أحبتي أسعد الله صباحكم جميعا........مجرد محاوله من محاولات العبث.....أرجو ان تتقبلوها
بصدوركم الشماليه الرحبه......عذرا لقلوبكم جميعا........
[poem=font="Simplified Arabic,4,white,normal,normal" bkcolor="transparent" bkimage="" border="none,5,white" type=1 line=0 align=center use=ex num="0,black"]
كنا صغار
قم نشرب القهوه وصك الشبابيك=
آسف تعال وضمني في يدينك
ودك نسولف عن سواليفنا ذيك=
يوم الامل يركض على رمش عينك
كنا صغار وضحكتي ساكنه فيك=
وصرنا كبار ودمعتي من سنينك
ماتدري اني أحسدك ليه انا اغليك=
وماتدري اني أنحسد من حنينك
كنت اعزم القمرا اذا حل طاريك=
وارسم على وجه السما شفتينك
وامسك يدين الشمس ان ذقت حاليك=
يكفيني اني ياحياتي ضنينك
مره نسيتك يومها قمت اغنيك=
واحرث خيالي قلت:اذكرك وينك
ويومي ذكرتك قمت أركض واناديك=
ماقلتلك:مجنون بيني وبينك
اضحك حبيبي ياعسى الله يخليك=
كلي فدى ضحكك وطلة جبينك
بس المهم الحين وش ودك اعطيك=
كلي تحت أمرك وكلي رهينك
آمر..تدلل..شاعرك بين آياديك=
ماعاش منهو في حياته يهينك
تبي قصيده قلتها قبل الآقيك=
والبيت الاول بالقصيده يدينك
لا لا تراي امزح انا آموووت وارضيك=
لكن ترى يصعب علي وصف زينك
والحين عاد الحين صك الشبابيك=
لاتبرد القهوه وانا اقول وينك؟؟[/poem]
رد مع اقتباس
المفضلات