السلام عليكم ورحمة الله وبركاته
احببت ان نورد لكم بعض قصائد الشاعر سعيد السعدي الفرج ((رحمه الله )) احد شعار منطقه حائل
بقول سعدي :
[poem=font="Simplified Arabic,4,orange,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
مشتاق لك بس المسافة طويله =بيني وبينك مقدر آصلك واجيك
لاشك اببعث لك سلام تشيله = ريح الجنوب وطيب العطر ابهديك
من قلبي المشتاق يابو جديله =ياخذ سواد الليل منها وهي فيك
الحب لك وحدك وعندي دليله=دمع العيون اللي على البعد يسقيك
والشوق والتحنان في كل ليله= يأخذ حلاة النوم وأسهر اناجيك
ياعود ريحان نمى في خميله = الروح مني يااشعل العين تفديك
لولاك وش لي بالحياة وسبيله= تنعاف كانه ماتضمك وتحويك [/poem]
وله ايضا :
[poem=font="Simplified Arabic,4,blue,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
عام مضى تقل ساعة يوم انا وياك =واليوم تمضي الدقيقة كنها عام
وانا اتصبر ومني العين في رؤياك =لاشك خيّب زماني كل الأحلام
قسى علىّ الزمن مابين يوم اقصاك= عني وصار الفؤاد لوصلكم ضام
إنشد ولا أحدن ذكر لي وين أنا القاك= ضاع الجميل أوتغير ذاك الإقدام
يلومني فيك ناس مالقت بشفاك= ذاك الحلا اللي لقيته إبعز الأيام
ياعز نفسي حقيقة ويش انا لولاك = أعد مثل الصفر بشمال الارقام [/poem]
وله ايضا :
[poem=font="Simplified Arabic,4,darkblue,normal,normal" bkcolor="burlywood" bkimage="" border="none,4,gray" type=0 line=0 align=center use=ex num="0,black"]
النوم حارب جفوني مايبيها تنام=صار السهر عادة له وابرز اوصافها
اسباب غرو كلامه مثل رطن الحمام=درب لسانه على اللهجات واصنافها
يامهتني بالطرب مني عليك السلام=النفس ماترغب الا نغمة اولافها
ذكرتني في لحونك من عليه الكلام=الصاحب اللي كثيرين الحكي عافها
عنهم تنحا وحبه ثبت واستقام=وقبله حياتي على جاله وميهافها
ابو عيونن رموشه تقل صفة سهام=يهابها من نظر صوبه ومن شافها
لاواهني من تناظر له بكل احترام =لاواهنيه يعيش العمر باكنافها[/poem]
وله ايضا :
[poem=font="Simplified Arabic,4,deeppink,normal,normal" bkcolor="silver" bkimage="" border="none,4,gray" type=0 line=0 align=center use=ex num="0,black"]
في فؤادي شوق وبعيني ذهول = عقبكم ماكن بالديرة احد
يادواي وداي صدّق مااقول= غيرك من الناس ماقام وقعد
فرقتك منها طوى جسمي نحول= والليالي بغيبتك صارت نكد
وعسى ايام السفر بك ماتطول = مااحتمل فرقاك قربك لي سعد
إيت إمسح دمعتي عند النزول = لاتشوف الناس بي قل الجلد
بي بقايا صبر بغيابك تزول = كل شيء إلا انت ماقوى عنك اصد[/poem]
وله ايضا :
[poem=font="Simplified Arabic,4,orange,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
ساعة الليل من غير اللقاء بك دهر= ماتحمل ثوانيها طوال عراض
الهواجس تلعبي واعيش إبقهر = وآتصبر لان الحب مايستعاض
لك بقلبي محل مع سنيني كبر = لاتذكرت لك دمعي تحدر وفاض
يوم حسنك لعيني ياحياتي بهر = داعي الحب برقه داخل القلب ناض
ياغزال تباهى بالحلا واشتهر = بأشعل صبي عينه مع شديد البياض
والخدود الرقيقة لين وردة ظهر = قلت هذا زهر روض من ابها الرياض
صرت مركب بلا بحار وسط البحر =يلعب الموج به عقب الفلا والفياض
مااقدر اصل لشاطي وصلنا ياقمر =آه عزي لقلب لاذكرك إستهاض
الله اللي كتب لي في سطور القدر = ماكتبه الولي مالي عليه اعتراض
حالتي منك ذوبها كثير السهر = واهني الذي مابوادي الحب خاض [/poem]
له ايضا :
[poem=font="Simplified Arabic,4,green,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
ويــن غابت بسمتك وإشراقها =عن عيونــــي وين وضّاح الجبين
طــــالت الأيـــام وطال إفراقها =وأنتي ماحددتي يـــومٍ بـه تجين
ليـــه نفسك بدلت بأخلا قــها =حطت القسوة بدل ذاك الحنين
نسيّت الذكرى وكــــل أوراقها =.قطعتـها ماتبــي شىء يـبـيــن
والفواد اللــي طمع با شفاقها =يـــوم جاها يعـتـذر عيّــت تليـن
آهـ مــــــن روحٍ تزيد أشواقها =لا نهيـتـه جـد بـه جـرحٍ دفـيـــن
ماتطيق إفراق ظبـــيٍ شاقها =كيــــف تقوى والمحبه له سنين
هـــو ظلاله ياهلــي وإرواقــها =لاحشا بــه ماتطيــــع العــاذليــن[/poem]
وله ايضا :
[poem=font="Simplified Arabic,4,black,normal,normal" bkcolor="burlywood" bkimage="" border="none,4,gray" type=0 line=0 align=center use=ex num="0,black"]
قصتي بالليل تكتبها النجوم = فوق صفحات السما بإشراقها
بأحرف الأحزان و سطور الهموم = خطت الواقع لقلب ذاقها
بس ما أحد عارف للي تروم = نجمة بالليل ربي ساقها
هي ونيس المغرم اللي ما ينوم = كل عشاق السهر عشاقها
وا هني اللي من العقل محروم =ما عرف نار الجفا و إحراقها[/poem]وله ايضا :
[poem=font="Simplified Arabic,4,black,normal,normal" bkcolor="orange" bkimage="" border="none,4,gray" type=0 line=0 align=center use=ex num="0,black"]
عسى الأيام ما تآخذ هنانا = و لا الدنيا تورينا عيابه
و غيم الحزن مايقرب سمانا = و إذا غيّـم يجي خير سحابه
تهل المزن في لحظه لقانا = مطر فرحه على القاع و ترابه
يجسد حبنا و يسقي هوانا = و يعطي للوفاء دام و صلابه
حبيبي داع العشرة دعانا = و داع الحب لك عندي هلا به
أعرف الناس ما وده صفانا = يدوم و وده بسرعه غيابه[/poem]
وله ايضا :
[poem=font="Simplified Arabic,4,crimson,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
عاتب ظروفك ظروفي لا تعاتبها = أنت السبب لا تحاول تنكر إنصافي
أهملت زينه و عديت لمعايبها = أعطيتها يوم ضاقت يالغضي قافي
روحي أنا لك بالوفاء لا . لا تطالبها =ياما عطتك الحنان الصادق الدافي
راجع ضميرك وأحاسيسك وحاسبها=الحق ينقال في ظاهره و الخافي
العشرة اللي كثيرات مذاهبها = لا بد الأيام ما ترخصها و تنعافي[/poem]
وله ايضا :
[poem=font="Simplified Arabic,4,white,normal,normal" bkcolor="skyblue" bkimage="" border="none,4,gray" type=0 line=0 align=center use=ex num="0,black"]
على الأمل يا ساكن القلب و الروح =أعيش مع ذكراك في كل ليله
و أبكي وله و أهلي تلومن على النوح = ماتدري إن الحال مني عليله
أجلس بوسط الناس و أذكرك و أروح = أخاف تفضحني دموع هميله
عقبك أعيش مصاحب الهم مجروح = مدري بدونك كيف همي أشيله
مركب غرامي في شواطيك مطروح = أرجوك لاتبحر و تركب بديله[/poem]
وله ايضا :
[poem=font="Simplified Arabic,4,white,normal,normal" bkcolor="royalblue" bkimage="" border="none,4,gray" type=0 line=0 align=center use=ex num="0,black"]
طويت صفحة حب قلبي من اليوم =قررت نسيان الأمل و الأماني
دام الرجاء بك مالنا فيه مقسوم =قفلت بابه دون وافي حناني
رح خل من غرك يقاسمك لهموم = قلبك . أنا غيرك حبيب دعاني
دفنت أنا ذكراك ماني بمليوم =دربك تخيرته كفى ماشقاني
يا مدور الحرمان تلقاه معلوم = لا بد مايطاك غدر الزماني
ترجع تدور جوّنا لو به غيوم = تقول وين اللي بوصله هناني
أجاوبك و أقول ماني بملزوم .=أتبع هوى من صدّ عنّي و نساني
خلاص ما به بيننا وصل و سلوم = هذي النهاية أبعده لا أنتَ هاني[/poem]وله ايضا :
[poem=font="Simplified Arabic,4,white,normal,normal" bkcolor="black" bkimage="" border="none,4,white" type=1 line=0 align=center use=ex num="0,black"]
يوم شفت إن الرجاء بك و الأمل = خاب عزمت أرتحل عنك بعيد
و أدفن الذكرى بقلبي و احتمل = قسوة الأيام و أقضيها وحيد
أتخضع لك و خوفك ما حصل = و أتودد لك و قلبك من حديد
يا خسارة بان لي منك الملل =عفتني و أنا أحسب إن لي عضيد
في كلامك واضح ليه الزعل = لا تـجـامـلـنـي بــهــرج ما يــفــيــد
عارف قلبك نساني و انشغل = في غرام طحت به توّه جديد[/poem]
رد مع اقتباس
المفضلات