السلام عليكم
موضوعنا اليوم عن شهامة العرب وكرمهم وجودهم وهاذا فيه استفاده كبيره لنا ولنعلم ان وقت ممن نتكلم عنهم هو قاسي جدا لايمك قوت يومه ولكن كما يقال الكريم معان
هاذي قصيدة للملقب بخر الذيب واسمه راشد العجمي وللمتتبع لاحداث هاذي القصيده يرى ان الريال الواحد يسوى الشيء الكثير وكيف ان هاذا الرجل حلف انه ماياخذه لقوت عزيمته ومحقريته لهذي الدنيا الفانيه مما خلد اسمه بين الناس حتى اصبحت هاذي القصيدة مضرب مثل 00
واليكم هاذي القصيدة رغم وجود بعض الملاحظات عليها وقد اجرى التلفزيون السعودي معه مقابله قبل اكثر من 20 سنه وقال اني لم اقل الولد ون جاد جوده من خواله وان تردى ترى خواله خايبيني هاذا الكلام نفاه وقال انا والكلام لخر الذيب قلت الولد ون جاد جوده من خواله ون تردى من حظوظ الوالديني 00
هنا انبه بمن يعرف عن هذا شيء فلايبخل علينا
هاذا وللشاعر قصائد كثيره لاتقل روعه وجمال عن هاذه القصيدة
وهو رجل كريم جداً اشتهر بتوصيل الناس بسيارته بدون ان يأخذ اجر التوصيل
فقد كان يعمل سائق في شركة ارامكو في المنطقة الشرقية وكان ياخذ كل من يراه في طريقة الذي يمر منه (بدون اجر التوصيل)الى ان اشتهر بهذا العمل النبيل 00
وحدثت له قصة مع امراه كبيره في السن وجدها في طريقة فوقف لها وكانت تلك المراة معها اغراض وعفش كثير
قال لها : ياخالة سيارتي لاتتسع لكل هاذا العفش
فغضبت وقالت له بغضباذهب وسيأتي ابن الذيب العجمي ويأخذني معه 00 فعرف انها لاتعرفه .. فنزل من سيارته وحمل مامعها واوصلها 00
وبعد ان تقاعد من عمله رجع لمنطقة نجران وضل على ذلك العمل النبيل (يوصل الناس بدون أجر) الى ان توفاه الله في حادث سياره 00
وهو على عمله النبيل ومعه احد الركاب مسافر من نجران الى احد المناطق الأخرى 00 الله يررررررحمه
والقصيد للشاعر / راشد العجمي المعروف بـ ( خر الذيب)
اليكم القصيدة
[poem=font="Simplified Arabic,5,orange,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالها إبن الذيب من هاجوس باله=كلمةٍ يلعب بها والبال زيني
قالها يومه طراله ما طراله=من هواجيسٍ تشيب المرضعيني
غرّني بعض الرجال بكثر ماله=مادرى إن الموت في حبل الوتيني
كيف ينفعني وبعض الناس خاله=ما يدوم البيت كان الساس طيني
ماش وين اللي عوايده الشكاله=مثل إبن ظافر حمد ليته يجيني
الثنا والجود دايم في خياله=علّمه ظافر سلوم الطيّبيني
جوّد العليا ولزّمها عياله=وأدركوا من علمته دنيا وديني
واهني من باع حظّه وإشتراله=سار في درب النبي وأخزا اللعيني
موقفه ماكل رجّالٍ يناله=ومن بغا ممشاه يقعد مرّتيني
وكم ذبح من حايلٍ من حر ماله=وعادته لطمة خشوم العايليني
حالفٍ ماخذ على الطرقي رياله=وبالثلاث محرّم إنها ما تجيني
لا لقيت اللي على السكّه لحاله=يلتفت ويقول : وين المستحيني
أوقف الموتر حيا وأبغا الجماله=يوم ولد اللاش وجهه ما يليني
والطمع في كرّوة الرجلي رذاله=خصّ به وإن جا مجال الغانميني
والردي في حالةٍ ماهيب حاله=يا عوينه من كلام الطيّبيني
الولد وإن طاب قالوا : من خواله=بالخوال يسال قبل الوالديني
وأركبه لعيون من زينٍ دلاله=ما تحاكوا في قفاه الرامسيني
ما بغى غيري وأنا مابغا بداله=قاعدٍ لي بالرجا مدّة سنيني
ما قعدنا فالعمل نبغا الرزاله=ناخذ العليا طريق الفايزيني
وأشرب الفنجال وأكب البياله=تابعٍ سلمي سلوم الأوليني[/poem]
(خر الذيب) واسمه ) ( راشد بن محمد العجمي)
اما لو حقون الليموزين مثله يحلفون ههههههه
تحياتي
رد مع اقتباس
المفضلات