يامي فكته الطنايا

[wolf65]

السلام عليكم ورحمة الله وبركاته


في الحقيقة آني سمعت هذه القصيدة وهي تدور حول رجل من قبيلة يام محكوم عليه بالإعدام ونقل من سجون منطقة نجران إلى سجون حائل لتنفيذ حكم القصاص به

واستنجد بمشايخ شمر بهذه القصيدة وكان ذلك قبل نحو ما يزيد عن عشرين عاماً وهو الشاعر السجين سابقا ((محمد ن جهير ال فطيح الوعيلي اليامي))
وبعد قصيدته تدخلوا شيوخ شمر عند الامير
عبدالله وشمله العفو.....

والبيضاء مرفوعه لقبيلة شمر من جميع قبائل يام


اشكي على شمر عيـال السناعيـس
زبـن الغريـب اللـي بلتـه الليالـي

روس الرجال اللي تعرف النواميـس
لطامـة العايـل بـروس السـلالـي

انخى شيـوخٍ ذكرهـا لـه تداريـس
باول تواريـخ العـرب لـه مجالـي

تاريخهم يكتـب ببيـض القراطيـس
ويكتب على روس الجبـال العوالـي

وانخى الشيوخ اللي يفحمون المحاميس
ومـزوديـن هيلـهـم بـالـدلالـي

انخى عبدالله اللي له المـدح تأسيـس
ابـن رشيـد اللـي عزيـزٍ وغالـي

وانخى ابن جبرين ودرزي بتحميـس
نخوة حمـس تهتـز منهـا الجبالـي

وانخى بيعجان العلـي ممـن العيـس
وممـن الخلفـات باقصـى المفالـي

وانخاك ياشبـل الاسـود النواعيـس
انخـاك انـت ياطـلال الرمـالـي

نخيتكـم وانـا غريـب المحابـيـس
من سجن نجـرانٍ لسجـن الشمالـي

اقسم لكـم باللـي يهـب النسانيـس
لـو واحـدٍ منكـم محلـي بـدالـي

ويزورني منـه خطـوط ورواسيـس
لاعجبـه واسـوق حالـي ومـالـي

واطلع به اللـي ماتجيـه القرانيـس
واحـط منزالـه علـى راس عالـي

اقولها وانا يامـي رمتـه المقابيـس
شيخٍ ولـد شيـخٍ عمامـي خوالـي

قصيرنـا يامـن بليـا حـواريـس
وخوينـا يشـرب قـراحٍ زلالــي


الله يجعلها بداية المعرفة الطيبة لمنتدى قبيلة شمر (( الطنايا )) ..

[عايدالشمري]

[align=center]الذيب

الله يعطيك العافيه على السالفه والقصيده الرائعه

لاهنت[/align]

[راعي الوقيد]

[align=center]الله يحييك اخوي

وياليتك تمر على ابو خليف شفه ماعندوهـ احد وفنجاله والم

سير عليه وخل الشباب يتعرفون على اخوهم اللي توهـ لافي عليهم

تسلم اخوي خوش قصيدة

والسلااااااااام ...
..[/align]

[wolf65]

لاهنت ياعايد وأنت والله الذيب الكبير ..

وتشرفنا بالمعرفة الطيبة ..

[wolf65]

[align=center]الله يحييك اخوي

وياليتك تمر على ابو خليف شفه ماعندوهـ احد وفنجاله والم

سير عليه وخل الشباب يتعرفون على اخوهم اللي توهـ لافي عليهم

تسلم اخوي خوش قصيدة

والسلااااااااام ...
..[/align]

ماعرفتني ياراعي الوقيد ؟؟ !!

أنا صاحب لك قديم ,, وبيننا تنافس شريف .. بس ربعك زعلوا علي الله يسامحهم علشان موضوع بسيط تناقشنا فيه ..

وصدقني لولا محبة قبيلة شمر في قلبي مارجعت مرة ثانية ..

لأنني أحب أفيدكم بما عندي وأستفيد بما عندكم من معلومات تاريخية ..

ومن حسن حظي بأن زالت تلك الغشاوة القديمة التي عندي وتبينت لي أمور كثيرة في التاريخ وفي الحياة كنت جاهل بها ..

وبفضل من الله عز وجل ثم شيبان قبيلة شمر الشجعان الله يطول بأعمارهم الذين أناروا لي طريقي المظلم الذي كنت سائرآ فيه ..

وأحاول الآن أن أضع النقاط على الحروف وأبحث عن كل ماهو صادق ومفيد لحاضرنا ومستقبل إسلامنا ..

هااااااااه ,, هل عندك حب إستطلاع في معرفة شخصية أخوك في الله (( wolf65 )) ؟؟

أم أخليها سريّة أحسن .. ويادار مادخلك شر !!

[راعي الوقيد]

[align=center]وشلون تبينن اعرفك يالعـــــــزيـــــز

مادري هو صار بيننا شي لا سمح الله من هاللي انت تقول

على العمـــــــوم

حياك الله اخوي كائن من كنت والمضايف للجميــــــع

وابرك الساعات زوال تلك الغشاوة ووضــــــــوح الرؤيـــــــــة

لكن الى هالحين الغشاوة بعيوني

من تكوووووووون << لو برسالة خاصة والله ما اعلم احد

بس لا تكون اللي على بالي

وسلاااااااام ...
.؟!
[/align]

[wolf65]

[align=center]وشلون تبينن اعرفك يالعـــــــزيـــــز

مادري هو صار بيننا شي لا سمح الله من هاللي انت تقول

على العمـــــــوم

حياك الله اخوي كائن من كنت والمضايف للجميــــــع

وابرك الساعات زوال تلك الغشاوة ووضــــــــوح الرؤيـــــــــة

لكن الى هالحين الغشاوة بعيوني

من تكوووووووون << لو برسالة خاصة والله ما اعلم احد

بس لا تكون اللي على بالي

وسلاااااااام ...
.؟!
[/align]

نعممممممممممممممممم

أنا اللي في بالكككككك ..

[خالد الشمري]

الله يعطيك العافيه اخوي وحيّاك الله بين اخوانك