ما اقول الا ياشين العجله بس
ياخوي قبل ربع ساعه فتحت صندوق الرسايل وعرفت عن المقابله , وليه تنهونه هالسرع ؟
عناد لك يالمخاوي وزود عباطه ابنشده وتسان هو ما جاوب ابهجيه بقصيده من قصايدي المقاسيه خخخخخخ واذا جاوب بدبلوماسيه ابهجيه بقصيده عربيه فصحى خخ اما اذا جاوب واستعجل او ما جازن لي اجوبته ابهجيه بعد , هاجيه هاجيه الله لا يعوق بشر
سين سؤال : وليه ما تعلم بعمرك , يعني علشانك شايب , طيّب ياخي هذا المخاوي عمره سبع واربعين سنه ومع ذلك لو تنشده يعلم
سينين سؤال : ماشفت للمرقوق طاري بهالمقابله وانا من الناس اللي اقدر المرقوق ( طيب حنا وش علينا ) فرجاء انك تمدح المرقوق مار لو علشاني .
السؤال الثالث : حسب علمي انك لاحدزن على طبخ العرفج وانا تغالطت مع عمي عن سنة طبخة العرفج فأبيك تفلّج لنا وتسان انا فلجته ابشر بمفطح على الدي اتش ال للكويت
السؤال الرابع : وليه تمغطون الصفحه همن تقولون كليمه همن تمغطونه نوبتن اخرى وتحطون وجه
السؤال الخامس : هل سبق لك وزرت المنطقه الشرقيه ( راس تنوره تحديدا ) واذا ما زرته فأنا ادعوك لزيارته والتمتع بأجوائها الممتعه والخضرة الطبيعيه وتر عشاك عند اليم يوم انك حلفت عليواذا سبق وزرته فعاد لا تدقق بسالفة الاجواء والخضره وخلك كتوم ياجدي وسيّر علينا ترنا نفرح بتيتك ولا تنسى تجيب معك المخاوي , تلقاه على دربك
السؤال السادس : هل لغياب ابو خليف عن المضايف في الوقت الراهن علاقة بما جرى في مضيف الشكاوي والاقتراحات ؟ تر دمه برقبتك خخخخخخخخخخخ صحيح انه يستاهل الغوله عقب عملته بس عاد تر الرجال طيّب ولا لك حق انك تنهي حياته بهالطريقة البشعه << ما يصلى عن الاشاعات
تحياتي المحارشيه المفعمه بالاسف لتأخري بالأسئله
ولا تنسى تحط الهجاء ببالك ترن ما نسيت خخخخخخ
المشاركة الأصلية كتبت بواسطة المخاوي
[/align]
[/align]
المفضلات