إي والله جاب العيد
يالربع أخوكم المحروووم جاب العيد مع المسؤول حقه
ويبغى يصلح العلاقات معوه عطونا نصائحكم
أما السالفه مع المسؤول (توفيق) اللي وجهه يجيب الهم
الحقيقة مرتين مره أنا جبت العيد
والمره الثانيه خويي الجديد جاب العيد على حسابي
المرة الأولى
جالسين مع بعض ومعي الربع في الدوام وقهوه وسوالف وبلوت
والمسعول مايدري عنا
لكن أبن الذين جاء ووقف وراي ماشفته
قال واحد من الشباب بس من اللعب لا يجي المسعول ألحين يسوي لنا سالفه وهو يشوفه واقف وراي قلت له يارجال هذا المسعول ماعنده ماعند جدتي كمل اللعب
إلا والشباب كلهم ضحكوا
والمسؤول يقول يعطيك العافيه
قلت الله لا يعافيك ولا يجزاك خير
ومن ذاك اليوم وأنا في وحده (unit) لحالي والشباب مع بعض
والنوبه الثانيه
خويي اللي يشبه المطنوخ في تصرفاته
كان بمصنع ثاني
لكنه حصل نقل عندنا
وقبل لا ينقل عندنا كنت أتكلم له عن المسعول (أسمه توفيق)
قلت له ترى توفيق يدبل الكبد ويرفع الضغط
وأنواع الحش
ولكن العاقبه رجعت علي أنا
أول يوم داوم خويي جاء عندي بالوحده والمسعول كان جالس عندي
وهو مايعرفه يحسبه واحد من الشباب
تتخيلوووووون وش قال خويي المطفوق
قال
قال
عساهم قلعوا توفيق اللي دابلن تسبدك
وتوفيق جالس قدامه
قلت الله يقلعك هذا هو قدامك
وعلى طول خويي قدم نقل لمصنعه القديم
وألحين المسؤو ل يشوف خشتي ويجيه العمى
وكل ماقدمت إجازه
أنا آخر واحد يطلع إجازه
قدمت نقل لمصنع ثاني
ورفض النقل بحجة أني من الموظفين الممتازين ومايبغى المصنع يخسرني
وهو يكذب بس يبغاني أجلس عندوه عشان يدبل تسبدي
وش الحيله معه يالربع
أبغى المياه تعود لمجاريها
رد مع اقتباس
المشاركة الأصلية كتبت بواسطة منيره
المفضلات