السلام عليكم
مقحم النجدي الصقري العنزي يقول :
[poem=font="Simplified Arabic,5,white,normal,normal" bkcolor="blue" bkimage="" border="double,4,burlywood" type=1 line=0 align=center use=ex num="0,black"]
يامزنة غرا من الوسم مبدار= اللي جذبنا من بعيد رفيفه
ترعى بها وضحا من الذود معطار= غبوقة الخطار عجل عطيفه
ترعى بها قطعاننا سر وجهار= من دونهم نروي الغلب والرهيفة
يرعن بالله ثم مشعل وصقار=خيالة يوم الملاقا عنيفه
يرعن من الجوبه الي خشم سنجار= يرعن احدود محقبة والحتيفه
ماهي بهرجة مهلق عقب مانار= اللي نكس وأطراف رمحه نظيفه
يبني عليها بنية البن لجدار= عقب الضعف راحت ردوم امنيفه
يالله يالمولى تعاون أهل الكار= وتحل شطات عليهم كليفه
حنا ومع ذلك لك الله لنا كار= عن جارنا مايوم نخفي الطريفه
نرفا خماله رفية العش بالغار= ونودع له النفس القوية ضعيفه
باغي الى مالجار عن دارنا سار= وكل تذكر دار حيه وليفه
أحد على جاره بختري ونوار= وأحد على جاره صفاة محيفه
خطو الولد مثل النداوي اليا طار=صيده سمان مايصيد الضعيفه
وخطو الولد مثل البليهي اليا ثار=زود على حمله نقل حمل اليفه
وخطو الولد ينصب على موتة النار= صفر على عود تضبه كتيفه[/poem]
وسلامتكم
رد مع اقتباس
المفضلات