريه لو غلاّ بـه السعـر طمّـاع
ندفع به الغالي ونصبر على الشـوق
لا شكّ ما للصبـر باالسـوق بيّـاع
ماكلّ ما تطلب يجي لك على الـذوق
وما كلّ خطٍّ ترسلـه ياصـل بسـاع
كم من رخيصٍ صار باالمجتمع فـوق
وكم شيخ قومٍ صار يزحف على القاع
أخوي
مشeل
صح السانك على القصيده الراائعه والجزله
معاني قويه
وأبيات جميله
تنبض صدق وعاطفه
لو الصبر له تاجرن وسط ها السوق
نشريه لو غلاّ بـه السعـر طمّـاع
ندفع به الغالي ونصبر على الشـوق
لا شكّ ما للصبـر باالسـوق بيّـاع
ماكلّ ما تطلب يجي لك على الـذوق
وما كلّ خطٍّ ترسلـه ياصـل بسـاع
كم من رخيصٍ صار باالمجتمع فـوق
وكم شيخ قومٍ صار يزحف على القاع
الله عليك
رااائع
لكن انا عندي سؤال بسيط /
أنت ( مشعل )
الشاعر الجميل اللي بالمضايف
ومغيّر أسمك ....!!!
أو عضو وضيف جديد ( لأن مشاركاتك يدل على ذلك ) ..؟؟؟
وأذا كان مشعل غير وأنت غير
فياخوي فضلاً وليس أمراً
لو تغيّر أسمك لأن ( مشـeـل )
يشبه أسم شاعر معانا أسمه مشعل
هذا أذا ماكنتم نفس الشخص بس انا اللي توّي أنتبه للحرف الأنقليزي
وأنت حر يالغالي باللي تبيه فهذا محلّك قبل كل شي
على العموم
صح السانك على القصيده الرااائعه جداً
دمت بخير[/align]
رد مع اقتباس
المفضلات