[align=center]السلام عليكم ورحمه الله وبركاته
هذه قصيده للشاعر المعروف / رشيد الزلامي[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالوا تعلمت قلت : عناد وفراسه = اعاند النفس والدنيا واصارعها
ودرست في مدرسة من شيبّت راسه = دنيا العنا اللي قصيفاتٍ مطامعها
تلميذها دايمٍ تكتب بقرطاسه = وتعطيه جملة دروسٍ مايضيعها
والله عطانا نظر وشعور حساسه = ناخذ علوم المعرفة من مراجعها
ونساير الوقت ونقيسه بمقياسه = ونواجه النفس بالواقع ونقنعها
وترى حياة الفتى : مهما قوى باسه = محفوفةٍ بالخطر والموت تابعها
من مبتدى العمر حتى يلفظ انفاسه = يمر في مرحلة تكثر زوابعها
أول حياة الفتى مشوار وعساسه = مسافةٍ في عجاج العمر يقطعها
وثاني حياة الفتى تدريب ودراسه = تصعب ظروف الحياة وينشغل معها
وثالث حياة الفتى يرجع على ساسه = النقطه اللي بدى منها يراجعها
يرجع لسن الهرم ويضيّع الطاسه = ويزحف مع الارض ويخطط شوارعها
واليا تلاقت متونه وارتخى راسه = ضاعت جميع العلوم اللي يجمعها[/poem]
رد مع اقتباس
المفضلات