[align=center]السلام عليكم
المعذره كان القصيده مكررررررررررره
[poem=font="Simplified Arabic,5,orange,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
واعين ياللي ما تهنت بهملاج =عن نومهـا قزاهـا البيـان المفاجـي
وأمسيت في صدري من الوجد وهاج= ومما دهى عزمي تكدر مزاجي
لا وا طلال اللي عليه القضا راج= واقفا عن الدنيـا طليـق الحجاجـي
وفيه الحسايف عقبت في سوهاج= ولى القضا مالي عليـه أحتجاجـي
مرحوم ياللي لك على الطيب منهاج= يالشيخ يالشهم السماح الهجاجي
عسى مقرك ياسند كل محتاج =في جيرة اللي من هـل النـار ناجـي
ياضلع أجا تدعيك أبانات وسواج =وسلمى تحثـك يمهـن بالرواجـي
تبي تشارك فالعزا ذيك الأبراج= وتزعـج عبايرهـا بهـاك الهباجـي
ولو سيلت من دمعها أزراج ٍ أزراج= تعذر الى ناحت سراج الذياجـي
الصبر ياشمر مفاتيح الافراج= عقب الفراق اللـي شرابـه هماجـي
الله يجبر كسركم عقب هداج= ريف الضعيف اللـي يجيـه متلاجـي
ولا ينجبر كسرٍ تمكن بالأمهاج= وجرح المنيه ما لقـي لـه علاجـي
ياليت لأخذ الثار فالشيخ مدراج= كان أنتخي وأنخا فهـود الزراجـي
ويفاجي أهل الجلف والنور ما نباج =جمع ٍ يفرقهـم وهـم فالمحاجـي
جمع ٍيجي له فوقهم عرك وعلاج= لين يغشى هاك الصحاري عجاجي
تاخذ سنه والذيب فيها الـى داج= زاده رخـا مـا يلتفـت للنعاجـي
لو البكا نوع ٍ من أنواع الازعاج= ويزيد من نبش الجـروح اللواجـي
قدامنا سعدون للدمـع زعـاج= ولا ردت الدمعـه عقـاب العواجـي[/poem]
تحياتي[/align]
رد مع اقتباس
المشاركة الأصلية كتبت بواسطة عبقرينو
المفضلات