[frame="9 60"]
[align=center]لقلوبكم اهدي هذه المتواضعه [/align]
[poem=font="Simplified Arabic,5,blue,bold,normal" bkcolor="transparent" bkimage="" border="double,4,blue" type=2 line=0 align=center use=ex num="0,black"]
يالغلا قلبي يلفنه همومه =لفة الاكفان لأجسادٍ همايد
طوقتنى وأجزت العينين نومه=لين صاب الطرف بأسبابه سهايد
وهلت الاشجان من موقي غيومه=وانتثر مع وبلها دم الورايد
قمت امزع من حنى جوفي سهومه=وازعج الونات ودموعي بدايد
آآآآه لامن صحت بانت بي ثلومه=زفرتى آهات وشهاقي نهايد
وان كتمت الآه مافيني عزومه=وكل طيرٍ اطلقه ماهو بصايد
فوق اطلال المحبه حط حومه=ينعى الاطلال واحبابه بعايد
اظنى انى قبلهم فيني عدومه=مأهاب الوقت وايام الشدايد
وعند مافصل الخطاب وحل يومه=ساعة الفرقا لفتنى باللهايد
اشر بكفه ومسح فى كمومه=دمع عينٍ مثل هتان الرعايد
والتفت لي بنظرةٍ صلفٍ سمومه=ساق موتى موقها علمٍ وكايد
ماقويت السير خانتني قدومه=وهامتى طاحة على ارضٍ صلايد
ياعرب ماعندكم كفٍ رحومه=تسند المكسور او تعطى وسايد
ترحم اللي لفته عثرة همومه=وألالم اصبح على الخفاق سايد
رافق الهاجس وصار الحزن تومه=في صلاته في حياته والرقايد
بس اهوجس في صحا فكرى وحلومه=بالعنود اللي لجمع الريم قايد
وعسي منلامنى ربي يلومه=في مهاة الجيد زاهيت القلايد[/poem]
[align=center]
القلب العديم[/align][/frame]
رد مع اقتباس
المفضلات