[align=center][glow=000000]اجمل بنات الجيل[/glow]
[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="none,4,gray" type=1 line=1 align=center use=ex num="0,black"]
انا اللي توهتني خطوتي واظلم علىّ الليل=مثل ضيف حمل سيفه ومال على معازيبه
غدا مثل ابدوي حط بيته في طريق السيل=تباعد رحمة الله والغرور اكبر عذاريبه
سجع طير الغرام وضج صوت الناس بالتهليل=وانا في واديٍِ يعزف على صمتي عواذيبه
على مزن الغيوم اللي تبللها غصون الهيل=وقف صقر تدلا برقعه وادمى مخاليبه
تعبت اسمي الفرقا تواصل والقدوم رحيل=تعبت ارحل بجرحي واستره والناس تدريبه
طفح كيل الغرور ولابقى لي غير بعض الكيل=تغليت وتكابرت الغلا وابطيت اغني به
توشحت العفاف ولاخدعني كل طرف كحيل=خذيت بشور ابوي اللي يقول ان الهوى ريبة
تمنيت النجوم ولارضيت الاجوار سهيل=طلبت المجد حتى وارتقيت اعلى مراقيبه
على قول البدو ماللرجال الاظهور الخيل=ولاينعاب فالعدّ القراح الاحثاريبه
**بت المعركة والخيل ترسل حمحمة وصهيل=كتبت على الهزيمة نصر وابواب الفشل خيبة
يقولون اهل مصر يكذّب الغطاس ماى النيل=ومن كثرة عيوبه تنكشف للناس الاعيبه
يحق لواحد مثلي يحب اجمل بنات الجيل=اذا شاف الرماح مدرهمه يفتح لها جيبه
عشقت جنونها وفنونها وعيونها بالحيل=مثل مايعشق الطفل الصغير اجمل تلابيبه
ذبحني صوتها وانا خجول ومرتبك وحليل=رسمت على ملامح صوتي الاحزان والهيبه
بدايتها تعب والعاشق اعمى والزمان بخيل=نهايتها مواجع توقض النائم وتسريبه
امانة يانخيل الوادي اللي كل ابوه نخيل=اذا مرّك حبيبي تاخذين شوي من طيبه
وقولي كلمة في خاطري ماهي مثل ماقيل=بعد ماقلتها ياغاية القلب ومطاليبه
احبه ثم احبه ثم احبه ثم احبه حيل=كثر ماحب قيس ابن الملوح كثر تعذيبه[/poem]
[glow=000000]الشاعر مجهول لدي[/glow][/align]
رد مع اقتباس
المشاركة الأصلية كتبت بواسطة المهـ ـره
المفضلات