[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(( سجل الرسايل ))
قبل السفر جتّك الرساله .. وبوسه = ذكرى وخزنها .. بسجل الرسايل
هذي معانيها .. وهذي دروسه = كتبتها .. وارسلتها .. بالموبايل
رسالة العاشق تفسر .. هجوسه = خله بجوالك اذا الشك .. زايل
وفاتورة الجوال بدفع فلوسه = بس أقرها ليل .. وصباح .. وقوايل
دام السفر ياشوق دقت .. جروسه = البعد مايبري .. ويشفي .. غلايل
ضيم السفر لاطال يجرح بموسه = ويعطب خفوق(ن) بين عوج .. النحايل
البعد لاياطا الخفوق .. ويدوسه = حاول اذا تقدر بكل .. الوسايل
الضرس يقلع لا بدا فيه .. سوسه = ماهي سواليف(ن) .. ولا قول .. قايل
ماتناظر العذال تضرس .. ضروسه = جعله تشوف الموت هول .. وهوايل
خل السفر يومين .. واكتم نفوسه = ايامها لاتزيد نار .. وفتايل
آحذر على بالي .. وبالك تحوسه = وسمعني أعذب صوت عبر .. الموبايل
خل السفر عالج خفوقي .. بوسه = وخل الرسايل يلعن أم .. الرسايل
شعر/
خليف الجهيلي[/poem]
رد مع اقتباس
المفضلات