[align=center]إليكم أحبتي بعد السلام عليكم .
وعذراً لطول غيابي لعل ما أتيت به يشفع لي .
إقبلوها كما هي .
تفووووح بشكري وعذري .[/align]
[poem=font="Simplified Arabic,5,white,bold,normal" bkcolor="transparent" bkimage="" border="groove,2,gray" type=2 line=0 align=center use=ex num="0,black"]
تعبت وأعطيت المسافه بعضي الذابل وجيت=شاعر ملا كاس إبتهالاته مواعيد/ وشتات
قولوا لهذا الليل ياعُذّال قلبي وش نويت=وأنا على نيّه كذا صادق بدون مقدمات
إن كان قصده يجبر الهاجس على مليون بيت=يكتب ويشطب في المعاني والجُمَل والمفردات
ياما كتبت وتبت لآظما/ لوّ عمري مارويت=أروي ظما والما محاصِر بالروى كل الجهات
وإن كان قصده يشعل الذكرى على جمره سريت=دايم وأنا أنفض عن مواعيدي رماد الذكريات
أعزف بريشة يومي أوتار أمس في همس ودريت=إن أجمل الأحلام زاير مالقى جوفي مبات
والشعر/ لعنه والمشاعر نار والتفكير زيت=كذا لقيت معادلتها وأحطب ضلوعي وهات
ياسيّدي لاعاد تسأل!!/ قول مني وش لقيت؟؟=آآآآسف توقّف لاتجاوب سيّدي والوقت فات
أنا اللي أعطيت المسافه بعضي الذابل وجيت=شاعر ملا كاس إبتهالاته مواعيدوشتات
العرابي[/poem]
رد مع اقتباس
المفضلات