السلام عليكم ورحمة الله وبركاته
فليعذرن اهل المضيف لان السالفه ليست من افعال جدودنا او من التاريخ البعيد ولكن قصه واقعيه اعجبتني واحببت ان انقلها لكم امل ان تحوز على اعجابكم :
وهي قصة وقصيدة للأخ الشاعر / عبدالرحمن بن سعدي بن شاكر الغيثي الشمري..
والذي عمل ولا يزال يعمل معلماً في المنطقة الشرقية (الثقبة)...فإلى تفاصيلها:
أصعب شيء في هذه الحياة هو فراق من تحب ووداع من تهوى...إ‘ذا ودعت أماً أو أباً أو أخاً و أختاً... كادت روحك
أن تزهق من الألم واللوعة....ففي سبيل حبهم تستعذب كل ما يذكرك بهم من أيام وليالي. وإن كانت بدموع الشوق ..ومن أعظمها الوطن...
نحن لانحب أوطاننا لأجل ترابها وهوائها...ولكننا نحبها لأجل من سكنوا بها ومشوا على ثراها...قال أحد الشعراء القدماء :
[poem=font="Simplified Arabic,5,white,normal,normal" bkcolor="skyblue" bkimage="" border="none,4,gray" type=0 line=0 align=center use=ex num="0,black"]
بـــلادٌ ألفـنـاهـا عـلــى كـــل حــالــةٍ=وقد يؤلف الشيء الذي ليس بالحسنْ
وتُستعـذب الأرض التـي لا هــواً بـهـا=ولا ماؤهـا عــذبٌ ( ولكنـهـا وطــنْ ) [/poem]كيف بالله لو كانت هذه هي "حائل" الجميلة الفاتنة ...ماذا سيقول الشعر و الشاعر عنها..؟
القصيدة التي سوف تقرؤونها بداية قصتها كانت مع الطالب (حميدان الناصر الشمري..من حائل) وهو من طلاب الشرقية...
في أول يوم أداوم فيه بالشرقية شعرت بسعادة كبيرة تغمرني وأنا أسمع أسماء الطلاب...والذين أجزم أنهم من حائل الفيحاء.
وهل يلام من يسمع باسم " حايل و شمر" ولا يفرح...لا أذم الآخرين...ولكن قلبي ليس ملكا لي وبيدي ولكنه يميل لمن أحب....
قام (حميدان) باختيار بعض الصور وتقديمها لي وهو يقول : (هذولي من حايل جابهن خالي خذهن لك يا أستاد).سألته(ليش ياحميدان؟؟ قال على شان ماتنسى حايل!!!!)
لم أنتبه لنفسي إلا وأنا أترنم بهذه الأبيات لأُمي (حائل) فاقبلوها...
للشاعر : عبدالرحمن بن سعدي بن شاكر الغيثي الشمري:
"
[poem=font="Simplified Arabic,5,white,normal,normal" bkcolor="black" bkimage="" border="double,4,burlywood" type=1 line=0 align=center use=ex num="0,black"]
بديت بذكر من قدَّر مقاديره على الأكوان=ولا غيره يدير الكون ولا أحدٍ يعلم صروفه
ألا يا لله يا عالم خفي الحال لو ما بان=وألا يا سامعٍ صوت النمل بالليل وتشوفه
وألا يا لله يا منجي خليلك من لظى النيران=حميته واليدين اللي دعت للحق مكتوفه
شكى يعقوب فرقى يوسفٍ وابيضت الأعيان=ورجع له ما تمنى عقب دهرٍ شانت ظروفه
دعا ذا النون في ظلمة ثلاث وجاه منك إحسان=ظلام الليل وبطن الحوت وبحر تصفق زحوفه
تعالى الله رب الكون مولانا عظيم الشان=تحدى من تكبر والعدو دعواه مكشوفه
هو الأول هو الآخر هو الواحد هو الدَّيَّان=توكلنا عليه ومن توكل زال به خوفه
طلبنا منك عفوك وأنت راع العفو والإحسان=وكلن مذنبٍ والنفس بالآثام موقوفه
إلهي نسألك سترك تعافينا من الخذلان=ولا تجعل لنا أعمارٍ مع أهل الشر مصروفه
إلهي أسألك قولٍ عدال ومنطقٍ مليان=دخيلك عن ردي الهرج والزلات بحروفه
سلام الله على ربعٍ على روس الزمن تيجان=وأظن الكون لو غابوا حزينٍ من يبي شوفه
هل الطولات والتاريخ عمود الدار والأركان=وأنا حالف برب البيت ما حدن يلحق وصوفه
(سنجاره) و(عبده) و(الأسالم) دوم و(التومان)=خذوا مجد العرب واللي جحد عينيه مطروفه
نفخر يا ذكروا (زوبع) وجابوا طاري (الجربان)=تواريخٍ مع الأيام بالأمجاد محفوفه
وسطع نجم (الرشيد) وصيتهم بين العوالم بان=شموسٍ للمكارم ماتغيب وتعلن كسوفه
جميع (أخوان نورة) بالملاقى والوغى شجعان=تشهد (نجد) بأفعال (الجنايز) وتعلن وقوفه
بحد السيف جابوا نجد ومن غرب البحر لإيران=ومن حدود اليمن لحجازها ولمشهد الكوفه
دروعٍ للجبل في يوم ناره تجهر العميان=يبيعون النفوس رخاص والأرواح مشغوفه
عوى ذيب الجبل بالغار من مر الدهر جيعان=وقام (الشمري) وعشَّاه وكنّه من حدا ضيوفه
(ومجيدع) يوم راح وطاح تذكر فزعة (الشلقان)=كسير الساق ما خلوه..وكلن ولم كتوفه
(ومفتاح) البطل نوّخ وعيا يطاوع العدوان=(أخو سلمى) انتخى وأرخى على العدوان بحتوفه
(شمر) ما لهم شاهد..لا من إنس ولا من جان=(شمر) يشهد التاريخ..وانشد ساطع حروفه
أهل رايٍ يصيب ولا يزيغ بزوغة الأذهان=وأهل معروف ما ينسون من جاهم بمعروفه
أهل جيره وأهل نخوه وهم للمشتكي مزبان=اهل عزمٍ وأهل حزمٍ إيلامن سلوا سيوفه
أهل رمحٍ ليامنه تلالا وقَّف الغلطان=وأهل خيلٍ عليها ليوث بسيوف الهند مرهوفه
إليا صاح الصياح بيوم حومات الوغى فرسان=(طنايا) ما تهاب الموت وكاس المُر مرشوفه
ألا يا سعد من ينخى (الطنايا) ويوفي الديان=ليا بار العميل بحد سيفه يوفي سلوفه
أرسى من الجبال قلوب وفي يوم اللقا طوفان=مجانين الحروب إليا ظهر للحرب زعنوفه
وإليا قالوا لنا الميدان مانفرس سوى الشيخان=فلا نظلم ولا نخدع ولا الميزان مطفوفه
لهم بالجود منهج (حاتم الطائي) مع الضيفان=ذبح بنت الأصيل وقلَّطه في حضرة ضيوفه
ألا ياحلو يا حيَّوا وجابوا من الكباش سمان=ودلالٍ من عمل بغداد بجال النار مصفوفه
ألا ياحلو مجلسهم بسوالف ماقربه شيطان=أنا أشهد من تفارقهم تموت النفس بحسوفه
لطيف أقوال وطيب أفعال وكل عقولهم ميزان=وكما أمواج البحر بالجود يا من جادت كفوفه
يا ربعي لا تلوموني كوتني لوعة الأحزان=دموع العين بالخدين مثل النار مذروفه
ذكرت الدار والخلان ذكرني بها (حميدان)=وجدد في ضلوعي جرح حالي منه منحوفه
أنا وإياه يا هب الشمالي حرك الأشجان=على دارٍ أبيع الروح لعيونه وأنا أشوفه
(حايل) ما مثل (حايل) ولو دورت بالأوطان=عروسٍ بالشمال وجوهرة بالحسن ملفوفه
ألا يالله لا تحرم عيوني من نظر (برزان)=و أنا المشتاق وقلبي من عذابي زاد راجوفه
يا حظ اللي تمشَّى في شعيب (المشط) أو (بركان)=ومتع ناظره والأرض بالأزهار محفوفه
(وعقده) مع (مشار) ليا جلس بظلالها الولهان=علاج الروح كانه من عناها زاد لافوفه
(وأعيرف) يا تبيَّن وارتفع للقوم والعربان=كما شيخ وزعيمٍ يربك التفكير بوصوفه
(وأجا) للي لجا ملجا إذا هو خايفٍ زملان=(وسلمى) من سكنها ما يجيه الضيم ويلوفه
وحمر النفد وطعوسه كما اللولو كما المرجان=تعلت في نوازيها بيوتٍ ما أسعد ضيوفه
ديار ترابها الياقوت ونفح أنسامها ريحان=وعذب زلالها كنه من الجنات مغروفه
ديارٍ مانعيفه ولا نبيعه بأبخس الأثمان=لها مثل الذي للوالدة فضله ومعروفه
أنا ما أبي بدل عن (حايل) الفيحا من البلدان=ولو يعطوني الدنيا وملكٍ ماأحصي طروفه
أحبه يابعد حيي لها في خافقي مسكان=ونفسي عن سواها والبشر ماهي بمكلوفه
(حايل) للهوى والعشق ودروب الوفا عنوان=هي أول درب عاشقها ونهاية عمر ملهوفه
لها والله في قلبٍ يحبه هيمنة سلطان=لها أشواقي تزود وتحرق االخفاق مزغوفه
(حايل) لو تناسيناه ما ينفع بها النسيان=تزورك كل وقت وفي عيونك ترسم طيوفه
ألا يالله تسقيها سهلها والجبل بأمزان=وعلى خيرٍ توصلنا لها والدار بريوفه
أنا ياخوي يا (حميدان) كفاني من الدهر ما جان=شربت الهم بكفوف الليالي وذقت زاعوفه
أنا لي قلب يا(حميدان) قاسي وثابتٍ مالان=وليه اليوم قلبي صار ريشٍ وسط عاصوفه
أنا دمعي عزيز ولا حدٍ شافه بعيني بان=وراسي ما حنيته ولا حناه الوقت بضعوفه
أروح بعزتي وأرجع ولا يهمن من اللي كان=ونفسي من قديمٍ رافعه عن فعل سفسوفه
عطشت وما شربت بكف غيري يا شرب عطشان=وردت العد بذراعي وحبل الذل ملفوفه
أنا اللي ماغدرت بصاحبي ياخانه الخوان=وأنا اللي ما تبعت النذل ولا قاربت ملقوفه
أنا ما أدور الحيلة ببنت العم والجيران=إذا ما دوره نذلٍ عسى الله يقطع شفوفه
أنا من فضل ربي سمعتي ما دنست بأدران=وعرضي أبيض من الشاش والدنسات ما أحوفه
أنا ما همني عفن السجايا الخايب الكسلان=ولا يخدعني الكذاب يامن جاك بزيوفه
عفيف عن المعايب مسمعي والمنطق الغلطان=وعيني عن مساوي الناس وعرض الناس مكفوفه
أنا لمن صاحبن لله مثل الما على الظميان=وعلى كبد الخبيث مدور الحاجات ذايوفه
ألا يا طول ليل اللي غريب وودع الخلان=وروحه تشكي الفرقى..على الأحباب ملهوفه
بديت بذكر من قدر مقاديره على الأكوان=وصلاة الله على اللي دلنا في ظلمة صروفه [/poem]
اتمنى انها اعجبتكم
رد مع اقتباس
المفضلات