[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
طبع المحب يشب سامحني على كثر العتاب=لو ادري ان الصدق كذبه ما بحثت اسبابها
لو علموني قبل لا يرمون في صـدري حراب=يمديني آخذ للمعارك سيفها وحرابها
خرجت من حلمي وعـلمي توّه ألبسني ثياب=عزالله إني لآدفن أحلامي وأهـيل ترابها
ياكثر ماغشتني أحلامي وضّيعت الحساب=ما تنكشف بدري وتتركـني وتقفل بابها
هاك إعترافاتي وسجلها وضمّـنها كتاب=وأرسم معاناتي بعدعاش الظلام وجابها
ماني غبي حتى أعطي الما طالبه واظما سـراب=ولانـي نبيّ أمـه ينزّله وحـيْ بكتابها
شاعر سأله الهم عن ماتم وأعطاه الجواب=وأحتاج يخرج من غباْ الرحله ولا يشقى بها
والعمر ميدان التجارب والخطا غيرالصـواب=والروح عـيّت لا تناسبها فنون أحبابها
ياقلب صبرك معجزه لو فالصـخر ما فيك ذاب=أنا أشـهد إنك ما تلين وللسنين حسابها
يفـداك كل اللي مضـى يا قلب من حـب وعذاب=وتفداك كل التضحيات وخيلها وركابها
ويفداك من يقفل ويفتح للفرح والحزن باب=ويفداك من بكّى العيون اللي تبل أهدابها
والشعر سيفك والقصايد لاتذل ولا تهاب=إضرب على روس الهموم اللي طوال رقابها
بكره يطيب الجرح (وتعلّه مراويح السحاب)=وتموت كل الذكريات اللي يحوم غرابها[/poem]
رد مع اقتباس
المفضلات