[align=center]والله يالربع لي مدتن عنكم وضايقن صدري ومريت الفله ادور الونسه واتصيد اخباركم لكن ماشوفكم وين انتم
مار استلموا هالبويتين اللي طرن وجرن واسمحولنا [/align]
[poem=font="Simplified Arabic,5,skyblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كيفكم ياهل الفله = وين الفنجال والدله
وشلون باقي الشله = قريبهم والبعيدين
-
اشوف ابو غازي ولهان = لشوف الربع والصدقان
عز الله انه بليهان = عريب الخال والجدين
-
وابو عمر متفاائل = متربع وسط حائل
وللعلوم الطيبه نائل = ياعل يفداه البخيلين
-
وابو مقرن المثالي = اشهد انه فوق العلالي
ماقطع حبل الوصالي = ليتنا له قريبين
-
لاتباعد يابو مشاري = ترانا جمعنا مصاري
خذنا لاطرالك طواري = هذا جوازي باليدين
-
وذيب شراف طيب الساس = علومه دوم ترفع الراس
وسيع بطان ماهو بحساس = حطه على اليمين
-
ياللي تنشد عن المخاوي = الطيب معدنك يالنداوي
يالمحرووم شوفتك مناوي = لاشفناك حنا سعيدين
-
وين انت ياأحلى عشير = شنقل ترى هذا مايصير
وشفيك خفيت المسير = تعال ولك سهمين
-
يالمطنوخ كيف الحال = ما أنساك هذا محال
مرنا لاحصل لك مجال = ترى محنا بعيدين
-
وطيب الذكر الاصيل = لاجار الزمن مايميل
مشتاق انا للمواويل = في هالفله والميادين
-
يامن عين القرم صلفيق = اللي علومه ماهي تلافيق
في حضوره تزين الطواريق = وترجح كفة موازين
-
وشبثان راعي علوم = تلقاه فالدفاع وفالهجوم
عسى خيره دايم يدوم = وعند الشدايد يبين
-
ياناس مافيكم عذاريب = الكل طيب وراعي مواجيب
شبابكم والا هل الشيب = والله عندي عزيزين
-
والمعذره للي ماذكرته = مخاوي تخونه نوب ذاكرته
وان كان مايرضيه زرته = ونقول فيه بيتين
-
[/poem]
رد مع اقتباس
[/align]
المفضلات