[align=center]
سمعنا عنكم كل خير ونتشرف بأن نكون بينكم
[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
على ذاك الطريق اللي توارى في سمـاه النـور
مشيت أبحث عن أسباب الجروح اللي سطت فيني
أسير به خطاي أمشي وكنـي بالمشـي مجبـور
يضيق الدرب على رغم اتساع الكون في عينـي
وصلت أقصى مسافاته وصلت لمنزلاَ مهجـور
على جدرانه أجمـل ذكريـات الحـب وسنينـي
هنا كانت تقابلني تجـي فـي خاطـرً مسـرور
هنـا كانـت علـى عالـم طفولتهـا تودينـي
أذا جتني تقصر من خطاهـا والشعـر منثـور
وأضيع بنظرات عيون الوفاء ساعـة تراعينـي
أقابلهـا وأكلمهـا وأعانقهـا بـدون شـعـور
توادعنـي همـوم الوقـت والفرحـة تنادينـي
على جنح الدجى ياما بنينـا بالخيـال قصـور
تعاهدنا على حفـظ الوفـاء مـا بينهـا وبينـي
عطاها الله من أوصاف الجمال اللي عطى للحور
شعرت ان القمر فـي خدهـا ساعـة تلاقينـي
وقفت أبكي على طلال الديار بخاطـر مكسـور
خذى وقتي بقايـا فرحتـي وش عـاد يعطينـي
أنا رجعت من الخيال أكتب بقايا قصتي بسطور
وعرفت ان الزمان اللـي ضحـك لـه يبكينـي
وعرفت ان الفرح في دنية العاشق يمـر مـرور
نهـاراً جابنـي يـم الهنـا يرجـع يوديـنـي
وعرفت ان الضعيف اللي يعيش في دنيتة مغرور
وعرفت ان الزمـن مهمـا دريتـه مايدارينـي
على كبر اتساع الكون وأطرافه تضيق صـدور
وانا فيني من جـروح الزمـان اللـي مكفينـي
تعذر يا زماني منت في شيء حصـل معـذور
ولـو راعيـت ساعاتـك عرفتـك ماتراعينـي
فلا تحاول دخيلـك يازمانـي خلنـي مشكـور
ترى مهمـا تحـاول يازمـن ماعـاد تغرينـي
انا اعلنـت انسحابـي يازمانـي مابقالـي دور
خذيت اجمل هدية من يـدي وش عـاد تهدينـي [/poem]
عاشق خيال
[/align]
رد مع اقتباس
المفضلات