[align=center]بركات الشمري
إسم يحمل الكثير والكثير جداً
من
الجنون الشعري
في كل مره أقول هنا سوف يتوقف لأنه وصل لدرجة إبداعية عالية
أقول أنه لن يجتازها
ولكن يلطم هذا الرأي بمفاجاءتنا بجديده الذي يجعلنا نبحر بعذوبة مع ما يكتبه
هنا شاعر
يجب على الإعلام البحث عنه
لا العكس كالمعتاد بأن يبحث الشاعر عن الإعلام
إضافة إلى ما تم إختياره لباقته
أضيف
من قصيدة ليلة وداعي
هلابـك فكـرة الشاعـر إذا حـنّ .. لقوافيـهـا
هلابك مقصد عيوني .. كمال .. ومنطقـك واعـي
أنا قبل ابتدي جيتك .. ودنيا الخـوف .. ناسيهـا
دفنت الجرح وآلامه ... قتلت اليـاس واوجاعـي
أنا جيتك رجل نشمي .. وهامـة عـز .. معليهـا
أنا ماجيتك مخادع .. كـذوب .. ولابـس قناعـي
أنا جيتك قراح المـي .. ونيـة خيـر .. ناويهـا
أنا ماجيتك .. الحاقد .. وابروي منّك .. أطماعـي
في قصيدة أخرى أكسبته لدا البعض لقب بمسماها
قصيدة بدو ............ ن !!!!
صرنا للطابور ... سور ..!
ويوم جانا الدور ..
صحتوا .. بور ... بور ..!
والزمن يمشي .. يدور ..
وقلنا يالله ماعليه ..
بكرى تهون ..!
وجانا بكرى !
أردى من أمس .. الردي ..
ماستفدنا من العدي ..
حنا أصبحنا القتيل ..!
وحنا أصبحنا ... الودي ..!
ياجماعة .. من نكون ..!؟
من قصيدة ثرثرة على رصيف الانتظار
اجمع .. اجمع ياخفوقـي مابقالـك .. مـن زهـاب
والتحـف صمتـك .. وولّـم كبريائـك .. للرحيـل
وانت يافاضـح شعـوري !! ياقلـم .. دوك الكتـاب
سيل .. لكـن لااستفاقـت دمعتـي .. بالـك تسيـل
علـم اللـي ذاب حبـه فـي شراييـنـي ... وذاب
في عروق الصبح قبلـي ../ درب مجنونـك طويـل
وش هنا ؟ قرّب وناظر .!! دمـع وجنـون وغيـاب
من هنا !! .. تبـدا نهايـة شاعـر ٍ .. خـلاّ خليـل
الخط الفاصل وطاري فواصل
بس أكيد أن هالشاعر ماهو تحصيل حاصل
من قصيدة هذيان
بس لحظه ..!
ارسميني خط .. بين الشوق ..
فااصل ..!!
اكتبيني حب ..
هزي .. هـ المفااصل ..!!
وإلا شاعر ..
كل همه ..
يقرا حزنه ..
في (( فواصل )) ..!!
بالنهايه ... يامهاتي ..
شاعرك ..
تحصيل حاصل ..!!
بالفعل كما قال أخي فلاح
شاعر لذيذ هالبركات
أختي العزيزة
المهـ ـرة
إختيار رائع جداً رائع
دمتي بخير[/align]
رد مع اقتباس
المفضلات