طفولتي والخباري ( الاخيره)

**عيون السروق** · 27-08-2005 21:27

ياهنوووووووووووووووه وين وصلنا بقصتي ترو ذاكرتي مامن صمايل

اشوا يوم خبطت راسي بالجدار تذكرت الحين ،،،

الوكاد ويوم جا من باتسر وانا اجمعهم على الددتسن وارتسبهم بالحوض ،،

( ادري تقولون هذا يوم انه وغد تسيف يسوق السياره )

لاتخافون علي انا ذيب حاطن لي مخدتين ودوشق وفروه وقوطي حليب دانو على المرتبه

(الكشن) وجالسن عليهن وحاطن واحد من الوغدان اللي يعتمد عليهم عند الدواسات يدعس

على البنزين والكلتش ،،

المهم وصلنا للخبره المعنيه آنفة الذكر ( قريت هالجمله بكتاب كيف وهل كيف وماعاد بوه

كيف)

وانا انزلهم واثاري بوه واحد من الوغدان دب وشحوموه تخضخض كل مامشى ( جديد على الشله

السابقه ) لابسن ملابسه وانا اكمخه هاك البقس اللي من قوتوه غدت شحومه تخضخض اسبوع

دزدام ،،

مالكم بالطويله ،،

ردينا للبيت لان النهار راح علينا وحنا نجدع هدوم شحيمان ،،،

ويوم جا من باتسر وانا ارتسب الددتسن ومارتسب معي الا فيد الدواسات انتم خابرينه ،

والباقي قلت لهم يالله دزامي على رجليكم وان سبقتكم والله الا تشوفون شي ماشفتوه

بعمركم ( طبعا انا هني قصدي الدش اللي هو الستلايت ) ،،

وقصدي من هالاسلوب الترهيبي اني ازرع في قلوبهم الحماسه ورباطة الجأش ،،

يوم اني وصلت هناك والا بوه هاك المعصقل اللي ماودك انوه يطلع لك بالليل من حدا الجروف والله

الا ينزلق عقلك من الخرعه ،،

قلت من انت وشجابك بهذا ،،، قال لي انا مع الوغدان اللي

مشوين وسبقتهم ،، ( اهب ياوجهوه طلع سبوق ) ،،

عاد انا أبت علي كرامتي الا أن اكمخه مثل شحيمان عشان مايسبقن مرتن اخرى ،،

وانا اطلع القناه وانا ارصه مع هامته الا غادين دمانه يرشح ،،

يوم جو الوغدان وهم يقولون لي هذا ولد امير القريه وشعملت بوه ،،

وانا ازقحه على كتفي واوديه يم الطبيب اللي بالقريه الثانيه ( حيث انه لا يوجد لدينا طبيب

بقريتنا ) الوكاد وهو يروح علينا النهار وحنا ماسبحنا ولاتعلمنا السباحه ،،،

ومرت علينا الايام والاسابيع لين جفت الخباري وماتت الدغاليب وحنا ماسبحنا ،،،

وهم يقعدون يتبتسبتسون الوغدان وهم ينهجون يم شيباننا ويعلمونهم بالسالفه كله من اول يوم الين فلقه ولد الامير ،،

وهم يطرحونن ويدبونن دب حتى عدوك ماودك يندب كل هالدب ،، :629r: :507r:

ومن يومها وانا محد يبينن ولا احد يمشي معي ،،

وهذا اللي حصل معي بالخباري وياليت فهمتوا العبره من هذي القصه ،،

ادري كلكم تقولون حسافه الفلوس اللي دفعناه على هالقصه المروحه بس ارجوا انكم استفدتوا

أن من سل سيف الظلم قتل به ،،، ( ياويل قلبي وش هالامثال المترونقه ترونقن شعشاعـًأ )

ملاحظه : الدغلوب اللي اعرفه مثل ماقالت اختي تعاليل هو ابو ذنيب وابو ذنيب هو حيوان وليس

حشره يشبه الضفدع الا ان له ذيل يشبه ذيل السمكه ،،

ودمتم،،،،،،،،،،،،،،،،،

**الشبث** · 28-08-2005 01:20

[align=center]مار هذي تاليته

صارت دغاليب وانا بس اتحراك وشلون تسبح

ياعلوه خير

وياعله قدمت فلقت وغد الامير

وتقلد تحيتي[/align]

**احمد الهاجرى** · 28-08-2005 09:17

[align=center]
هذي اخرتها جالس لي اسبوعين افكر وشلون هالرجل بيسبح في الخبرا

وفيها الحيوان ابو ذنيب

واخرتها جفت الخبرا ولاسبح ولاسبحو الوقدان الي معوه

قصتك تشبه الى حد تسبير قصه السدحان

احسن مافي القصه ان صاحبها بطل الفليم هو الي يضرب ولاينضرب الا في الاخير

تسلم وتحملنا شوين تسن حنا زعلنا عليك

تحياتي[/align]

**تعاليل** · 29-08-2005 12:26

[align=center]بالله هذي .... تالية سالفتك ...

بالله .... تمنيت إني مع وغدان القريه .. أدبك
تسان للحين وانا طايحتن بك دب .....

ومسوي قصه .. وأجــــــــــــــــــــزاء ... وحركات
وانا افكر شلون سبح بالخبرى .. ورجعتنا لأيام الطفوله
تدري عاد .... ودك تألف لي قصه .. بها خبرى بس بشرط انك
سبحت بها ... ولا وابيك تجمع دغاليب بعد ...

أصــــــــــــــــــــــــلن أنا الخبيله اللي أصدق انك
تسبح بالخباري .. بعز الشتاء ... ياغبر والله ما تقوم لك قايمه
غير يخشك برد . . .

عيون السررررروق .... الله العليم الله العليم
إن اخونا ابو هاجر .... يحسب إن الدغــــــــــــلوب .. حيوان
برمائي خطير ... الله العليم يحسبوه تمساح .. خخخخ

شرايك نرثع بوه ...

تعاليل[/align]

**نافع بن طواله** · 31-08-2005 19:53

أثري السالفه هاللوووووووون

يعني شهادات الخبره اللي عندك بالخباري الجافه

يعمي تخصصك السباحه بالخباري الجافه

والله تخصص نادر

وإنت وين تلقى ؟؟

يعني اللي يبيك شلون يحصلك

والله منت بسيط خباري جافه ؟ والله شي عجيب

عاد عساهم ( العيال ) يطفحون بالطين

وهل يجيدون سباحة الفراشه على الطين؟

يقولون (( عمر )) سمكه طينيه

**عيون السروق** · 03-09-2005 06:17

[align=center]اخوي الشبث شكرا على مرورك الكريم ،،

مار ماهذي تاليته ابشرك سبحت عقب مادبونن الشيبان بس محد من الوغدان معي

ولد الامير عقب الفلقه صار من اعز اصدقاي ( مايحبك الا اللي يفلقك ) تسذبت عليه بالمثل هذا

وصدقن

وانشالله اني اعزمك على لك خبره تجوز لك وتشوفن شلون اسبح على يدوياتي

ودمتم،،،،،،،،،،،[/align]

**عيون السروق** · 03-09-2005 06:25

[align=center]اخوي الهاجري شكرا على مرورك ،،

وانت مصدق اني ابي اسبح دزدامكم وشتبيهم يقولون عني ،،،

الوكاد عندي لي شريط فيديو مصورن روحي وانا اسبح بالفروه تسانك

تبيه قلي وابشر بوه ،،،

وتسانك ماتبي الشريط خوفن من حتسي الناس ( وانت خابر الناس

عليهم لسان اقشر ) تعال معي انا والشبث واوريك وشلون السباحه ،،

ملاحظه : لا اسمع حديكم يقول لي امزح والا تحملنا انا ماجيت

للمضايف الا اني عارفن عنكم كل خير (( وصدر الشمالي مايضيق

بساع ))

ودمتم،،،،،،،،،،،،،[/align]

**عيون السروق** · 03-09-2005 06:37

[align=center]اختي تعاليل ياوجه الشر ،،،

عيب على البنت تبحر بنا وحنا نسبح مار الوكاد اني سبحت ومحدن درا

بي ،،

واما عاد اني أألف لتس قصتن لحالتس وعن الخبرا ماظنتي والله لو

تحبين كوعتس ،،،

اقول اتركي عنتس حب الخشوم ماني مألف لتس قصة ،،

وبعدين ليه منتي مصدقتن اني اسبح بعز الشتا انتي شايفتن خبيل يوم

اسبح من غير فروتي ،،

وبعدين بالنسبه لاخونا ابو هاجر مقدر اسوي لوه شين خايف منوه ( يسمه بالمثل اللي يقول اتقي شر الحليم اذا غضب ) والله ان قربنا يموه الا يرثع بقشنا حنا ،،، :629r:

ودمتم ،،،،،،،،،[/align]

**عيون السروق** · 03-09-2005 06:50

[align=center]هلا بك مليوون اخوي نافع ،،

وانت كل مارديت علي قاضبن علي اخوك عمر واخوك عمر ،،،

ليكون مناسبوه وانا مدري ،،

ترى عمر يوم انا اعلمهم السباحه بزماله متستفتوه امي وين يجي

يسبح معنا ،، :192r:

بالنسبه لخبرتي هذا خبره مكتسبه ذاتيين (( يعني من كثر دوجتي عند الخباري )) يعني من غير شهادات ولا دروس ،،،

مهو مثلكم كود تروحون لنادي صحي ،،

وبالنسبه للوغدان ليومك هذا مابهم اللي يعرف يسبح ليومك هذا ،،

واللي يبينن يدورن عند الخباري ترى مالي قلبن عليهن ابد وابشروا

باللي يعلمكم السباحه بس مهو تسوون بي سوات الوغدان تنهجون

تعلمون علي ،،،

ودمتم،،،،،،،،،،،[/align]