سؤال للعارفين بالجوالات

**شموخ** · 21-06-2005 01:42

السلام عليكم

عندى سؤال يختص بتحويل المكالمات

الصراحه محيرني تحويل المكالمات قد مايريحنى الا انه يحيرني ، يعنى أنا عندي ثلاثه أرقام جوال والصراحه ماطلعتها عبث والا بطره لا أبي ارتاح واحب أنظم اتصالاتي مخصصه للجامعه رقم ولبنات المضايف رقم مع انى مااكلم الا وحده الله يردها بالسلامه وللعائله رقم والحقيقه الجوال الخاص بالعائله هو اللي معى دائما ولا أغلقه لا ليل ولا نهار حتى باوقات النوم " بعد ايش بعد ماهاوشوها إنها ماتقفل الجوال " والثانيه مغلقه الا فيما ندر واحيانا إذا كنت اتنظر مكالمه من زميلاتي أقوم باالتحويل على رقم العائله لكن الطامه إذا جانى اتصال وانا مانى عند الجوال ولقيت الرقم بعدين مدري هو جاي على رقم العائله "لأن اغلب بنات عمانى مانى مسجله ارقامهم واحيانا يغيرونها ويتصلون يعنى ماعاد استغرب رقم غريب " والا على رقم زميلاتي فاحتار من اي رقم اتصل على هذا الرقم لأن زميلاتي مايعرفون رقمي الخاص :wink:

اتمنى اذا فيه طريقه أعرف الاتصال جاي على اي رقم تقولون لي ...

تحياتي
شموخ

**رضا الزميلي** · 21-06-2005 01:53

[align=center]الله أكبر يابنت النعمة

وش حادك؟؟!

خلي جوال واحد وفكي عمرك

ههههههههههااااااااااااايلي

أما بالنسبة لسؤالك أبي أسئل واحد خبير وأرد لك إن شاء الله

المجهول[/align]

**المطنوخ** · 21-06-2005 02:38

الحل عندي وانا ابودسوقي

شمخمخ<<<يقال اسم الدلع

شوفي اذا تبين تعرفين هالرقم هذا جاي على رقم العائله او من خطتس الثاني

*العائله يطلع عادي مثل اي رقم يعني ماعليه خلاف

*اذا جاء اتصال محول من رقمتس الثاني راح يطلع بجنب الرقم اكتنه من يمين سهم منحني صغير وتلقينوه لازق بالرقم

وهذا اذا مالحقتي تشوفين جملة مكالمة محوله قبل مايدق الرقم عندتس

فهمتي ولا اشرح؟؟

اسألي باللي تبين ولا يردتس الا كيبوردتس

**شموخ** · 21-06-2005 03:24

المشاركة الأصلية كتبت بواسطة المجهول

[align=center]الله أكبر يابنت النعمة

وش حادك؟؟!

خلي جوال واحد وفكي عمرك

ههههههههههااااااااااااايلي

أما بالنسبة لسؤالك أبي أسئل واحد خبير وأرد لك إن شاء الله

المجهول[/align]

أهلين بالمجهول

والله ودى أفك نفسي بس وش أسوى أحيانا زميلاتي يتصلون وانا مانى فاضيه ارد عليهم واحيانا اكون نايمه فبعضهم يمكن ياخذ بخاطره ويحسبنى مطنشه يوم شفت رقمها حتى والله مره وحده دقت أكثر من مره وكان ماهو مغلق الجوال وماكنت عنده راحت ارسلت لي رساله تحسبنى مطنشه

فيها
وين انت يارقم له شهور مشغول ......... لاقال لي عفوا ولا قالي سم ( لاقالي عفوا >>> يعنى ماهوا مقفل ولا قالي سم <<هذا عشانى مارديت

)

خايف يطول الوقت ويحول بي حول ........ لارد جواله ولا هو تكلم
صاحبه غالي بس ماهو بمعقول ........ إنه نسى له صاحب فيه مهتم
خوتك ماهي حبر ينشف على طول .......... خوتك تاج فوق راسي معظم

صراحه انحرجت يوم شفت اتصالاتها ورسالتها واتصل عليها وهات من الحلف انى ماطنشت وانى مانى عنده يوم دق بس عاد مدري يصدقون والا لا :xsmile:

لاتنسى إسال بالله ..
تحياتي
شموخ

**شموخ** · 21-06-2005 03:38

المطنوخ

ياخوي فهمت عليك وهذه ماعليها خلاف وانا اذا كنت عند الجوال ومحوله على رقم العائله أكيد برد وبعرف منهى من زميلاتي او من عائلتنا ولا أحوّل الا اذا كنت انتظر وحده من البنات ترد مثلا لي خبر عن شي يعنى انتنظر مكالمه منهن والا اذا ماكنت انتظر مكالمة من زميلاتي على طول اقفل جوال زميلاتي ولا اعمل تحويل بس المشكلة لكنت بعيده عنه وعلى مااجي الاقي المكالمات هنا احتار مدري من ، عاد انا ماشاء الله احيانا انسى وين حطيت جوالي والله لين يلقونه اهل الخير ويعطونى اياه :xsmile:

تحياتي
شموخ

**المطنوخ** · 21-06-2005 04:09

^
^
^
بالحاله هذي

غني يااااليل ماطولك لان انتي قصدتس انتسس اذا جيتي التلفون ولقيتي مكالمات لم يرد عليها.

تبين تعرفين اذا هالمكالمات جايه محوله ولا لا؟؟

بالحاله هذي انسي...فورقتن<<بالعنقريزي

بعدين ابي افهم شغله

انتي وليه تبين تعرفين الرقم محول ولا لا؟؟

المقصد انتس ليه ماتخزنين الرقم عندتس وتشوفين اذا خويتس راح تعرفين انها داقه عليتس من رقمتس الثاني<<<ياناس هالولد فاهم بس محد اكتشفه

دمتي ودامت مشكلة التحويل<<نذل

**عبدالله الجعيثن** · 21-06-2005 10:39

[align=center]^
^
انا اعلمك.

انتي طبعا بالطايف.

واكيد عندكم خدامه.

واكيد باب الشارع حقكم حديد.

السوأل اللي يطرح نفسه:

هل كان عندك بيجر قبل ولا لا؟

على ضوء اجابتك .. اقدر احل مشكلتك.

^
^
^
بذمتي اسئلة بروفسور..!![/align]

**شموخ** · 21-06-2005 14:54

المشاركة الأصلية كتبت بواسطة المطنوخ

^

انتي وليه تبين تعرفين الرقم محول ولا لا؟؟

يووووووووووووووه ياناس مو قادرين يفهومنى

تبينى أدق على البنت من رقم العايله وهو خاص مابي احد يعرف من زميلاتي هذا الرقم ولو أدق من الرقم اللي مخصصته لزميلاتى بنات عمانى أحيانا مايردون على الارقام الغريبه وبلشه والله .

المقصد انتس ليه ماتخزنين الرقم عندتس وتشوفين اذا خويتس راح تعرفين انها داقه عليتس من رقمتس الثاني<<<ياناس هالولد فاهم بس محد اكتشفه

المقصد إن كل جوال مخزنه فيه الارقام ياشاطر يعنى جوال العائله مافي غير ارقام اقاربي وبس فاذا كان محول عليه كيف تطلع ارقام زميلاتي لي وهي مخزنه بالجهاز الثاني

دمتي ودامت مشكلة التحويل<<نذل

الله يقطع ابليسك نذل بقوووه بعد

**شموخ** · 21-06-2005 15:02

المشاركة الأصلية كتبت بواسطة الغازي

[align=center]^
^
انا اعلمك.

انتي طبعا بالطايف.

متنقله مابين الطايف والرياض " صدقت انه بيحل مشكلتها "

واكيد عندكم خدامه.

وش تبيبها :wink::wink:

واكيد باب الشارع حقكم حديد.

من قال إن عندنا باب ماعاندنا باب

السوأل اللي يطرح نفسه:

هل كان عندك بيجر قبل ولا لا؟

لا والله ماكان عندى بيجر يوم طلع البيجر وانا امص اصابعي " كناية عن الطفوله "

على ضوء اجابتك .. اقدر احل مشكلتك.

ها حل المشكله تكفى ...
^
^
^
بذمتي اسئلة بروفسور..!![/align]

اي بالله

**المطنوخ** · 21-06-2005 15:26

اقول تبيعين الجهاز على خرابوه؟

اقوووول نهاية الحتسي وانت شفتس داخلتن هالموضوع هذا ياويلتس<<اجليك انت كاتبن الموضوع يابوالشباب؟؟!

شوفي اللي عندتس فلوس تشترين هالثلالث خطوط اجل اكيد عندتس فلوس تشترين 3 جوالات وماهو شرط يكونن كلهن اخر موديل يعني خلي واحد تكشخين فيه وغالي والباقي ابوطقه بس يستقبل ويرسل

واذا ماعندتس فلوس روحي تعطي بمضيف الاسره هناك عند خوياتس

سلاااااااااااااااام