[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الى متى يابن الحـلال التجافـي=
يرحم ابوك القلب ماعاد به حيـل
حديتني واظهرت كـل الخوافـي=
وشكيت للعالم صدود المراسيـل
عقبك ترى والله مامـن عوافـي=
تشكي من دموعي جيوب المناديل
كدرت حبٍ ياهوى البـال صافـي=
وغيرت جو السالفـه والتعاليـل
يامعذبي من زايد الهجـر كافـي=
ليل الجفاء طول بشمس المواصيل
واذا اشتكى من زايد الوجد قافـي=
هذي رسالة عن هموم التفاصيـل
بنيت لك بيتٍ من العـز ضافـي=
وخليتني في عاليـات الغراميـل
اسهر وجفنك عن مراميه غافـي=
و اون ويرد الصدى لي مواويـل
حرية العاشـق وسـور المنافـي=
عرفتها من بعد ماذقت انا الويـل
حقك واخذته من حنايـاي وافـي=
وتوي عرفت ان المحبة تهاويـل
تصبح بخير ومن هواك متعافـي=
وتمسي جروحك بالضماير مغاليل [/poem]
رد مع اقتباس
المفضلات