[align=center]السلام عليكم
*********************
بالخير ..........
هنا الأصيل أبو همزه
الملقب بـ أبوثوب ( الله يخليه لكم ولأهلوه )
يالربع أنا الظاهر إن حماتي داعيتن علي
ماأنفع بسبع المذاهب ...
ما بي فود لله ..
ما أعرف أطبخ ..
ولا أعرف أسوي توقيع
ولا لي بالكمبيوترات
ولا أهش ولا أنش ..
تقول رضمه ( الله يدفع البلا )
العلم يابو ثوب؟
يابن الحلال .. خله على الله ...
*********************************
قالو الشباب ..
يابو ثوب .. نبي نروح للبحر .. نبي نسبح
( مساكين اللي ماحولهم بحر )
قلت : مشينا
..............................................
وصلنا للبحر .. يمار إن بوه ماء ( بالله عليك )
أنا ياخويكم ما أعرف أسبح
والعيال .. كلن رمى ثوبوه .. وجاك على بطنوه وظهروه .. تقول سمك
ونا لحالي وادزف على جال البحر
قلت ياولد ..
لازم تشارك معهم ..
ونا لك أجي عند الجال .. ونا أبسط ...
كل ماجت موجه .. يمار أنا على التراب
وبسررررعه أدخل قبل لايفطنون لي العيال
أبد .. على الجال ..وأتربع
اللي يشوفن يحسب إن الماء واصل ليا حلقي
ونا متربع تربع ... ( لو تحصل لي كاسة شاهي )
الشباب .. يتسابقون بالسباحه ..
على البطن والظهر والفراشه
وينجظعوه جظوووع ولا يغرقون مسابيع الأبو
المهم ... مشينا .. ونا بي حسره مايعلم به ألا العزيز الحكيم
قلت يابو الأصايل
هالحتسي مايصير أبد
لازم تتعلم السباحه
*****************************
رجعت للبيت ..
وقلت لبني خيي ...( يعرفون يسبحون )
أبي أحجز لكم مسبح على حسابي
هييييييه هييييه هييييه ( لجة الوغدان .. مبسوطين من الخبر ):480r:
وفعلننننن
بيوم الحجز ... رحنا للمسبح
20 متر طول
×
5 متر عرض
وقاسمينوه قسمين
قسم غريدز ... وقسم للوغدان
وبين القسمين : حبل وبوه مثل الكور الصغيره
أخوكم ... أبو ثوب
نزل ...
يوم نزلت .. يمار إني خايف ..
حدا العيال معي يعلمن
يقول : ياخالي : انجظع على ظهرك
قلت :جليه فراش ؟؟؟
أخاف أغرق
قال ياخالي : ماحنا بالمحيط الهندي
قلت : المحيط الهندي والعربي .. والمسبح .. كلهن يغردزن يالبناخي
قال : طيب .. ارخ جسمك ..
قلت : ما أقدر ،،
قال : اقظب الحبل ،، وانبطح ..
ونا لك أتجود بالحبل .. وأنبطح ..
مافطنت ألا أنا منسدح على أرضية المسبح
الهواااااااااا
ونا أفووووووووووووووووووووووع
يمار الما بخشمي .. وصار الهو بالحسره
سلامات ..
الله لايسلمك
ياخالي : ليه كربت جسمك ؟؟
قلت .. وشيدريني
المهم ..
خلوني لحالي .. وادزف على رجلي بوسط الحوض
*************************
واحد من الوغيدان .. معوه طفاحه ( ستره يلبسها الوغد .. تجعله على سطح الماء )
قلت ... بناخيي ..
شلون هالطفاحه ؟؟
قال : ياخالي .. منتازه ..
حطه حدر بطنك .. وكز روحك .. وراح تعووووم ..
قلت : عطن أبي أجرب
حطيت الماخوذه حدري
ونا أكز روحي
منتااااااااااااااز
ألبط بيدي ورجلي
قطعت مسافه مترين
لكن ...
مدري وش اللي حصل .. وهي لك تزل من حدري
غديت سما وما
فلان .. لعنبو دارك لاتخليني
أحس إني في أعماق المحيط الأطلسي
في مثلث برمودا
بين الحيتان وأسماك القرش الأبيض يتفع باليوم الأسود
سمعت صوت يقول :
ياخاااااالي : ودزف
يوم حطيت رجلي .. يمار الماء واصل لحدر الركبه
الحقيقه إني فشلت بالحيييييل
قلت يابو ثوب ،،،
ما لك بالطيب نصيب
خلك من الفله وجاي
عاد يالربع ...
اللي يبي يجبر بخاطري
لو يحصل لي توقيع
أشوف هالزقرت ..
كلن ناذخ لوه بتوقيع
ولا واحد منهم قال أبي أتصدق صدقه على أبوثوب
ليه ؟؟؟؟؟؟؟؟؟؟؟؟؟؟؟
طرا على تسم بويت[/align]
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تكزون التوقيع للناس=وشعلمكم محدن ذكرني بتوقيع؟
ياراكبن من عندنا فوق عرماس=رح للمخاوي قل نبيكم مفازيع
ون جيت خالي قل ترا صابن الياس=وصارن بناتي بالبرايا مفاريع(يادافع البلا)
واهل القصايد يوم تاتون نبراس=هات القوافي وابدعوها بتبديع
وقولو لخو طنخا ترا الفاس بالراس=نباطتك جيبه .. وجيب المدزاليع[/poem]
[align=center]وسلامتكم
الله من الشماته اللي تبي تجيك يالأصيل[/align]
رد مع اقتباس
المفضلات